المنتدى الاول لخدمة اهالى قرية جمجره
اهلا وسهلا بك فى منتدى جمجره
اذا كنت زائرا فتفضل بالتسجيل بالضغط على كلمة تسجيل
وان كنت عضوا فتفضل بالدخول


مع تحيات مدير الموقع
صـلاح سامى صلاح



 
البوابةالرئيسيةمكتبة الصورالتسجيلدخول

شاطر | 
 

 الموال المصري الاصيل

اذهب الى الأسفل 
كاتب الموضوعرسالة
ابوحسن
عضو جينيس
عضو جينيس
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : من اصحابى
انا من عائلة : ابو عثمان
انا من سكان : منطقة الترعة
ذكر
الابراج : القوس
عدد الرسائل : 2068
تاريخ الميلاد : 30/11/1964
العمر : 53
العمل/الترفيه : معلم
المزاج : فل الفل
نقاط : 2573
تاريخ التسجيل : 17/02/2009

مُساهمةموضوع: الموال المصري الاصيل   الجمعة فبراير 27, 2009 9:03 pm

[center]الليـل مـا هـو قصير

إلا على اللى يـنامـه

والشخـص مادام فقير

ما حد يسمـع كلامه


كيد النسا يشبـه الكى

من مكرهم عدت هارب

يتحزمـو بالحنـش حى

ويتعصبـو بالـعقـارب
مسكين من يطبخ الفـاس

ويريد مـرق من حـديده

مسكين من يعاشر النـاس

ويـريـد من لا يـريـده


فى البحر لم فتكم
فى البر فتونى
وبالتبر لم بعتكم
بالتبن بعتونى
انا كنت وردة البستان
انتوا لية قطفتونى

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى

طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق

فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي

سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه

شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب

يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة

جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية

كلام الغَرَابا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي

إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب

ولابد من يوم محتوم
تترد فيه المظالم
أبيض على كل مظلوم
أسوَد على كل ظالم

غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟
[/center]
الرجوع الى أعلى الصفحة اذهب الى الأسفل
ابوحسن
عضو جينيس
عضو جينيس
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : من اصحابى
انا من عائلة : ابو عثمان
انا من سكان : منطقة الترعة
ذكر
الابراج : القوس
عدد الرسائل : 2068
تاريخ الميلاد : 30/11/1964
العمر : 53
العمل/الترفيه : معلم
المزاج : فل الفل
نقاط : 2573
تاريخ التسجيل : 17/02/2009

مُساهمةموضوع: رد: الموال المصري الاصيل   الجمعة فبراير 27, 2009 9:07 pm

من عشقى فى الزرع جبت عود مرير وناشيته
وجبت له ميـه فى كــف ايــدى وراويـتـه
وجبـت غربـال قعـدت اغربـل فيه ونقيتـه
وصـبـرت عليـه حــول لمـا انطـرح جيـته
وجيــت ادوقــه لقيتـه مـر لـم ينــداق
تعتب عليه ليـه ما هـو أصـل المر من بيته
الرجوع الى أعلى الصفحة اذهب الى الأسفل
ابوحسن
عضو جينيس
عضو جينيس
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : من اصحابى
انا من عائلة : ابو عثمان
انا من سكان : منطقة الترعة
ذكر
الابراج : القوس
عدد الرسائل : 2068
تاريخ الميلاد : 30/11/1964
العمر : 53
العمل/الترفيه : معلم
المزاج : فل الفل
نقاط : 2573
تاريخ التسجيل : 17/02/2009

مُساهمةموضوع: رد: الموال المصري الاصيل   الجمعة فبراير 27, 2009 9:12 pm

البخت كان باخ وصحصح بس باخ تانى
وصـح مع ناس أرازل بـس بـاخ تانى
عـدل بخـوتهم وميـل بـس بختى آنى
وعــاب عيبـه ولا فى بـحر يغسلها
أنا لو شكيتـه لحجـر صـوان يغسلها
لوجيبـت للكلبـه ماء الـورد يغسلها
تلعـب بديـلها ولا تنسى السباخ تانى



شلبايــة البحـر يا بيضـه عجبتـينى
مديلى خلخـالك ع الابحار وعـديـنى
أنا لو خلخـالى طويل انا كنت عديتـك
أنا لو خديـدى رغيف أنا كنت غديتـك
أنا لو خشيمى قليله أنا كنـت ساقيتـك
أنا لو صباعى سيجـاره أنا كنت تحيتـك
وحلمت فى النـوم حبيتـك وظـبيتـك
يا حلم يا كداب ريتنى ماشوفتك ولا ريتك

حلق وحوش امسك الطرطور على ماجى
اللى المره معوماه كالفلك عـى ماجى
عبـيط وعامـل كأنـه واد علمـاجى
بيـحب بـره ومـراته محـيراه حـاره
إن قال لها بم تبـقى بـلـوتـه حـاره
بتغيب عن الدار ولا يعـرف لها حـاره
وتقول ياجاره اديه المفاتيح على ماجى
الرجوع الى أعلى الصفحة اذهب الى الأسفل
 
الموال المصري الاصيل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الاول لخدمة اهالى قرية جمجره :: المنتديات العامة :: المنتديات الادبية :: منتدى الشعر والشعراء-
انتقل الى: