المنتدى الاول لخدمة اهالى قرية جمجره
اهلا وسهلا بك فى منتدى جمجره
اذا كنت زائرا فتفضل بالتسجيل بالضغط على كلمة تسجيل
وان كنت عضوا فتفضل بالدخول


مع تحيات مدير الموقع
صـلاح سامى صلاح



 
البوابةالرئيسيةمكتبة الصورالتسجيلدخول

شاطر | 
 

 عائلة مجنونة(كوميدية جداً جداً

اذهب الى الأسفل 
كاتب الموضوعرسالة
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: عائلة مجنونة(كوميدية جداً جداً   الأحد سبتمبر 27, 2009 11:40 pm

تعريف لشخصيات العائلة الموقرة::::

نعيمة انسانة صريحة اوي وجدعة كمان تعجبكم وقت
الزنقات ...مولودة في حي شعبي وعايشة فيه عمرها كده حوالي 40 سنة تقريباً
عمرها ما خرجت من الحي ده ويمكن لو خرجت تتوه وما تعرفش ترجع تاني...الي
يغلط في حقها قوام ما تسكتلوش تروح لمة علية امة لا اله الا الله.ولو
سامحته ديتلو بالروسية على دماغه.والي يجاملهل يكسبها اصلها حقانية تحب
الحق.بعد طبعاً ما تيدلو علقة يفتكرها عمره كله لانها جتعلك على وشه طبعاً
عاهة مستديمة..ولان جوزها انسان على قد حاله قررت تساعده واشتغلت خياطة في
البيت تخيط للجمجراوىاين...وبتربي عيالها...رضى وفتحي ورشيدة...عيال انما ايه
ابهة ما شاء الله عليهم يرفعو الراس.دول الي يقولو عليهم جيل المستقبل
القادم..حعرفكم عليهم بعيدين...

نعمان بقه راجل البيت المجدع..بيشتغل في الفرن
الي في الحارة يعني يأكل يجي 20 الف عيلة اذا ما قلناش اكتر...كل يوم يجي
البيت شقيان وتعبان وبيحب عيلتو اوي على قد ما بيحبهم على قد ما بيقضي كل
وقتو في القهوة لدرجة نسي كم عيل عندو واتلخبطت مرة في ابن الجيران نيمو
عندهم افتكرو ابنو ونيم ابنو عند الجيران..ما علينا..المهم كل يوم يجيب
معاه لنعيمة وردة (وردة حبنا) ما هي الرومنسية شغالة رغم 16 سننة جواز و
شهر حب قبل الجواز واتاري الشهر ده ساب اثار فضلت لغاية ال 16 سنة دول..مش
حتكلم اكتر عن الحب الي في البيت لاحسن تحسدوهم..وهما بصراحة مش ناقصين
حسد ابداً...

نيجي بقه نعرفكم على العيال ..امل المستقبل...نخبة شباب مصر بقه...

رشيدة اكبرهم..عندها 16 سنة ..بنت انما ايه
تجنن...جمال كده رباني...طول النهار واقفة على الشباك مستنية عريس
الغفلة..ما هم اهل الحتة حطو في دماغها انها حتعنس لو بقى عندها عشرين سنة
وما اتجوزتش...وكل يوم قاعدة على الشباك مستينة سعيد الحظ يجي..لكن ما
بيجيش..العلام بقه سابته من اولى ابيتدائي...مالوش لازمة تتعلم وتتعب
دماغها ليه ..هي حتتجوز دكتور ما كل عمرها عايشة في الحي ده ومش حتتجوز
غير من الحارة بتاعتها والمتعلم فيهم معاه تالتة ابتدائي يعني...تعمل
بالعلام ايه بقه..مش ناقصة ....وما اقلكمش بقه البنت طالعة لامها..وما فيش
داعي اكمل فهمكم يكفي....

فتحي بقه يا سلام..مجدعت الحارة رغم ان عنده بس
13 سنة بس دراعه بعشر رجالة لو خش في علقة يدخل نص الحارة
المستشفى...بيشتغل مع ابوه في الفرن ...لكن يمكن ساعة واحدة في اليوم
والباقي صياعة...يشوف احوال الحارة ويهدي االنفوس ويشوف المظالم وياخد حق
حد من حد..اهو يتعزم في فرح لو اصاحبه فرحانين يولع الدنيا ولو مش عاجباهم
الجوازة يطربقها على دماغ اهلها...مش بقلكم حقاني...

رضى بقه النونو الصغير.هو بالضبط الي قالو
عليه.اخر العنقود سكر ماعقود...حبيب قلب امه نعيمة...ده الي نغنيلو(حبيبيب
امة..ياروح امو..ييسلم لامو)...ورغم انه ما كمل الخمس سنين انما طول
النهار برة البيت..فين ما تعرفوش..يا على السطوح بيلعب مع العيال ويرمي
حاجات قديمة اهلها مش عايزينها تجي على راس مين ما حدش يعرف....يا اما مع
ابن الجيران في الشارع بيعملو مقلب في حد اهو يكون حد ماشي مثلاً يلاقي
موزة يتزحلق بيها ولا جردل مية نزل على افاهم...ولو كان الحال مع السيد
رضى بقه رايق...ومالوش مزاج على الخروج...يقلبلهم الحارة ملعب كورة بس ما
يايلعبوش بيها في الارض لا في الهوا ..تيجي في وش مين ما حدش يعرف انتو
وحظكم...المهم الي اعرفو ما فيش حد يمر من جنبو الا و يجري من ايه مش
عارفة..مع انه ولد جميل وهادي ومسالم اوي اوي..الناس دي بجد مفترية
عليه...ما علينا كل واحد لي يوم عنده....



ايه رأيكم في العيلة دي تحفة مش كده..اوعوا تقولو غير كده لاحسن تلاقو نعيمة والعصابة بتاعتها جي وراكم...
نيجي بقه ليومياتهم...الي حتشوفوها على حسب في فصول كاملة يخص حد في
العيلة دي وتجري الاحداث...نبتدي بقه ..يلا تعالو ورايا بس بشويش مش
عاوزينهم يحسو اننا بنراقبهم
الرجوع الى أعلى الصفحة اذهب الى الأسفل
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الأحد سبتمبر 27, 2009 11:44 pm

الفصل الاول(ياما جاب الغراب لامه)


نعيمة قاعدة في امان الله بتخيط غلابية لام شاهين وورشيدة بتسمع راديو ورضى جوه في المطبخ ما حدش عارفه بيعمل ايه والباقي بره...
-نعيمة: انتي يا بنت يا رشيدة خشي المطبخ اعمليلي كباية شاي اعدل بيها دماغي...الي صدعتوها من الصبح...
-رشيدة(بأريفة): حاضر يا ماما لما يخلص البرنامج ده الي على الراديو...
-نعيمة: قومي يا بنت الاحسن اتعصب عليكي...
-رشيدة(بتأفف): هو ما فيش في البيت الا رشيدة رشيدة..
-نعيمة: لا وحياة امك اندهلك الشغالة تجبلنا الشاي,,معلش اعذريني اصلها
واخد ة اجازة اليومين دول..قومي يا بنت فزي لاحسن اقوملك..عاوزة اخلص
الجلابية دي لام شاهين...
(وتدخل رشيدة وهي متغاظة على المطبخ ونعيمة بتكلم نفسها): هي ام شاهين
ورثانة الجلابية دي عن جدتها ولا ايه..ما فيش فيها حتة سليمة عمالة اصلح
فيها بقالي اربع ايام قال ايه عاوزة تحضر بيها فرح بنت اختها..دي تحضر
فيها دفنة تولول عليها مش فرح..حارة نحس.....

-(وفجأة نسمع صوت رشيدة من جوة بتصرخ): الحقيني يا ماماااااااااااااااااااااااااااااااااااا
تدخل نعيمة المطبخ مش شايفة قدامها تلاقي الواد رضا منزل كل الاكل الي في
التلاجة ورميه على جنب وحاطط هدومو في التلاجة..هي صحيح قديمة ونص عمر بس
بردو اسمها تلاجة...

-نعيمة: ايه ده يا مدهول على عينك الي عاملة ده...ي ا لهوي يا لهوي...
-رضى(واقف على جنب ): ايه داه يا ماما مس لازم تفلحي ده ابنك عبقلي...(هو اصلو حرف الراء عنده واقع جاب بداله اللام)
-نعيمة: جتك واك سة يا واد الي انت بتعملو ده(وتحمل الولد من هدومو)
-رضى: استهدي بالله كده يا نعيمة وصلي على النبي...الامول ما تتحلس بالطليقة دي...(يحسس على وش امه عشان تسيبه)
-نعيمة: انطق يا واد لاحسن ارميك من البلكونة تيجي عند عم عبدو البقال يبيعك مع الفجل بتاعه ويريحيني..
-رضى: كده يا ماما تفلطي بابنك حبيبيك لضى زينة ولاد الحارة..
-نعيمة: يا لهويييييييييييي...اتكلم يا واد اتكلم...
-رضى: اصل يا ماما انا اختلعت حاجة جميلة..بدل ما كل يوم البس هدومي واعرق
بيهم وادوب من الحل(الحر) الي بلة(برة)..اهو ابرد هدومي بالليل البسهم
بالنهار بالدين(باردين)..مش سامعة بالمكيف..الكنيدسن يا ماما سمعته في
التلفزيون..ده الكيندسن طبيعييييييييييييييييي
-نعيمة: نعم نعم.....ايه ده يا واد..انت بتسمع سياسة ولا ايه...يا لهويي ده الي ناقص..الولد بقه يسمع سياسة ولسه ما كملش 5 سنين..
-(الولد رضى يضرب نفسه بالالم على وشه ويتعصب): سياسة ايه يا ماما مالي
انا ومال الكلام الفاضي ده هو انا حضيع نفسي في الكلام ده برده.دا انا
الكبير بتاعي شعبولا وبعدو ما فيش..ده اختلاعععععععععع افهميني بقه ربنا
يخليكي...

-نعيمة: هس ولا كلمة عندك بس 5 دقايق تكون شلت هدومك ورجعت كل حاجة لمطرحها الحسن اخلي ابوك يديك علقة جامدة...
-رضى: ابوية هو فاضي اساساً تلاقي سهران عند تنت شوقية...
-نعيمة(تمسك الولد من زمارة رقبته): بتقول مين يا واد...
-رضى(يعيط): والله ما ليش دعوة انا سمعت تنت شووقية بتقلو تعال اسهل عندنا
الليلة هو قالها حاضل وكان فلحان اوي بالعزومة لما قلتلو خدني معاك قلي
امشي انجل وزقني...
-نعيمة: طيب يا نعمان بس اما تيجي..وانت يا واد اعمل الي قلتلك عليه في ليلتك الي مش فايتة دي,,
-رضى: انتو اتخانقو بقه وطالعو ده على افاية هو انا مالي ومال الحكاية دي
سيبوني في اختلاعاتي ...معلش...الوله سمير قالي كل العبقالة(قصدو عباقرة)
خدو علقات جامدة هما وصغيلين..معلش نستحمل..لغاية مانوصل لسلم المجد..
-رشيدة(تيجي من برة تزعق فيه): انت يا واد مش حنخلص من مشاكلك بقه ابعد كده اما اظبط الي عملتو ..انجر من قدامي...
-رضى(يحط ايدو على خواصرو ويزعق): فيه ايه يا بت مالك طالع علي في العالي
كده..احتلمي اخوكي الصغيل سوية...يا ما الوح اقول لماما على حكايةة ابن
الجيران جمال (ويغمزلها بعينو..تجري عليه رشيدة تمسكو)
-رشيدة: ولد..ايه ده انت صدقت انت حبيبي..خش اقعد جوة وانا حظبط كل حاجة...وخد الجنيه ده مني ليك..بس اوعى تقول حاجة..
-رضى: في بيل يا ختي في بيل غميقققققققققققق...

