بسم الله الرحمن الرحيم
سيكون شرحنا اليوم وحدات الموبيل
يعنى يالبلدى كده عايزين نعرف إيه هو الموبيل دا إيه إللى موجود فيه
أول شىء من مكونات وحدة الموبيل هو :
وحدة إدخال:
وهى تمثل lray bad - infra قواعد إدخال ال data من إدخال سوفت وير
ونغمات إضافيه مثل النغمات الصوتيه مثلا
يعنى الوحده دى هى المتخصصه فى طريقة إدخال أى شىء للجهاز
ثانى وحده وهى وحدة المعالجه المركزيه:
وهى تمثل مجموعة الايسيهات والمكونات التى تقوم بمعالجة data التى تسلمتها من وحدة الادخال
للآرسالها إلى وحدة الاخراج
يعنى إيه الكلام دا
يعنى إحنا قلنا أول شىء إن فى وحدة إدخال وفهمنا وظيفتها إنها بيدخل عن طريقها أى شىء عايز تدخله للموبيل طيب وليكن الشىء دا مثلا نغمات اوك
إحنا دلوقتى وحدة الادخال خلاص إستلمتها ودخلتها جوه الموبيل طيب هدخلها لمين؟
هدخلها لوحده تانيه وسمناها وحدة المعالجه المركزيه وأظن وظيفتها واضحه من إسمها إنها هتعالج النغمه إللى دخلت دى وتشوفها سليمه ولا لا علشان تحولها بعد كده وتديها للوحده إللى جايه وهى
وحدة الاخراج:
لو فهمنا إللى فات صح يبقى أكيد هنفهم من إسم الوحده دى إيه وظيفتها وبرده نقولها
أولا الوحده دى تمثل فى شىء رئيسى وهو الشاشه
والشاشه هى التى تظهر عليها كل البيانات التى تم معاملتها فى وحدة المعالجه المركزيه
يعنى دلوقتى أى معلومات هتجيلنا عن طريق وحدة المعالجه المركزيه لازم تمر على الشاشه علشان نقدر نشوفها
طيب عايزين نعرف دلوقتى وحدة المعالجه المركزيه دى بتتكون من إيه؟
تتكون وحدة المعالجه المركزيه من:
1- وحدة الحساب والمنطق alu
2- وحدة التحكم Control unit
3- وحدة التخزين
وتتكون وحدة التخزين من:
أ- وحدة تخزين داخليه والتى موجوده على أيسيه ram والذى سيتم شرحه مع مجموعة الايسيهات
وهى التى تحتوى على الذاكره الثابته التى يتم تخزين البيانات الثابته بها وهى لاتفقد بمجرد قفل الجهاز باور وفتحه مثل الاسماء المخزنه فى الـ phone book
ب- وحدة تخزين خارجيه وهى التى يتم تخزين البيانات الغير ثابته بها والتى تفقد
بمجرد قفل الجهاز باور مثل المكالمه المفقوده missed
ولازم نفرق بين الوحدتين دول والتفرقه بينهم بسيطه جدا وسهله جدا
الوحده الاولى للمعلومات الثابته فى الجهاز مثل الاسماء وماشابه
الوحده الثانيه للمعلومات الغير ثابته
الوحده الاولى لاتفقد المعلومات منها عند قفل الجهاز باور وفتحه
الوحده الثانيه تفقد البيانات عند قفل الجهاز باور وفتحه
أما وحدة التخزين الاخيره وهى:
وهى مانسميها وحدة التخزين الاضافيه
إيه هى وحدة التخزين الاضافيه دى
هى التى يتم تخزينها فى وحدات منفصله عن الموبيل مثل كارت الذاكره
memory Card
يعنى بالبلدى كده المومرى
وبكده اليوم نكون عرفنا إيه هى وحدات التخزين فى أى موبيل
وأى سؤال أنا فى الانتظار إنشاء الله
والدرس القادم إنشاء الله هيكون عن أجهزة dct3
هنبدأ فيها بأعطال الباور يليها الشبكه يليها الشحن والاعطال العامه المتفرقه
تقبلو جميعا وافر حبى وتقديرى للجميع
موضوع: مــعـــلـــو مــات عــا مــه عــن الــمـو بـيـل 