(في الوقت ده يدخل فتحي معور وشه والدم بينزل منه ومعاه في ايده فرخة)

-نعيمة(ترقع بالصوت)ايه دهههههههههههههه؟انت كل يوم تخشلي وشك في ايدك كده.
-فتحي(بصوت الجدعان): ليه كده بس يا ماما شايفاني جي وحامل وشي على ايدي ..ده بدل ما تهانيني
-نعيمة: يا فرحتي يا فرحتي..عملت ايه النهاردة يا واد..
-فتحي(يظبط هدومو ويهز براسو): ما فيش كنت في الحارة الي جنبنا بهدي النفوس...
-نعيمة: انت كنت بتهدي النفوس ولا بتولعها..وايه الي جايبو في ايدك ده...
-فتحي: دي فرخة يا ماما...عشان العشا بكره..بقلنا من العيد الي فات ما دقنهاش..
-نعيمة(تمسك الولد من هدومو وتتكلم في ودنو): سارقها يا واد؟
-فتحي( يوقف كده زي الي كرامتو حنيت عليه): حد الله بيني وبين الحرم...انا
اضرب حد اه لكن اسرق لقه احنا بردو جدعان والجدعان ما يكلوش لحم بعض...دي
بس هدية من المعلم جمعة عشان ضربتلو حد كان متغاظ منه اوي...
-نعيمة: يا فرحتي بيك يا خوي....ده الي انت فالح فيه..اعمل ايه انا اعمل
ايه فيكم غلبتوني.....مش حيوديك في داهية غير المعلم جمعة ده...
-فتحي: ليه بس يا ماما ده راجل طيب حيشغلن ي معاه بودجارد قد الدنيا
-نعمية: بودي ايه...المعلم خرع الواد....ضاع املي فيك يا واد...
-فتحي: خشي يا بنت يار رشيد ةحضريلي العشا...
-رشيدة حاضر حاضر..امتى بقه يجي الي في بالي يخلصني من العيشة دي...
-فتحي(يجري ورا اخته ويمسكها من ايدها ): مين الي في بالك ده يا بنت...
-رضى: الواد جمال ابن الجيلان..
-رشيدة تجري ورا رضى عاوزة تضربو: اسكت يا واد يا كداب والله لمورياك...(ويجري منها )
-فتحي(يقرب من امه): ماما خدي بالك من البنت دي..لاحسن تجبلك العار وانا اجبلك التار...
-نعيمة: والله؟! لا انت خليك في نفسك..ما لكش دعوة بأختك يا فالح...
(بعد شوية يجي نعمان راجل البيت مبسوط وعلى اخر رواقة .....ويا رب ما يوريكم لي حصل)

يتبع
الرجوع الى أعلى الصفحة اذهب الى الأسفل
صلاح سامى
المدير العام
المدير العام
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : اخر
انا من عائلة : بركات
انا من سكان : منطقة وسط البلد
الرتبة : المدير العام
ذكر
الابراج : الحمل
عدد الرسائل : 4125
تاريخ الميلاد : 22/03/1991
العمر : 27
الموقع : 01116450078
العمل/الترفيه : انسان مهم
المزاج : الحمد لله
نقاط : 4062
تاريخ التسجيل : 13/02/2009

مُساهمةموضوع: رد: عائلة مجنونة(كوميدية جداً جداً   الإثنين سبتمبر 28, 2009 9:26 am

تصدقى بالله

كل ما اجى اوقف قرائه مش قادر

اقول طيب السطر الجاى كمان

لغاية لما خلصت قرائتها كلها من جمالها

نتظر الجزء الجديد


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://gamgara.ahlamountada.com
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الإثنين سبتمبر 28, 2009 3:34 pm

الفصل التاني(شوقية ونعيمة وعلقة سخنة)


يخش نعمان(سي السيد بقه) فارش جناحاته واخر روقان واول ما يخش البيت يقلب
وشه لون تاني...يلاقي نعيمة واقفة وشكلها ناوية على علقة
جامددددددددددددددةةةةةةةةةةةةةةةةةةةةةةةة.... ..

نعيمة( بحزم كده وصوت متوتر[ندعوك للتسجيل في المنتدى أو التعريف بنفسك لمعاينة هذه الصورة] اهلاً وسهلاً اهلاً وسهلاً....
نعمان(بعصبية[ندعوك للتسجيل في المنتدى أو التعريف بنفسك لمعاينة هذه الصورة] ايه الترحيب الجامد ده بتاع ايه...
نعيمة: بقه يا راجل تروح عند حبيبة قلبي شوقية ونور عيني وما تقوليش..مش لازم اعمل معاك الواجب...
نعمان(بارتباك): مين قالك اني كنت عند شوقية.....
(ينط رضى من قودته ويقول) انا يا بابا قولتلها على كل الحكاية.....مش انت قلتلي امشي انجل لما تنت شوقية كانت عندك في الفرن
(تبصله نعيمة بقوة كده): كمانننننننننننننننننننننننننننن
نعمان(يمسك رضى عاوز يضربه): انت يا واد يا كداب بتجيب الكلام ده
منين....اعلقك في السقف ..بنت يارشيدة جييبيلى عود القصب التخين من جوة..
(رضى يعيط جامد): لا والنبي يا بابا والنبي..
نعيمة(تاخد الواد من ابوه): سيب الواد انت حتتشطر عليه وتنسييني الموضوع...ولا ايه...
نعمان(زي الي عاوز يزوغ من الموضوع): انتي مش عارفة الحكاية..ده شوقي
اخوها كان عنده مشكلة عزمني عندهم وانا كنت بظبطلو موضوع التاكسي الي
بيشتغل عليه وبس.......
نعمية(زي الي مش مصدقة بس عايزة تمشي الموضوع): حعديهالك المرادي عشان بس
الواد رضى ما يكونش سبب خناقتنا انما لو سمعت انك كلمتها كلمة البنت دي
والله لاكون مقطعاها كده حتت ورمياها للجيران

رضى: ليه بس يا ماما انتي السفاح الي بيقولو عليه بقه ....
نعيمة: امشي يا واد ده دلوقتى ميت عفريت بينططو في وشي..بت يارشيدة نيمى الولد ده..
(يقرب رضى من ابوه ويقولو بشويش): حافظ على بيتك يا بابا ما تخليش النسوان تقلبه ده ما يعلمش بيهم الا لبنا(ربنا)..(ويجري على قودتو)

(في اليوم التاني نلاقي نعمية في السوق بتاع الحارة عاوزة تشتري خضار
وفاكهة عشان البيت وتعدي على عم عبدة بتاع الخضار وعنده اتجمعت نسوان
بينهم شوقية الي بتغير منها نعيمة اوي اوي)

نعيمة(تتكلم كده بأنزحة): عم عبده اديني 2 كيلو قوطة و2 كيلو بتنجان..بس
يكونوا كويسيسن عاوزة اعمل لجوزي نعمان مسقعة اصلو ما بيحبش يكلها الا من
ايديا بميوت فيها...(وتبص لشوقية وتدور وشها زي الي عاوزة تسمعها والتانية
عاملة مش واخدة بالها تنقي في الخضار في الوقت ده تشوف اختها فوزية)

نعيمة: ازيك يا اختي ما حدش بيشوفك ليه..
فوزية: اسكتي يا اختي مش بنتي الكبيرة حتتخطب ..
نعيمة(زي الي اتصدمت ومش عاجبها): والله ومين العريس...
فوزية: ده سواق تاكسي قد الدنيا وعنده بيت جنبنا ده ابن الحج سعيد الله يرحمه..
نعيمة( متغاظة اوي): مبروك....
فوزية: انا حاجي مخصوص اعزمك على الخطوبة امال....انما قوليلي ازي جوزك...
نعيمة: كويس الحمدالله..اسكتي يا اختي مش النسوان الي بيخطفو الرجالة كترو اليومين دول حرصي منهم اه(وتبص لشوقية)
فوزية: اه يا اختي في ناس ماتختشيش تاخد الراجل من مراته وعياله كده وياريتهم يسوو مستحميلنهم بالعافية...
نعيمة(وتقرب من شوقية ): ده في واحدة يا اختي حتموت وتاخد جوزي مني انما بعينها هي مش عارفة نعيمة زينة نسوان الحارة ولا ايه..

(شوقية تبص على نعيمة زي الي اتعصبت حسيت الكلام عليها): في اي يا ست نازلة تلبيخ في الكلام علييا...
نعيمة: حابس حابس..دول بيطلعو امته دول مالك يا حبيبيتي هو حد داسلك على طرف ولا الي جواه شوكة بتنخذو...
شوقية (بتتعصب وتزعق): لاه انتي عاوزة الي تربيكي ....
نعيمة: يا خرابييييييييييييييييييييييييييييييييييييي عاوزة تربييني يا
بنت المهيطل طيب والله لا مورياكي..(وتجيب خشبة مركونة على جنب وتجري
عاوزة تضربها بيها ونسوان الحارة تهديها) اوعووووووووو سيبوني اربي البنت
دي خطافة الرجالة عاوزة تاخد جوزي مني..

شوقية: انا ابص لجوزك ده انا اتقدملي عشرة احسن منه ولا بصتلهم حبص لجوزك انتي..يا مجنونة....
نعيمة(والدم حيطلع من وشها): انا مجنونة يا معنسة ..وانا مالي اذا ما كنش حد اتجوزك انتي وحشة انا مالي تخطفي جوزي ليه هه...
(في الوقت ده تمسك شوقية فرع الموز الكبير وطراخخخخخخخخخ على دماغ نعيمة..ودروبببببببب توقع نعيمة على الارض)

(بعد شوية نلاقي نعيمة في البيت ونسوان الحارة معاها وهي عمالة تزعق
وتتعصب حتججن وحاطة لفة على راسها والنسوان تدلق عليها بالبن ورضى الصغير
ورشيدة جنبها)


- نعيمة: ان ما وريتك يا شوقية..حخليكي بقية مش شوقية...ان ما فرجت عليكي الحارة يا حفيدة رية وسكينة..سيبوني عاوزة اقتلها...
- )تقولها واحدة): طويلي بالك يا نعيمة....معلش انتو بردو اهل حارة واحدة..
- (ترد التانية): بس بردو انتي قسيتي عليها يا نعيمة لبختي يالكلام معاها اوي برده انتي اكبر منها
- نعيمة(تفز قوام): اكبر منها ايه ..................شايفاني طالعة من
كتاب التاريخ ... امشي انجرري من هنا جتك دهية فيكي وفي الي دخلتك بيتى...
- (وتمشي الست الي عصبتها تبرطم في الكلام ونعيمة حتججنن عاوزة تاخد حقها يقرب منها الوواد رضى)
- رضى: ماما الوح اجيب سكينة اضلبهالك من الوليد للوليد....انتي مخلفة
لجالة امال سييبيني عليها يا ست الكل..ما عاش ولا كان الي يضلب امي...
- نعيمة(زي الي فرحت بابنها): تعيشلي يا رضى يا حبيبي امك..شايفن الولد بيحيب امه ازاي وخايف عليها..
- رضى: مش بقولك يا ماما ده انا حبيبك ولوح قلبك هاتي انتي بس جنيه وانا اجمجراوىطهالك...
- نعيمة: ولد امشي من قودامي..جنيه اما يلهفك....

(رشيدة تحضر القهوة وتضيف المجودين ولا كأن في حاجة حصلت وهي لابسة
فستانها ومتزوقة وعمالة تتدلع قدام نسوان الحارة مش يمكن حد يجوزها
لابنها): اتفضلي يا تنت...

تقول واحدة: والله يا نعيمة بنتك كبرت وبقيت عروسة...
واحدة تانية تقول: عندها كام سنة بقيتي يا رشيدة
رشيدة(بكسوف) 16 سنة
-والله..اسم الله عليكي حارسك وصاينك..
ام جمال: ماتديهالي يا نعيمة لابني جمال...
نعيمة: انا اجوز بنتي لابنك المدهول...ليه اتجننت ولا بنتي بايرة..
ام جمال: ليه الغلط ده يا نعيمة عن اذنكم(وتروح)(رشيدة تضايق وتخش قودتها متنرفزة)


(في الوقت ده نلاقي الولد رضى جامع ولاد الحارة على جنب في زقاق وبيجتمع معاهم ما هو رئيس العصابة دي..و رضى واقف وكل الولاد قاعدين)
رضى: اسمعو يا والد..انا جمعتكم النهالدة عشان في حدس مهم طلق على الحالة مامات لضى اتبهدلت يا جدعان...
ولد من الولاد: ايه ده..معقولة يا جدعان ام الزعيم تتبهدل واحنا موجودين ...اخس على دي حارة اخس

رضى: عسان كده عاوزين نوقف ايد واحدة عسان نتصدى للهجوم الي حصل..ونستخدم
كل الاسلحة الي معانا في الهجوم ده والي خايف يبقى مالوس مكان بينا ..مين
معايا يا جدعان(الكل يرفع ايدو)...طيب مين مس معايا يا جدعان(الكل كمان
يرفع ايدو) طيب كده اتفقنا يلا بينا...(الولاد كلها تجري عشان الهجوم الا
ولد واحد يقرب من رضى ويقولو)

n بس احنا يا ريس ما علفناش على مين الهزوم(الهجوم) ده..
n رضى يحط ايده على دماغه زي الي تاهت منه: اه فعلاً مس عالفين..(خلاص
اجتماع تاني الكل يحضل بسلعةةةةةةةةةةةةةةةةةةةةةةةةةةةةةةةة) والعيال
كلها ترجع تيجي من تاني...

يتبع.................
الرجوع الى أعلى الصفحة اذهب الى الأسفل
صلاح سامى
المدير العام
المدير العام
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : اخر
انا من عائلة : بركات
انا من سكان : منطقة وسط البلد
الرتبة : المدير العام
ذكر
الابراج : الحمل
عدد الرسائل : 4125
تاريخ الميلاد : 22/03/1991
العمر : 27
الموقع : 01116450078
العمل/الترفيه : انسان مهم
المزاج : الحمد لله
نقاط : 4062
تاريخ التسجيل : 13/02/2009

مُساهمةموضوع: رد: عائلة مجنونة(كوميدية جداً جداً   الإثنين سبتمبر 28, 2009 3:42 pm

هههههههههههههههههههههههههههههههه

حابس حابس..دول بيطلعو امته دول مالك يا حبيبيتي هو حد داسلك على طرف ولا الي جواه شوكة بتنخذو...

ده لو كان فيدو كان هيبقى تحفة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://gamgara.ahlamountada.com
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الإثنين سبتمبر 28, 2009 10:40 pm

الفصل الثالث( رضى زعيم الحارة)


رضى نلاقيه واقف كده في نص الحارة قدام بيت شوقية وعشر عيال على السطح كل
واحد منهم ماسك جردل ميه وعشر ولاد على جنب مستخبيين كل واحد ماسك كيس
جواه تراب ورضى حاطط ايديه على خواصره ومعاه صفارة.....تخرج شوقية مظبطة
نفسها على الاخر وتشوف رضى وتقوله...

شوقية: ازي امك يا رضى..سلملي عليها اوي قلها تنت شوقية بتقلك ما تقربيش على الحنش تاني لحسن يلسعك..(وتضحك)
رضى: حنس لما يكلك انتي يا قتالت القتلة كنتي عاوزة تموتي مامتي حبيبيتي عاوزة تحلميني من حنان الام لبنا يحلمك من كل حاجة يا وحسة..
شوقية: شوفو الواد طالع لامو اخد طولت اللسان منها...امشي انجر من هنا يا قليل الادب انت...
رضى: انا قليل الادب ييلي بينك وبين الادب سفر 10 سنين...طيب والله
لموريكي حاخد تال مامتى...يلا يا لجالة(ويصفر صفرتين) وتنزل 10 جرادل مية
علىدماغ شوقية( دروبببببببببببب)
..............................................

طرشششششششششششششششش............(توقع على الارض ويغمى عليها)

رضى: والله مس حلحمك يا وحسة انتييييييي..(ويصفر 3 صفارات) ويجي العيال يحدفنوها بالتراب..(مش حقلكم على شكلها بقه....

(تجري واحدة من نسوان الحارة عند نعيمة تخش بيتها تلاقيها قاعدة متمددة
تقولها: الحقي يا نعيمة ده ابنك رضى مبهدل شوقية في نص الحارة)

نعمية: ايهههه؟؟؟؟؟؟؟؟يا لهوي...(وتجري تلاقي شوقية كوم تراب كده متكومة
على الارض والعيال قاعدة تضحك..هي شافت المنظر ده قاعدت تضحك )
نعيمة: مين عمل كده فيكي يا شوقية يا حبيبيتي؟؟؟(وتضحك شماتة)
(ينط رضى ويقول): انا يا ماما مس قلتلك حاخدلك بتالك منها..ماعاس ولا كان الي يضلب امى انا مس قلتلك انك مخلفة لجالة
يعيس الزعيم لضى يعيس الزعيم لضى) وتحضنه نعيمة زي الي فرحانة بابنها يوم التخرج...


( بالليل نلاقي نعيمة بتاكل وجنبها بنتها بتلبس فستان توريه لامها)..


رشيدة: ايه رأيك يا ماما في الفستان ده مش حلو احضر بيه فرح سميرة بنت خالتي...
نعيمة(بتتلوق ببقها وجواه الاكل): كويس...مش كنتي اتشطرتي يا بنتي واتخطبتي قبلها كده سبتهيا تسبقك..
رشيدة (بيأس): طيب وانا مالي يا ماما ما طول النهار قاعدة على الشباك ما فيش حد في الحارة ييتبصلو...
نعيمة: انتي الي لخمة ما تعرفيش تجيبي العريس برجليه لغاية البيت زي بنت
خالتك القوية هي وامها..فضلو ورا العريس لغاية ما جابوه على وشو..يا نيلة
بختي وبختك يا بنتي..
رشيدة: طيب ومالو جمال يا ماما مش راضية بيه ليه...
نعيمة: مين مين..ليه بقه انا صحيح عاوز اجوزك وافرح بيكي بس مش لجمال ده
احول ما بيشوفش..نيجي نجوزهولك يروح ينام عند واحدة تانية بدل ما يجي
بيتو..لقه يا حبيبيتي..
رشيدة: والله يا ماما راجل طيب وكسيب كده..وما فيش زيو في الحارة..
(تروح نعيمة عن بنتها تمسكها من ايدها): بنت اوعي تتكلمي كده مرة
تانية..عاوزاكي تجيبي عريس احسن من الي جابتو بنت خالتك اه..مش عاوزاها
تتمنظر علينا بيه..
رشيدة: ليه هو انا يا ماما حروح اشتري من سوق الخضار ايه الكلام الي بتقولي ده...
نعمية: هس ولا كلمة..بكرة في الخطوبة عاوزاكي كده ترقصي تبيني نفسك قدام النسوان انك احلى من العروسة...
رشيدة: حاضر يا ماما...


(في الوقت ده نلاقي فتحي قاعد في القهوة وعمال بيظبط الشيشة لعم جمعة)

فتحي: تعرف يا معلم ان الحارة دي محتاجة لزعيم شديد كده...
المعلم: اه يا واد ..ما حدش يعرف قيمتها الا اصحابها يا مجدعة الحتة
انت(وينفخ في الشيشة)..انا مش فارسني الا الراجل الي اسمو جلال ده عامل
نفسه فهمان اوي وكل يوم يقعد يدي دروس في الاخلاق للعيال...وهو ما كملش
العشرين سنة

فتحي: هو فاكر نفسه قال مصلح اجتماعي..انت سيبني عليه انا اربيهولك يا معام انت عندك رجالة ومش عارف..
المعلم: لقه لقه سيبو انا عاوزا يعمل ما بدالو وبعدين حنظبطو ...باذن الله..انت فتح بس دماغك معايا واسمع الي حقولك عليه...

فتحي: حاضر يا معلم من ايدك دي لايدك دي...
المعلم: عاوزك ترقبهولي...تشوفو بيروح فين كل يوم بلليل ...وتشوفو هو
بيكلم العيال وتقومهم عليه كل ما يجمع عيال وشباب الحارة عاوزك تقعد بينهم
وتوقومهم عليه وكل ما يقول حاجة تعترض...

فتحي: بس كده....انت تأمر...

(نعمان قاعد في الفرن بيبيع عيش للناس)

واحدة من النسوان تقول: عم نعمان والنبي بجنيه عيش....
نعمان: ايه الكرم ده كله النهاردة يا ام فاروق عاوزة بجنيه عيش ..عندك عزومة...
ام فاروق: وانت مالك بقه...اديني الي بقلك عليه يا اروح اشتري من غيرك...
نعمان: كده..طيب ما فيش عيش اشتري من غيري يلا من هنا شطبنا...
واحدة تقولو: في ايه يا عم نعمان..انت حتتبخشش علينا عشان عندك عيش يعني..امال لو كان ببلاش كنت عملتت ايه...
نعمان: والله مش الحق عليكم الحق عليا انا الي كل يوم بقضي النهار كله عشان تكلو ...عنكم ما كلتو شطبنا ما فيش عيش..
والنسوان كلها تحتج وتزعق: فيه ايه مالك يا عم نعمان.....

(تجي نعيمة تلاقي النسوان عمالة تزعق في الحارة على جوزها ))

نعيمة: ايه..مالكم يا نسوان بتزعقو ليه..
ام فاروق: جوزك مش راضي يبعلنا عيش..عاوزين نفطر العيال,,
نعيمة: ايه الكلام ده..ليه يا نعمان كده....
نعمان: ومالكم ومالي ...الله..مزاجي كده...
ام فاروق: مزاجك ايه هو انتي بتشم هوا ولا بتتفسح...
نعيمة: في ايه يا نعمان مالك..بقلك ايه هي كلمة واحدة تبيع لنسوان الحارة العيش يا اما .....وانت عارف هه
نعمان يحط العيش في الاكياس لنسوان الحارة: الفرج من عند ربنا رحمتك يا رب (تقرب نعيمة منو وتقولو بشويش)
نعيمة: زعلان على العلقة الي اخدتها ست الحسن والجمال ومتعصب اوي..بس لما تجي البيت...استنى علية..
نعمان( ارتبك كده ): عيش عيش يلا مين عاوز عيش

يتبع
الرجوع الى أعلى الصفحة اذهب الى الأسفل
صلاح سامى
المدير العام
المدير العام
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : اخر
انا من عائلة : بركات
انا من سكان : منطقة وسط البلد
الرتبة : المدير العام
ذكر
الابراج : الحمل
عدد الرسائل : 4125
تاريخ الميلاد : 22/03/1991
العمر : 27
الموقع : 01116450078
العمل/الترفيه : انسان مهم
المزاج : الحمد لله
نقاط : 4062
تاريخ التسجيل : 13/02/2009

مُساهمةموضوع: رد: عائلة مجنونة(كوميدية جداً جداً   الثلاثاء سبتمبر 29, 2009 10:59 am

فين الرابعة ؟؟؟؟؟؟؟؟؟؟؟

انا عجبنى اوى نعمان ده

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://gamgara.ahlamountada.com
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الثلاثاء سبتمبر 29, 2009 9:42 pm

عجبك نعمان
طب يالا مفيش جزء رابع

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]


الرجوع الى أعلى الصفحة اذهب الى الأسفل
صلاح سامى
المدير العام
المدير العام
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : اخر
انا من عائلة : بركات
انا من سكان : منطقة وسط البلد
الرتبة : المدير العام
ذكر
الابراج : الحمل
عدد الرسائل : 4125
تاريخ الميلاد : 22/03/1991
العمر : 27
الموقع : 01116450078
العمل/الترفيه : انسان مهم
المزاج : الحمد لله
نقاط : 4062
تاريخ التسجيل : 13/02/2009

مُساهمةموضوع: رد: عائلة مجنونة(كوميدية جداً جداً   الثلاثاء سبتمبر 29, 2009 10:20 pm

هههههههههههههههههههههههههههههههههههههههههه

لانه زى العسل

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://gamgara.ahlamountada.com
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الثلاثاء سبتمبر 29, 2009 10:56 pm

ماشى ياميسي

ابعد عن الشر وغنيله

ده لضا لوحده يضيعنا

خلينا بعيد

الفصل الرابع( فتحي مصلح الحارة )



(نلاقي جلال كده شاب في العشرين من عمره قاعد في زقاق في الحارة بيدرس
للعيال اخلاق للشباب نصايح هو بيدرس خدمة اجتماعية وهو ساكن في الحارة الي
جنب الحارة بتاعتهم...المهم قاعد كده وبيدرس على الناس نلاقي فتحي بشويش
كده قعد من غير ما حد يحس بيه قعد بين الموجودين ....)

جلال : الناس يا شباب يلي هنا تتميز عن بعض بأخلاقها يعني ما فيش حد احسن
من حد الا بأخلاقه..الفقر مش عيب ما فيش حد في الدنيا احسن من حد بفلوسه
بس في حد احسن من حد بأخلاقه...
(ينط واحد من الشباب يوقف ويقول): ايه الكلام الي انت بتقولو ده...بقه الاخلاق هي كل حاجة ...الكلام ده غلط...
جلال: غلط ليه غلط امال ايه اهم حاجة في الدنيا...
يقولو: العضلات ايوة العضلات...اقولك انا ليه..لو كان في علقة وكان اخوك
بيضرب فيها...نعمل ايه بلاخلاق...تجيب كيلو اخلاق تحدفه بيهم توقعه على
الارض يعني..طبعاً لقه...انما لو عندك عضلات تدي الواحد منهم ضربة كده على
نص دماغه ترجعو 10 سنين لورا...والكل بعدين يعملك حساب...

واحد تاني يقول: اخلاق ايه يا اخينا الي انت بتتكلم عنها في الزمن
ده....ده الي عندو اخلاق ما حدش لا بيعبرو ولا بيحترمو....احنا في
زمن...ان لم تكن هرو اكلتك الهرارو ...

جلال: ايه هرارو دي.قصدك ان لم تكن ذئباً اكلتك الذائب بس ده غلط احنا مش
في غابة يا جماعة..انت جايب المثل ده منين..اهدو يا جماعة الموضوع اكبر من
كده...

(ينط فتحي بقه): انت مالك انت ..عاوز شباب الحارة تبقى عيال فافي
ليه..عاوزهم يبقو حريم الحارة ولا انت فاكر نفسك في محو الأمية بتدي دروس
لمؤخذة يعني للعيال..(اسمعو يا اهل الحارة الراجل ده مدسوس علينا بقه انتو
ترضو بالكلام ده)
الشباب كلها: لقه ما نرضاش....
جلال: ما تصلو على النبي يا رجالة بالتفاهم كل واحد حر يدي رأيو ونتناقش...
فتحي: نعم..نتا ايه....انت فاكر نفسك في مجلس الشعب يا اخينا انت...ولا في مؤتمر قومي عشان اتحاد الكورة...
جلال: انا اول مرة اشوفك هنا اسمك ايه....؟؟؟
فتحي: المعلم فتحي على سن ورمح....بوديجارد المعلم جمعة...
جلال : اهلاً وسهلاً بس يا اخ فتحي ....اهدا كده وروق خلينا نتفاهم..الي انت بتقولو ده مش صحيح..لان العضلات في النهاية تروح..
فتحي: ليه بقى حتخرج عضلاتي تعمل فسحة كل يوم في عابدين وتيجي...انت يا راجل عاوز شباب الحته يبقو فافي...ترضوا بكده يا رجالة..
شباب الحارة: لقه ما نرضاش...
جلال(يوقف ويتعصب من فتحي): وانتو يا رجالة ترضو ان الواحد منكم يبقى راجل
بعضلاتو..فين الاخلاق في المرؤة فين شهامة الولد المصري...ترضو بكده...
شباب الحار: لقه ما نرضاش,,,
جلال: شفت ما يرضوش...
فتحي: انت بتألب الناس على ابن حتتهم....ان ما وريتك ...(ويجري عاوز يضربو والشباب تهديه)
سيبوني عليه..سييبوني عاوز اربي الولد ده..الي جي يخرب الحارة ....
ينط واحد: اه فتحي عندو حق انتة مالك ومال الحارة
يقول تاني: اه صحيح كده تزعل فتحي مجدعة الحته..يلا يا رجالة نيديلو علقة..
(والكل يهجم على جلال...طراخ طريخ طراخ طريخ الولد يا عيني...يصحى يلاقي
نفسو مصر كلها نازلة فيه ضرب والنسوان من على الاسطوح تزغرط...

واحدة تقول للتانية: كفاية بقى خليه يتربى صدع دماغنا كل يوم دروس للشباب
فسد اخلاقهم يختي العيال بقت مسخرة...كل ما اقول لابني كلمة يوقلي حاضر يا
ماما حاضر يا ماما ...حاضر ايه؟فين رجولة ابني لما يشخط وينطر في
البيت..ضيع رجولة شباب الحتة ربنا يخدو...
تقول تانية: اه معاكي حق ...خليه يتربى...
وجلال يا عيني بياكل ضرب ما حدش كلو في علقة سخنة....
بعد شوية نلاقي الحارة هادية...وجلال خارج من زقاق كده يا حبة عيني يصعب على الكافر...ما فيش حتة فيه سليمة عيننيه مش باينة
وشعر راسو بقه مش شعر كده مش فاضل غير شعرتين في النص واقفين من الخضة ..وهدومو مخزقة...وبيعرج...وراح دروب واقع على الارض ...

مكان العلقة بقه نلاقي الكل قاعد هادي...وفتحي قاعد مكان جلال وماسك بأيده مطوة والكل قاعد بيمسمعلو...

فتحي: احنا دلوقت يا رجالة دخلنا على منعطف تاريخي جامد اوي....النهاردة
حققت الحارة انجاز بالصلاة على النبي ما حققوش ستلر)قصدو هتلر) في حرب
الصومال..ومن هنا ورايح كل الدروس حتخدوها كل يوم بعد العشا من
فتحي..المعلم فتحي...
ينط واحد: ايه يعني منعطف الي قلت عليه ده لمؤاخذة
...
فتحي: ده الي في حي السيدة زينب اسمو كده منعطف تاريخي...عشان هناك في كتب كتير تاريخ بتتابع..ما علينا..المهم..
واحد يقولو: طيب مين ستلر ده...
فتحي: ده راجل كبير وعظيم سمعتهم في الراديو بيحكو عليه...ده الي عمل حرب هو و....شيليني...في اضاليا ..
واحد: اهههههه يا سلام..ربنا يخليك لينا يا فتحي يا استاذ الحارة يا متعلم انت خلي الناس تستفيدددد...
فتحي: نيجي بقه للدرس الاول الي حعلمهولكم النهاردة....

المطوة مفتاح الفرج...الي معاه مطوة كأن معاه مية جنيه..كل ما تكتر من مطاويك...تكبر قيمتك بين الناس...احسبوها بقة..
تاني يوم نلاقي كل اهل الحته لابسين هدوم وشايلين مطاوي والواحد منهم على
وسطه اكتر من 20 مطوة..(شايف نفسه بيهم كأن معه عشرين الف جنيه)

(نعمان ونعيمة قاعدين ساعة المغربية كده على السطوح...بيشربو الشاي ..ما هو المنتزه بتاعهم بقه...)

نعيمة(رايقة وكده اخر هداوة): نعمان..انت سارح فين يا خوية...
نعمان(بأريفة): في الدنيا...عندك مانع..
نعيمة: فيه ايه مالك ...لو عندك مشكلة عندك حاجة احكيلي....
نعمان: لقه ما عنديش...مش كفاية بلويكم لوحدها تجيب السكر...
نعيمة(تضرب ايديها على وشها وتقول): يا لهوي يا نعمان...كده..وانا الي نفسي اسمع منك كلمة حلوة...
نعمان: فيه ايه يا نعيمة..ما انتي ما تجريش ناعم كده الا اذا كنتي عاوزة حاجة...
نعيمة(كده تقرب من نعمان وتقولو): اصل يا خوي بكره خطوبة بنت اختي وعاوزة اشتري جزمة جديدة...
نعمان(يتعصب): لسه مش العيد الي فات جابلك واحدة....
نعيمة(توقف وترمي كباية الشاي بتاعتها من فوق السطوح تسمع صوت اخخخخخخخخخ
ما تهتمشوش بمعناها بس هية عملت كدة): في ايه يا نعمان هو الظاهر الروقان
والدلع ما يجيبش نتيجة معاك..هات 20 جنييه واخلص اه ...
نعمان(يمد ايده على جيبه ويديها): يا رب ريحني...خدي يا ختي..انبصتي...
نعمية(بفرح كده): متشكرة يا خوية ربنا يخليك لينا يارب(وتقعد وتقول)

: فين كباية الشاي بتاعتي...(وتدور عليها وبعدين تسمع صوت دوشة تحت تبص لتحت تلاقي ناس متجمعة واقفة جنب واحد دماغه بتشر دم
تقول): يا لهوي ده فاروق ابن ام فاروق ايه الي حصلو..لا حول ولا قوة الا بالله يا رب
ربنا يهد الحارة دي..الواحد منهم ياكل الموز ويرميه على الارض شفت يا نعمان
كويس كده..الراجل اتزحلق ومات...اما اروح اطمن عليه....(وتنزل نعيمة)

نعمان(قاعد ما تحركش بيشرب الشاي ): ربنا يرحيني من الغلب ده..انا كان
مالي ومال الجواز..مش كنت كده اتجوزت واحدة حلوة وعندها فلوس
ساعدتني...وبلا الخلف والعيال...
ينط رضى من ورا الكرسي: انت بتدعي علينا يا بابا..كده يا نعمان...والله لاقول لماما..ماسي...
نعمان(يجيب الولد ويضربه): انت ما وريتك يا قزعة انت...

يتببع
الرجوع الى أعلى الصفحة اذهب الى الأسفل
صلاح سامى
المدير العام
المدير العام
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : اخر
انا من عائلة : بركات
انا من سكان : منطقة وسط البلد
الرتبة : المدير العام
ذكر
الابراج : الحمل
عدد الرسائل : 4125
تاريخ الميلاد : 22/03/1991
العمر : 27
الموقع : 01116450078
العمل/الترفيه : انسان مهم
المزاج : الحمد لله
نقاط : 4062
تاريخ التسجيل : 13/02/2009

مُساهمةموضوع: رد: عائلة مجنونة(كوميدية جداً جداً   الأربعاء سبتمبر 30, 2009 9:39 am

ههههههههههههههههههههههههه

والله نعمان ده مصيبة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://gamgara.ahlamountada.com
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الأربعاء سبتمبر 30, 2009 10:55 pm

الفصل الخامس(الي يأمن للرجالة)


الزغرايد ملية المنطقة كلها..دي خطوبة حسنية بنت خالت رشيدة والنسوان في
البيت عمالاين يزغردو ويرقصو..والكل فرحان الا نعيمة مبوزة كده..وقاعدة
متزوقة وحاطة بنتها جنبها..اصلها غيرانة عشان الكل مهتم بحسنية ولا حد
بيبص لرشيدة مع انها لابسة فستان جميل وعلى اخر شياكة..
حطو اغنية كده...المهم قعدت نعيمة تدفش رشيدة عشان تقوم ترقص والنسوان
تشوفها ورشيدة مش عايزة..لكن اخيراً تقوم..وترقص رشيدة والكل
يصقفلها...وزي الي عفريت لبس نعيمة..قامت تصقف وتزغرد وتسمي على بنتها
...واخر روقان تقولو بنتها العروسة وحسنية جية غلط الخطوبة...
تقعد نعيمة...وجنبها نسوان..
تقول واحدة للتانية ونعيمة سمعاهم..
- ياختي مال العروسة كده قاعدة لخمة..
- -والله مش عارفة يمكن مكسوفة..
- لا لا مش كسوف ما تكنش مغصوبة على الجوازة..
- لا مغصوبة ده ايه...مش ممكن ..

تتدخل هنا نعيمة في الكلام..
-نعيمة: لقه يا ختي لا مغصوبة ولا حاجة..دول هما الي فضلو ورا العريس
لغاية ما وقعوه..ده اتقدم لبنتي 3 مرات اه وانا رفضتو..بعدين لما عرفو هما
كده فضلو وراه لغاية ما جابو رجلو...

التانية تقولها: وازاي انتي ترضي بكده يا نعيمة....ياخدو منك ياعيني عريس بنتك..
نعيمة: انا سيبتهولهم...مش عاوزاه يشبعو بيه...(تتلوق التانية في بقها زي الي مش عاجبها)

وفي الناحية التانية نلاقي اتنين من النسوان قاعدين بيتشوشو زي ما يكونو
من اهل العريس من بعيد..تلاحظ عليهم نعيمة وتحاول تقرب منهم وتبتسملهم...


نعيمة ورشيدة فى الطريق راجعين البيت


نعيمة: شفتي يا بنت النسوان الاتنين الي كانو قاعدين الناحية التانية...
رشيدة: مالهم ياماما...

نعيمة: ما شالوش عينهم من عليكي...وان ربنا ما كدبنيش حيجي من وراهم خير(وتغمز بنتها وتضحك)

رشيدة: اتني كل مرة يا ماما تقوليلي كده كل ما شفتي حد بص عليا...فاكرة
مرة في الاتوبيس شفتي اتنين بيبصو عليا قلتي نفس الكلام ولما نزلنا لحقونا
وطلعو شبهو عليي ببنت مرة في الاتوبيس سرقتهم وكنتي حتفطسيهم من
الضرب...والمرة التانية...
نعيمة: اسكتي اسكتي يا بنت..يا اختي طالعة غم لبوكي..خلاص قفلي على الموضوع ..الحق عللي انا...

وهي راجعة البيت لقيت رضى قاعد على عتبة الباب وحاطط ايدو على وشو وزعلان وبوزو شبرين...

نعيمة: ايه ده مالك يا واد قاعد هنا ليه مش في البيت ليه مش شايف الليل ليل...
رضى(يفضل قاعد مبوز): والنبي سبييني يا ماما خلاص خلاص...خلاويص ما تكلمنيش اصلى زهقان وقلفان من الدنيا كلها..

نعيمة(تحط ايديها على وشها زي المصدومة): جتك ايه يا واد..خش اطلع البيت اما شوف حكايتك ايه..

رشيدة: تلاقيه بيدلع عشان ياخد جنيه انتي مش عارفاه ولا ايه..

رضى(يوقف متعصب): اسكتي يا بنت..احتلمي اخوكي الصغيل سوية..ما حدس مالي عينك ولا ايه...كوبة يا سيخة...

نعيمة: امشي انجر قدامي يا واد...اما شوف في البيت حكايتك ايه..
رضى: سولي مس طالع..
نعيمة: ايه..سولي دي ايه...
رضى: يعني مش عايز...معتصم هنا وحأضلب عن الاكل...

نعيمة: يا لهوي يا لهوي..انت يا واد حتجنني مالك..

رضى(يعيط جامد): معقولة...تلوحو فلح حسنية ما تخدونيس معاكم ...واطلع
البيت اقول لبابا خدني عند ماما القيه مس فاضي قاعد بيحضر على التلفزيون
بنات بتلعب لياضة وبيقلدهم..(ويقرب من امه يقولها في ودنها).......كان
بيسوف بنات مس ولا بد يا ماما تلضي انتي بكده بيتك بقه مسخلة)

نعيمة(تتحمق اوي): كده ان ما وريتك يا نعمان استنى عليا.......................

رضى: انتي حتتلهي بالموضوع ده وتنسي الموضوع الصحيح يا خلابي على النسوان
وعقلها..وقال ايه عاوزة تجوزني وتفلح فيا .....وديني لاتجوز البعة واطلع
عينهم ...

نعيمة: اوعى يا واد من وشي قبل ما افش غلي فيك..

رضى: خلاص اطلعي..بس قولي لبابا يديني المجلة الي لقيتها بأخر السارع اصلو
سلقها مني وفيها نانسي عجلم وانا عيطت جامد ما لضيس يديهالي وقعد يبص جامد
في الصول...

نعيمة: يا لهوي يا لهوي......................................... ..... ..يا نهار اسود ومنيل .....جالك الموت يا تارك الصلاة

رضى(بعد امه ما تتطلع يكلم نفسه زي الي مستغرب): يا لب اعفي عنا وسبت
العقل والدين يا لب ..كل ده عسان نانسي عجلم...جتها نيلة ماما احلى
منها..يا ماما استني جي معاكي محامي دفاع...

(وتجري على البيت عاوزة تعمل مشكلة تدق الباب بعصبية كده وتدفشو برجلها وتخش القودة تلاقي نعمان في سابع نومة)

نعيمة(بعصبية): نعمان قوم كلمني يا اما والله مش قاعدالك فيها,,,,

نعمان(يصحى مفزوع وفاتح بقه مش فاهم حاجة): في ايه في ايه...البيت وقع البيت وقع...
نعيمة: لقه ما وقعش بس طقم سنان النهاردة حيوقع...بقه يا راجل ما تصدقش
اخرج من البيت تخونييييييييييي...يا لهوي يا لهوي......الي يأمن للرجالة
نعمان: انتي ايه الي بتقوليه ده يا ولية اتخبلتي في عقلك.....ولا اتجننتي..
نعيمة: طبعاً حتنكر..اعترف قول في ايه بينك وبين البنات الي بيلعبو رياضة على التلفزيون..هه
نعمان(زي الي فهم نعيمة بتتكلم عن ايه ويغيير الكلام ويزوقه): بقه يا نعومتي..تصدقي انتي..كده انا كنت بتفرج كده..استطلاع مش اكتر..
نعيمة(بعصبية): اطلع بالمجلة وخلي ليلتك تعدي...
نعمان: مجلة ايه دي..
رضى(ينط من برة): المجلة بتاعت نانسي عجلم اخدتها مني وقعدت تبص..
نعمان: والله كنت ببص على صور بيوت..حتى شوفي يا نعيمة( ويطلع المجلة من الدولاب)..بصي البيوت حلوة ازاي ادعيلي اجبلك بيت زييهم...
نعيمة(متعصبة): ربنا ياخد النسوان دي كلها من وشي عشان ما تلاقيش حد
تبصلوو غيري..انا عاوزة افهم فيهم ايه احلى مني..ناسي عضم ولا مش عارفة
مين..هاه..اكمني يعني على الطببيعة ولا انتو الرجالة ما يحلاش في عينكم
الا المتزوقة والي تغشكم..ربنا يرحمك يا حماتي....
نعمان(يضحك): اول مرة تترحمي عليها من عشر سنين...
نعيمة: ايوة اصلها مرة قالتلي...خدي بالك يا نعيمة...نعمان اكيد اكيد حيبص لبرة وانا ما صدقتهاش...
نعمان(يضحك): ربنا يرحمك يا ماما..اهدي بقه يا نعومة انتي..
رضى: بتضحك على ايه بابا..الله يلحمك يا ستو مع ان كان قصدك ان ماما وحسة وبابا حيتجوز عليها انما لبنا يسامحك..سامحي يا ماما معلس..
نعيمة: شفت يا نعمان حتى امك الله يرحمها..كانت بتلقحني بالكلام..
رضى(يحط ايده على خوصره): ايوة ايوة
ظبط موقفك يا عم..اديينى المجلة لاحسن اقولها على حكاية البت سميحة بنت
الجيران الي اخدت من عندنا طقم الشاي وقعدت ساعة تتكلم معاها على
الباب..في غياب ماما
نعيمة(تبحلق في نعمان): اييييييه..
نعمان(زي المرعوبين): نعيمة..!!!!!!!!!............................. ..... .....(هههههههههههههههههههههه)


فتحي قاعد مع صحبه عمر في زقاق كده بيتكلمة وبيشربو كوكاكولا


فتحي: تعرف يا واد انا عاوز اصلح المنطقة دي بجد...
عمر: ازي يا واد...
فتحي: اصل المنطقة دي مش حتتصلح الا لما تتنضف كده وتتزوق وتبقى زي غاردن سيتي..
عمر:ههههههه جتك داهية...دي عاوزة معجزة..دي تبقى عجيبة من عجياب الدنيا الخمسة الي انت بتقولو ده...دي غاردن بلاوي وندالة ....
فتحي: صحصح معايا يا واد..احنا نعمل مشروع نقول لاهل الحارة اننا عاوزين
نظبطها وندهنها وكده وانهم يساهمو معانا ولو بجنيه...وناخد الفلوس نشغلهم
بقه انا وانت في تجارة كده..والربح نصلح بيه الحارة بشويش...
عمر: انت فاكر حد حييديلك حاجة..
فتحي: امال انا مصلح الحارة على ايه....مش لازم اعمل حاجة...

عمر: والنبي اسكت اسكت انت فاكر نفسك نايب في مجلس الشعب....دول النواب
لما شافوا الحارة وحابو يعملو فيها حاجة حسو لو حطو ميزانية مصر كلها مش
حتقضيها..دول الناس الي هنا الي عاوزين تصليح ودهان مش الحارة..دول عملين
الشوارع حمامات يا عم ..

فتحي: المعلم جمعة جي هنا...اسكت...


المعلم جمعة يقرب من عمر وفتحي ويقول لفتحي...

المعلم: فتحي..انت هنا وانا بدور عليك..

فتحي(يوقف): اوامر يا معلم قول....
المعلم: عاوزاك في حاجة ضروري عدي عليا بكرة اصل في فرح عاوزك تخربهولي على دماغ اهلو..
فتحي: حاضر تأمر بس فرح مين..

المعلم: جوز بنتي اتجوز عليها..الندل الجبان عاوزك تعمل الفرح عزا كل حد
تدخله المستشفى تاخد 10 جنيه..واولهم العريس عاوزه عاهة مستديمة وانت
بتضربو تقولو(المعلم جمعة بيقلك لو بصيت لبرة تاني حيعملك فرحك في القرافة)

عمر(بحماس كده): ينفع اكون معاه...

المعلم: ومالو يلا ربنا مع الكتيرين...
فتحي: بكرة ان شاءالله المستشفيات حتعلن حالة اضراب من الي حيجولها...ماشي...

يتبع...........
الرجوع الى أعلى الصفحة اذهب الى الأسفل
صلاح سامى
المدير العام
المدير العام
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : اخر
انا من عائلة : بركات
انا من سكان : منطقة وسط البلد
الرتبة : المدير العام
ذكر
الابراج : الحمل
عدد الرسائل : 4125
تاريخ الميلاد : 22/03/1991
العمر : 27
الموقع : 01116450078
العمل/الترفيه : انسان مهم
المزاج : الحمد لله
نقاط : 4062
تاريخ التسجيل : 13/02/2009

مُساهمةموضوع: رد: عائلة مجنونة(كوميدية جداً جداً   الأربعاء سبتمبر 30, 2009 11:03 pm

هههههههههههههههههههههههههههههه

فتحى وابوه نعمان دولت احلى ناس فى القصة

وفتحى كمان بتاع غاردن سيتى

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://gamgara.ahlamountada.com
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الخميس أكتوبر 01, 2009 10:15 pm

الفصل السادس(فتحي في الزنزانة)


المشهد الاول (فتحي بيلبس لبس زي بتوع المعلمين وبيحط لفة على راسو تشوفو نعيمة)
نعمية: ايه يا واد مالك لابس ومتشيك..
فتحي: عندي شغل يا ماما مهم اوي ادعيلي ربنا يوفقي
(ينط رضى من جوة): خدني معاك خدني معاك..
فتحي: ما ينفعش...انا عاوز ربنا يكرمنا لو اخدتك معايا حتعملي مصيبة ما
انا عارفك(ويفكر فتحي شوية ويقلبها في دماغو يقول..ومالو ماهي كده كده
مصيبة حتحصل اخدو معايا اهو يساعد شوية )
تعال يا رضى حاخدك معايا..

نعيمة: يا لهوي..مالك كده رايح ومش سائل واخد رضى معاك...مش حتخرج غير لما تقوللي..
فتحي(بحنية): ماما يا حبيبتي..خليني اروح لاحسن اتأخر و صاحبي مستنيني تحت مش هتأخر دى مصلحة هاقضيها واجي...
نعيمة(زي الي مش مقتنعة): ماشي يا فتحي..حعديهالك المرادي..بس خد بالك من رضى..
رضى: ايه ده يا ماما ..انتي بتوصيه عليا..ليه بقه مخلفة بنت...ده انا بعشل لجالة والايام تسبتلك...
نعيمة: روح روح ربنا يعيني ويصبرني على ما بلاني...

المشهد الثاني(نلاقي فتحي بره الفرح المعمول في صوان كده..ومعاه شوية عيال
وصاحبه ورضى كمان حاطط لفة على دماغه وماسك عصايا اطول منه)


فتحي: انتو عارفين حنعمل ايه مش حعيد تاني..عاوزين نخلص قوام
قوام...اه..انا اهجم على الفرقة وانتو اتولو مهمة المعازيم ورضى يتولى
العريس ..
رضى: طيب ايه رأيك تسيبلي انا العروسة..اضربها بمزاجي...

فتحي: اسكت يا واد..اعمل الي بقلك عليه..فاهم..وحديك العشرة جنيه الي وعدتك بيهم..
رضى: ماشي..الصبل بلدو حلو..والطمع مس حلو...

يخش فتحي الفرح والفرقة بتعزف وطاخ طيخ فيهم...والعيال تضرب في
المعازيم..ورضى قعد في حجر العريس وهاتك يا االام على وحشه ويمسك فيه
ويعضه وبالعصايا على دماغه والفرح اتقلب والدناي قامت وقعدت....
وفتحي يضرب الفرقة و واحد يقولو..حرام عليك..قبل ما يكمل الكلمة تكون
البونية في عينو...ولا همه..طاخ طيخ..العروسة بقه هربت المعازيم
هربو..فضلت شوية ناس يضربوهم..خلص فتحي وراح بقه على العريس...ويضرب فيه
...رضى بقه راح مكان العصير والحاجة الساقعة وساب العلقة وقاعد يشربهم
وياكول البنبوبوني..
رضى: بلا هم بلا ضلب ..صدعوني..اهو الواحد يلوق شوية(وياكل ويشرب ولا همه)

فتحي بقه قاعد نازلل ضرب في العريس بعد ما تقرباً كان حيخلص عليه...قالو..
فتحي: بيقلك المعلك جمعة..لو بصيت لبرة مرة تانية حيعملك فرحك في القرافة..
العريس يا دوب فيه الروح: المعلم جمعة مين ما اعرفوش...
وفتحي ولا هنا نازل فيه ضرب...
وفجأة يجي البوليس..ويطب عليهم ويجي الاسعاف ياخد المضروبين وياخد فتحي والشلة ومعاهم رضى....

المشهد الثالث(فتحي ورضى والشلة في القسم)


فتحي ورضى واقفين قدام الضابط زي المساكين...

الضابت: ايه يا روح امك انت وهو عاملينها رباطية وزعامه ولا ايه..
رضى: انا مس حتكلم ولا كلمة الا بحضول المحامي بتاعي...
الضابط: اخرس يا واد...ده انا حواديكم في داهية..تضربو الناس ليه هه
فتحي: اصل..اصل.....
رضى: المعلم جمعة هو قالو يضلبهم..اخوية مالوس دعوة...براءة مش كده..يلا يا فتحي نلوح..(ويمسك ايده و عاوز يروح وفتحي يضربه)
فتحي: اسكت يا ياض..لا لا يا بيه مالوش دعوة المعلم جمعة...

رضى: الكدب حرام تخس النار اعتلف وخلص نفسك...
الضابط: ايه بقه انتو حتشتغلوني ولا ايه...انت عارف ان العريس الي اسمه علي محمد تقريباً في غيبوبة..
فتحي(انصدم): ايه..لقه انا العريس الي ضربته اسمه حسن علوان.(يا لهوي احنا دخلنا فرح غلط ولا ايه)

لا يا بيه انا ما ليش دعوة حقول الحققية..المعلم جمعة هو قاللي اضرب العريس وابوظ الفرح عشان جوز بنته اتجوز عليها..

(وبعد شوية نلاقي المعلم جمعة جي)

الضابط: صحيح يا معلم انت حرضت الولد فتحي يلخبط الفرح ويعمل الي عمله..
المعلم جمعة: بقه معقولة يا بيه..انا المعلم جمعة على سن ورمح اجيب ولد يعمل كده..كداب يا بيه..
رضى يضربه برجله: اخوية مس كداب انت يا وحس....
فتحي: انت يا معلم مش قلتلي اضرب جوز بنتك والخبط الفرح
جمعة: لقه مش صحيح...هو الي اضرب اسمه ايه يا بيه..
الضابط: علي محمد
المعلم: تمامممممم..وانا جوز بنتي اسمه حسن علون..شفت النصب..والاحتيال...طلعوني منها يا بيه..
فتحي: كداب يا بيه كداب...
رضى: ربنا ياخدك يا لب يا وحس يا كداب...انا عاوز ماما(ويعيط)


المشهد الرابع(فتحي ورضى في الزنزانة)


رضى: شفت ...انا لضى ادخل زنزانة مجلمين..معلس السجن للجالة

يسمعو واحد من الي قاعدين: ايه قلت ايه يا قزعة مين المجرمين دول يا واد.
فتحي: اخرس ما تتكلمش مع اخوية كده
- نعم نعم..انا سامع صوت كده مش عارف جي منين سمعت يا عتريس..
- عتريس: لقه بس الظاهر من برة ما تهتمش..
- فتحي يوقف: انا ايه مش شايفيني ولا مش مالي عينكم ولا ايه..
- عتريس: انت بتقل ادبك كمان..وعلى طاخ طيخ كمان..


في الوقت ده نلاقي نعيمة مع الضابط ببتوسلو يخلي سراح ابنها..

يتبع...............
الرجوع الى أعلى الصفحة اذهب الى الأسفل
صلاح سامى
المدير العام
المدير العام
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : اخر
انا من عائلة : بركات
انا من سكان : منطقة وسط البلد
الرتبة : المدير العام
ذكر
الابراج : الحمل
عدد الرسائل : 4125
تاريخ الميلاد : 22/03/1991
العمر : 27
الموقع : 01116450078
العمل/الترفيه : انسان مهم
المزاج : الحمد لله
نقاط : 4062
تاريخ التسجيل : 13/02/2009

مُساهمةموضوع: رد: عائلة مجنونة(كوميدية جداً جداً   الخميس أكتوبر 01, 2009 10:21 pm

رضى: طيب ايه رأيك تسيبلي انا العروسة..اضربها بمزاجي...

هههههههههههههههههههههههههههههههههههههه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://gamgara.ahlamountada.com
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الجمعة أكتوبر 02, 2009 10:48 pm

الفصل السابع:عريس لرشيدة


نعيمة قاعدة والنار حتخرج من وشها....قدام الضابط وعمالة تتحايل عليه عشان يخرج ولادها من السجن...

نعيمة: والنبي يا سيادة الضابط يا رب تترقى وتبقى رئيس الضباط طلع ولادي دول مالهومش ذنب
الضابط(مش عاجبه الكلام ونفسه يضربها): ولادك اعترفو وخلاص حيتحولو على النيابة....

0نعيمة(تلطم على وشها): يا لهوي...نيابة لا والنبي يا بيه نيابة ايه...ده ان كنت اموت...
الضابط: مدام ما فيش لا ضمانات والي انضرب في المستشفى ما سقطش حقو يبقى خلاص مش حيطلع....
- نعيمة: يا لهو ي يا لهوي

المشهد التاني(المعلم جمعة قاعد قدام القهوة وبيشرب شيشية ونعيمة جية والف عفريت يطنطو في وشها)


تقرب نعيمة معاها عصايا كبيرة وزي الي داخل على اجمد علقة.....

نعيمة تكلم المعلم جمعة: انت ضيعت الواد ....ضيعت الواد يا معلم الي اسمك
جمعة ده انته ما حصلتش يوم النكسة مش يوم جمعة....يا لهوي يا خرابي
الحقوني ياناس عاوز يدخل ولادي السجن يا لهوييييييييييييييييي

المعلم(يرمي الشاى على الارض زي الي مش عاوز مشاكل: في ايه يا ست نعيمة انتي جية ترمي بلاكي عليا ولا ايه..مالي انا ومال ولادك....

نعيمة: نعم نعم..ايه في ايه..حتلعبها عليا بردو.....

المعلم: ما خلاص بقه اهدي انتي بس والي عاوزاه حعملو بس بلاش فضايح..

نعيمة(تهدى شوية): ماشي اما اشوف اخرتها ما هو ما فيش كلام غير ان ولادي يطلعو من السجن يا اما حطربق القهوة على دماغك يا معلم انت..

المعلم: اتفضلي ارتاحي..هات كرسي يا شحتة...اهدي وروقي..
نعيمة: اهوى قعده .. في ايه خلص..الولاد مستنيني عاوزة اخرجهم...
المعلم: يا ست نعيمة....انا مالي انا بعت ابنك لفرح عشان يخلصو في مكان
وابنك غلط راح فرح تاني انا مالي...دي غلطتو بقه..البس نفسي قضية ...
نعيمة(تتعصب من تاني): ايه في ايه هو اللون حيتغير ولا ايه....انت لسه ما تعرفنيش اه..
نعيمة: ما تصلي على النبي يا ست نعيمة.....انا بقلك ايه..فلوس الضمان 500
جنيه حديهملك....تخرجي ابنك من الحكاية دي....وطلعيني انا برة اللعبة...
نعيمة: على اساس ايه بقه..
المعلم: رشيدة......بنتك رشيدة..
نعيمة(زي الي حد نخزها): مالها رشيدة كمان....
المعلم: تجوزيهالي الخميس الي جي...
نعيمة(توقف وتزعق): نعم نعم.................ده انتي اكبر من ابوها ونصاب...
المعلم: يا سلام ..وفيها ايه بس كسيب...وحعيشها اجدعها عيشة وبيت لوحدها وفرح ومهر كويس كمان...
نعيمة: يا نهار اسود يا راجل انت متجوز اتنين وولادك اكبر من ولادي انت اتخبلت في مخك
المعلم: بقلك ايه بلاش كتر كلام..فكري وشوفي ايه الي يناسبك...حطلع ابنك
وحستت بنتك والمهر الي عاوزاه ....وتمضيلي وصل باستلام الفلوس ولما كتب
الكتاب اقطعو قدامك..يا كده يا سيبي ولادك مرميين مطرح مهما..مستني
الجواب..مع السلامة...

المشهد الثالث(نعيمة قاعدة في البيت ورشيدة جنها بتربطلها راسها)


قاعدة نعيمة وعاملة تموت من وجع راسها ورشيدة بتربطهولها..
نعيمة: اربطي يا بنتي اربطي..اه يا دماغي حتنفجر....مش عارفة افكر...
رشيدة : في ايه يا ماما تاني ...
نعيمة: ما فيش يا بنتي ما فيش..مش كفاية المصيبة الي انا فيها وابوكي ولا هنا...اربطي اربطي

(في الوقت ده يدخل نعمان البيت ولا همه بحاجة هي نعيمة تشوفو تبدأ نشرتها)

نعيمة: قاعد وبتسهر ولا علي بالك...
نعمان: في ايه يا نعيمة مين قلك ولا على بالي مش بجري اجيب فلوس لولادك الي ما بيجيش وراهم الا المصايب..
(نعيمة تقعد تعيط): يا لهوي عليكم...يا حبيبي يا رضى سيبت امك لوحدها اه يا فتحي عاوزة فتحي...
.نعمان: كل الي قدرت اجمعه 275 جننيه بس
نعيمة: كمااااااااانننننننننننننننننننننننننننن...يا ربي ايه المصايب دي ياربي...
تعالى تعالى عوزاك فى القودة بكلمتين...

(تدخل هي ونعمان القودة)

نعيمة : انا مش راضية اتكلم قدام بنتك..بس المعلم جمعة كلمني النهاردة..
نعمان: مالو الندل عاوز ايه..يا ما نفسي اطبق في زمارة رقبتو هو السبب ضيع العيال..
نعيمة: قالي انو اذا جوزتو رشيدة...يدني الكفالة واخرج العيال...
نعمان: ايه ايه...ده الي ناقص..اتجنن ده ولا ايه

(رشيدة كانت واقفة على الباب وسامعة الي بيحصل و مصدومة)

نعمية: ده الي حصل..اعمل ايه..اه يا حرتي يا مراري...
نعمان: اسمعي يا نعيمة..احنا نجاريه في الكلام ونقولو اه وناخد الفلوس وبعديها ندية بومبة...
نعيمة: هه..على مين...ده قال ايه عاوز يمضيني على وصل..ولما اجوزو البنت يديهولي..
نعمان(زي الي حس بخيبة امل): انا جتلي فكرة...اسمعي..

اللمشهد الرابع(نعيمة ونعمان قاعدين مع المعلم واخر روقان)

نعمان: اسمع يا معلم احنا موافقين على طلبك..
المعلم: يا سلام هو ده الكلام انتو تلاقو احسن مني في الحتة....
نعيمة: لا ابداً معقولة(في سرها بتقول...ربنا يخدك يا عرة الحارة)
المعلم: وطلباتكم اوامر..اؤمر يا سي نعمان..
نعمان: اولاً كفالة العيال..
المعلم: وجب...
نعمان: تانياً الالف جنييه الي طالباهم عيلة العريس الي اضرب...
المعلم(يفكر ويقول): كمان وجب عشان خاطر عيون الست نعيمة وبنتها,,,
نعمان: مهر بنتي بقه 5000 جنيه دول قبل كتب الكتاب يكونو في ايدي..وبعد
كتب الكتاب تدي الوصل لنعيمة ...بالع فلوس الكفالة غير كده مش عاوزين و
ربنا يحلها..
المعلم(يفكر): ماشي خلاص من بكرة العيال حتطلع..




يتبع........










__________________
الرجوع الى أعلى الصفحة اذهب الى الأسفل
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الأحد أكتوبر 04, 2009 9:00 pm

الفصل الثامن
جوازة المعلم جمعة

تدخل نعيمة البيت ومعاها رضى وفتحي الي كلهم زي الي محبطين ومبهدلين اخر بهدلة يا عيني السجن طلع عينهم على الاخر...
ويا دوب يدخلو من الشقة يالقو رشيدة قاعدة بتعيط جامد...تبصلها نعيمة زي الي مش عاجبها ...

نعيمة: في ايه ياختي..فيه ايه تاني..مصيبة جديدة...

رضى: والله الواحد استاق لبيته...ده انا بعد الي سفتو في السجن حسيت ان بيتنا قصل...
فتحي: فيه ايه يا رشيدة..ده بدل ما ترقعيلك زغروطين عشان طلعنا بالسلامة..
رشيدة: سيبوني في حالي والنبي..انتو تطلعو من السجن وانا اخد مؤبد عشان سي جمعة بتاعكم...

رضى: كده يا لشيدة وانا الي بقول عليكي العاقلة الوحيدة الي في البيت
..فين التضحية يا بت ...ده انا في السجن اتعلفت على واحد قتل اخوه بالسكين
عسان بيزن كتيل ..اهو ضحى بيه عسان اخواته يلتاحو...دي التضحية يا
بنتي..مس كده ياماما..

نعيمة: يا بنت انتي مش فاهمة الحكاية(وفي الوقت ده يخش نعمان من الباب) اهو ابوكي جيه اهو تعالى قولها الخطة..
رضى: خطة..خطة ايه يا ماما انا بموت في الخطط..يا سلام...
فتحي: اسكت يا واد انت..ده انت سبب كل البلاوي..ما تخشش في حكاية الا وتعقدها...لولا اني اخدتك الفرح ما كنش حصل الي حصل..
رضى: ايه ايه ايه ايه.المي بلاويك عليا يا موكوس...انا الي قلتلك لوح فلح غلط بعدين انا ما ضلبتس حد...اتسجنت ظلم..ايهء ايهء ايهء
رشيدة(تزعق)ك:اسكتووووووووووووووووووووووووو... جتكم البلاوي...انا مالي استحمل بلاويكم هاه..

نعمان: يا بنت بنقولك خطة..مش حتتجوزي ولا حاجة...
رشيدة(عصبية): اه وعاوزيني اصدق ...
نعمان: مهرك يا بنت 5000 جنيه عارفة نعمل بيهم ايه دول حيطلعونا ورا
الشمس.حناخدهم يوم الفرح.سيبنا بس احنا نخطط وان شاء الله تاكلي الشهد
معانا...
.رضى: اه تاكلي السهد معانا وتسيبلي العسل ليا..بموت فيه...ههه ههه حناكل
عسل هه هه...0(ويقرب من ودن ابوه ويقول): انا دولي ايه في الخطة دي عسان
اتحضل واجهز من دلوقت هدوم السجن..ما انا عارف خططكم الي تودي ابو زعبل...

نعمان: انت يا ولد مش عاوز اسمع صوتك..انجر من قدامي عشان اعرف اخطط...
نعيمة: ليه لسه دلوقت ما خططش....
نعمان: للاسف..لقه..بس اكيد اكيد في خطة.....
نعيمة: يا لهوي يا لهوي..حيضيع البنت..
رشيدة(بعياط): مش قلتلك يا ماما..يا وكستك السودة يارشيدة ما كنش يومك يا قطة يا جميلة جميلات الحارة..
رضى: الضي بيه يا بنت مالو ده مجدع الحالة حيعيسك اجدع عيسة...وكل يوم حجي اتغدا عندك فلاخ ولحمة...
رشيدة(تبص لرضى): عيسة..اه عيسة..دي حتكون عيسة تعيسة..يارب انا كان مالي يارب...
نعيمة: كده يا نعمان الراجل جي يكتب الكتاب الخميس اللي جاي ولسه ما فكرتش...

رضى: انتو مغلبين نفسكم ليه...خلاص حد يتنكل ويعمل نفسو مأذون.ولا حيكون
مأذون ولا حاجة وانا حلخبط الفلح واجيب العصابة بتاعتي سهلة اوي.....

نعمان يضحك هو ونعيمة ويقولو: والله صح...الولد طلع فالح.. اوي..

رضى يحط صباعه على راسه ويقول: حلوة يا فالح دى...(ايه رأيكم اعمل انا المأذون)


المشهد التاني(الزغاريد مالية البيت والكل فرحان برشيدة)


الزغاريد مالية البيت والكل فرحان برشيدة..نعمية في المطبخ بتوزع الشربات
على المعازيم..ونعمان قاعد جنب المعلم جمعة الي مرستق نفسه ....وفتحي واقف
على الباب متوتر..ورشيدة في القودة مع شوية بنات مرتبكة وروحها
حتتطلع..الكل باين الا رضى غطسان فين..ما حدش يعرف..المهم..

رشيدة في القودة تخش عليها نعيمة وهي لابسة فستان بامبي كده..

نعيمة(تضحك): عن اذنكم شوية يا بنات حظبط لرشيدة هدومها عقبالكم يارب لوليليشششششششش....

ويخرجوا البنات وتفضل مع رشيدة...

نعمية: اسمعي يا بنت عاوزاكي تفردي وشك شوية حتكشفينا ...
رشيدة: مش طايقة حاجة..انا خايفة الواد رضى ما يعملش الي قولنالو عليها..مش كنتي تبعتي فتحي احسن..
نعيمة: لقه يا بت..فتحي عاوزينو هنا عشان يطمن المعلم ان كلو تمام..بس غياب رضى ما يهمش....
رشيدة: يا رب استر يارب استر..تعالى بقه يا رضى....


رضى قاعد في قودة فوق السطوح...ومعاه راجل بيظبط نفسه وبيتنكر بيلبس مأذون ... اسمه سعيد...
رضى زي الي تعب وهو مستني لما يخلص...

رضى: ما يلا بقه الناس مستنيه ولانا سغل كتيل لسه الخطة ما ابتديش وانا زهقت..
سعيد: استنى اما احط اللفة مستعجل على ايه..مش عاوز مأذون بجد خلاص اسكت...
رضى: طيب..هو فيه مأذون مس سايل في ايدو دفتل...
سعيد(انصدم): اه صحيح عاوزن دفتر..اجري يا وله جيبلي دفتر اي دفتر بسرعة..

رضى: الله..اجبلك دفتل منين انا دلوقت هاه...
سعيد: من كراريسك جيب اي حاجة بسرعة..
رضى: ما عنديس...انا لسه ما دخلتس المدلسة..السنة الي فاتت كان لازم اخس بس طلدوني من اول يوم..
سعيد : ليه بقه..
رضى: اصلي عضيت المدلسه في ايدها...
سعيد: يا نهار اسود ليه كده...
رضى: قال ايه ياخوية يا سعيد...عاوزاني اقف على الحيطة عسان اخدت القلم من
صاحبي...هو مس الحياة تعاون فين الكلم في التعاون.قمت عضيتها وكنسلت على
القلم ومسيت..قام و قالولي..انته مجلم حلب ..امسي انته ملفود تعالا السنة
الي جية..وانا مستني السنة الي جية الوح عندهم اصلهم مستنيني وانا بحافظ
على المواعيد...
سعيد: يا ولد انت حتحكيلي قصت حياتك اجري جيب اي دفتر...

رضى يمشي ويبرطم في الملام..: انا مالي ومال الزنقة دي..الله يوكسك يا بت
يا لشيدة ما غلطوس لما قالوهم البنات لمات..حتى في جوازتهم..هم

يروح يجي بعد شوية معاه دفتر صغير اوي ...

رضى: اتفضل..الدفتل اهو..
سعيد يمسك يبصلو: ايه ده انتي جايبلي دفتر ايصالات..
رضى: ده الي لقيته جنب القهوة اخدتو من واحد وقلتلو حرجعهولك واديتو ضمان
الجزمة...عاجبك منظري بقيت بفردة واحدة...دي اخرتك يا لضى..تتبهدل عسان
الحليم...
سعيد" جتك دهية امشي امشي انا حتصرف...

المعلم جمعة قاعد حنب المعلم نعمان...

نعمان: ايه يا معلم فين الوصل الي مضينا عليه..
المعلم جمعة: هنا في جيبي..ان شاء الله نكتب من هنا..واديهولك من هنا...
نعمان: ماشي يامعلم والمهر
المعلم جمعة : انا حكتب 2500 مقدم و2500 مؤخر..اه لمؤاخذة الحق الحق..والخميس الي جي الفرح ان شاء الله..
نعمان: يعني مش حاخد مهر بنتي دلوقتي(اتعصب)
المعلم: امال ده في جيبي التانية بعد ما نكتب....
نعمان(اطمن): اه ماشي كده(فين الشرباط يا نعيمة)
ويقول في سره(فين الواد رضى الله يوكسك حتبهدلنا)

وبعدين يخش رضى ومعاه سعيد الي منتكر مأذون وتعلا الزغاريد في البيت..ورضى
ماشي مطقم كده وكرافته..بس بفردة جزمة واحدة وبيعرج....تبصلو نعيمة وتجي
نحيتو تقولو: ايه ده يا واد جبت الهدوم دي منين.؟
رضى: استلفتهم من امجد صاحبي بس اخد الاسورة بتاعتك الي بتحطيها تحت المرتبة ضمان..
نعيمة(تزعق): اييه؟؟؟اجري جيبها يا واد اجري..\
وتلاحظ انو بفردة واحدة
نعيمة: ايه ده فين جزمتك...
لضى: ما هو انا عسان اخلص من بلاويكم ..لسه حفلط في هدومي....امسي نسوف الخطة...
الكل يبص لرضى ويسمعو بيقول خطة...
يلاحظ ويقول: القطة الي برة مجناني حروح ادبحها والجع عن اذنكم...

يقعد سعيد ونعمان والمعلم جمعة ويبتدي مراسيم كتب الكتب زي ما يكون كتب كتاب عادي والمعلم ولا انتبه انو في حاجة....
يجري رضى ويقول للعيال الي كانت مستخبية: عيال استعدو للصفالة..

في الوقت ده المأذون يقول: مبروك مبروك والكل يبارك للمعلم جمعة ...
يودي الوصل لنعمان و2500 جنيه....والمعلم بحكم انه مبيعرف يقرا ولا يكتب
ما ينتبهش الي انكتب في ورقة كتب الكتاب والي بصمو عليه..المهم....

بعد كده تدخل نعيمة وتجيب رشيدة وتقول: اطلعي يابنت اطلعي الحكاية خلصت خلاص تعالي سلمي على عريسك لوليلييششششششششششش...
تطلع رشيدة وعاملة نفسها مكسوفة.....وتقول له: ازيك يا راجل يا عرة الحارة..
المعلم جمعة ينصدم ويقول: ايه ده حد يقول لجوزو يوم كتب الكتاب كده..
رشيدة (تمسك معلقة كبيرة): واكتر من كده(وتديله ضربة على دماغه)
في الوقت ده الولد رضى يصفر العيال كلها تجي معاها جردل متعبي مية
وتراب..اختصاص مية وتراب العيال دول..ويغرقوهم على المعلم....ويجرجرو برة
الشقة ويحدفوه من السلم ويغنولو(العبيط اهو اهو))
يطلع المعلم من عندهم: وديني لموديكم فى داهية..امشي انجري يا بنت على بيت جوزك..
رشيدة: ايه ايه جوزي مين يلي ما تساوش جوز تعرفية في يوم الغلا...انا مش
مرات حد..انا لما حتجوز ببص لاحسن ناس مش لواحد زيك..يا نصاب يا
حرامي..(والكل يضحك ويزغرط ويصفق)

وسعيد يخلع العباية ويوريه شخصيته والكل بيضحك...
ينصدم المعلم ويقول: ميييين.سعيد؟؟ايه الي بيحصل..

نعمان: ولا حاجة..بس الحكاية كلها فشنج..بومبة يا معالم..
نعيمة: ومافيش لا جواز ولا حاجة كلو لعب عيال..
فتحي: والورقة الي بصمناك عليها ..تقول اننا لينا معاك 5000 جنيه حتديهملنا على دفعتين..وانت بصمت على كده..
نعيمة: لوليشششششششششششششششش جوازة مبارك يا عريس..خشو يا ولاد خشو....لوليليلشششششششششش

رضى يفتح الباب ويقول للمعلم: دى اخلت الي يامن للحليم..جتك وكسة بوظت
سمعة لجالة الحالة..الاقي منين علوسة تلضلى بيك انا دلوقت هه..
وتجرو نعيمة من شعره وتقفال الباب..


يتبع.................










__________________
الرجوع الى أعلى الصفحة اذهب الى الأسفل
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الثلاثاء أكتوبر 20, 2009 10:19 pm

الفصل التاسع (مشروع العمر)

تمر الايام والعيلة حاطة الفلوس قدامها الي اخدتها من المعلم جمعة مش عارفين يعملو فيها ايه..
نلاقيهم قاعدين على طرابيزة مدورة والكل قاعد والخمس تلاف جنيه
قدامهم...وابتديت الاقتراحات كل واحد عاوز يعمل حاجة...وطبعاً اول
المقترحين السيد رضى...

رضى: ايه لأيكم نعمل بالفلوس دي..مصنع كبير شوكلاته وبومبونى...ده مشلوع يكسب دهب وتعينوني انا مديل المبيعات...
فتحي: يا سلام مصنع ليه يا خوية فاكر معانا 50 الف جنيه دول 5000 بس يعني يا دوب..
رضى: لوح يا عم...انتو كنتو لاقيين دي الخمسين جنيه تتحط عندكم في بلواز في البيت لما تكون معاكم....
نعيمة: اسكت يا واد الكبار لما يتكلمو الصغرين يسكتو..قوللي يا نعمان عاوز نعمل ايه بالفلوس...
رضى: هما فين الصغلين دول..اه ...قوم يا فتحي انجل على قودتك..
.
نعمان(يفكر يوقول): انا بقول نفتح محل كبير هدوم وبلا وجع القلب والوقفة
كل النهار في الفرن..هدوم حريمي جميلة نجيبها بسعر قليل ومن الربح نحاول
نشتري اكتر ونذود بضاعة المحل....

نعيمة(بعصبية وتوقف ): اه يا خوية اظهر وبان على حقيقتك...هدوم حريمي عشان
ست رايحة ست جاية قدامك ده الي عاوزو....لكن عشم ابليس في الجنة....
رشيدة: تعرفو اني انا الوحيدة الي لازم يبقالي قرار في حكاية الفلوس دي...
فتحي: ليه بقة ان شاء الله..
رشيدة: لان لولاية ما كنتش جت الفلوس دي..ولا ايه؟؟؟؟؟؟؟؟؟؟؟؟؟؟؟
رضى: ايه يعني انتي قصدك ان الفلوس بتاعتك..طيب ماسي..ادوني نصيبي واخلج
من الموضوع ده...كل واحد ياخد 2750 جنيه ويتصرف بيهم على مزاجو....
فتحي: اسكت اسكت...انا برأيى كده نعمل نادي رياضي ندرب العيال على الكورة...وناخد فلوس اهو مكسب..
رشيدة: لقه صالون كوافير اجمل واحسن....
نعيمة: يا سلام شايفة النسوان متزوقة اوي..دول لما يحبو يروحو فرح كبيرهم يحطو على شعرهم جاز..
رضى: ييييييييياه ما تخلوصانا بقه...السولكم على حل..اصلي مس قادل اسوف الفلوس كده قدام عنيا ...
نعمان: خلاص انا جتلي فكرة كويسة..ايه رأيكم نفتح مطعم فول وطعمية وكشري
والحاجات دي..في اول الحارة..اهو الاكل مش ممكن نخسر فيه والشعب لازم
تاكل..و نسميه مطعم نعمان....

الكل يبتسم زي الي عجبتهم الفكرة...

نعيمة: ماشي موافقة...بس نسميه مطعم نعيمة ونعمان...
نعمان(يقول بشويش): خلي المطعم يجيب رزقو بلاش تسديها باسمك ده..
رضى(زي الي سمع حاجة): انت بتقول ايه يا بابا.....
نعمان: بقول حلو الكالم خلاص..اتفقنا..موافقين...الي مواقف يرفع ايدو..

رضى: انا معتللللللللللض...
نعمان: في ايه مالك يا واد...
رضى: مش اعلف منصبي الاول مس يمكن تضحكو عليا وما تسغلونيس معاكم...
فتحي: وعاوز بقى ايه يا فالح المدير...
رشيدة(تضحك): عينو رئيس المطبخ...
رضى: لقه انا عاوز ابقة مديل الحسابات عسان اي جنيه يدخل المحل اكون عارفو...ولا ايه لأيكم....

ويبتدي الشغل محل كده صغير على اول الحارة والعيلة كلها مشغولة وبتحضر
فيه...ورضى قاعد بيبص للرايح والي جي..وبيوزع في اوراق عليها صورة نعيمة
ونعمان....واعلان عن افتتاح المطعم مكتوب بيها ....

( مطعم نعيمة ونعمان...لما تحب تاكل تعالا عندنا..اجدع طعمية و اجمل كشري
واروع فول يخليك تناطح العجول..قرب قرب..مطعم نعيمة ونعمان والاكل كلو
تمام)
ورضى يوزع الاوراق على اهل الحارة...

ويقولهم: تعالو كل يوم والي مس حييجي يا ويلو مني....تعالو كلو ببلاس ....بس الي مس حيدفع حديه بالجزمة اه...

وفتحي عند بتاع البراويز و بيعمل اورمة كبيرة للمحل وبيتفنن بقه مش عارف يكتب عليها ايه وحير بتاع البراوز معاه..

فتحي: ايه رأيك يا استاذ نكتب(مطعم نعيمة ونعمان يرحب بكم في مطعمه الفخم)
يبص عليه زي الي مش عجبه ويقولو: فخم ايه..ده يا دوب طعمية وفول...انتو فاكرين نفسكم بتقدمو فراخ..
فتحي:مممممممممممممم اه اه عنك حق طيب خلاص نكتب(مطعم نعيمة ونعمان بيقولكم اهلاً وسهلاً في مطعمهم الكبير)
- ايه كبير ايه..ده يا دول متر في متررررررررررر...
- فتحي(يتعصب): في ايه مالك مش مصحصح معايا ليه ما تروق كده لاحسن انت مش
عارف اه انا لسه طالع من السجن من اسبوع اديت علقة لواحد لسه مرمي في
المستشفى...(ويمسكو من هدومو)

الراجل يخاف ومش عارف يعمل ايه ولا ايه...ويقول بخوف...
-حاضر حاضر..الي عاوزو يا استاذ فتحي بس روق....

واخيراً البروز يحضر ومكتوب عليه بالبوند العريض

(مطعم نعيمة ونعمان بيرحب بكم في مطعمهم الفخم الكبيير وبيقولكم ويلكم)

قال يعني ويلكم يعني اهلاً بلانكليزي.....

نلاقي نعيمة في البيت بتحضر الاكل هيه وكام واحدة........ الفول
والطعمية...والاكل كلو متحضر وتدخل نعيمة تلبس قبل ما ينقلوو الاكل على
المطعم...

ورضى قاعد ياكل من كل حاجة شوية...يخش المطبخ ويجيب شبة


ويقول( لازم تكون الاكلات دي مميزة مس ممكن الاكل يكون كده زي المطاعم
البقية اهو سوية سبة تظبط الموضوع سمعت كده في التلفزين وحيدعولي ان ساء
الله)

ويادوب عاوز يحط تيجي رشيدة..من خوفو منها يرمي االشبة من ايدو وتيجي كلها على الاكل...


يجي بقه يوم الافتتاح...والكل قاعد قال ايه واقفين برة وعاوزين يقصو
الشريط ورضى وفتحي مطقمين..واحد لابس فوشية والتاني اصفر...ونعمان لابس
جلبية زي بتوع المعلمين ورشيدة ونعمية لابسين الاحمر على بابمبي وترتر
وحاجات ما يعلم بيها الا ربنا..ونعيمة تزغرط ورضى يسقف....
ويقص الشريط.
.والي يبارك والي مش عارفة فى ايه...وعملو اول يوم الاكل بلاش لكل الموجودين....

وقعد على كراسي وطرابيزات الناس المعزومة ويبتدو ياكلو من هنا..ونسمع
الصراخ من هنا..الي وقع على الارض والي اغمى عليه والي يجري زي المخبول
ويقول ماييييييييييييية...

ونعيمة ونعمان يبصولهم زي الفرحانين وتقولو: شوفت يا سي نعمان من فرحتهم بالاكل حيطيرو اغمى عليهم من حلاوتو....

وبعد شوية تبص نعيمة تلاقي كل الي اكل جري..والي اغمة عليه والي مش عارفة ايه..ويجي الاسعاف....وياخد الي وقعو..


ويوقف رضى في نص الناس المغمى عليهم ويقول: لا حول ولا قوة الا بالله..دي
اخلت الي يفلط في نفسه وياكل ببلاس لوكنتو دفعتو ما كنس حصل كده..جتكم
البلاوي..بوظتو صيت المطعم من اول يوم...............يا وحسين ..حنقلب
المطعم كنتاكي بيونو يمسي اكتل.....يا ماما يا ماما جتلي فكلة يا مامااا

(ويجري ويدوس على الناس الي على الارض ويتكعبل فيهم عاوز يقول لمامتو فكرتو ونعيمة بتصوت ومش عارفة تتصرف ازاي)


يتبع......



القصة مش عاجباكوا ولا ايه يا شباب
الرجوع الى أعلى الصفحة اذهب الى الأسفل
RAUL
الادارة
الادارة
avatar

الرتبة : الادارة
ذكر
الابراج : الجوزاء
عدد الرسائل : 1320
تاريخ الميلاد : 01/06/1991
العمر : 26
العمل/الترفيه : 0143724796
المزاج : الحمدلله تمام
نقاط : 1708
تاريخ التسجيل : 03/03/2009

مُساهمةموضوع: رد: عائلة مجنونة(كوميدية جداً جداً   الثلاثاء أكتوبر 20, 2009 11:22 pm

[ندعوك للتسجيل في المنتدى أو التعريف بنفسك لمعاينة هذه الصورة]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــ
اهلاوى للابد
وانا هاكون اول المشجعين للاهلى[img][ندعوك للتسجيل في المنتدى أو التعريف بنفسك لمعاينة هذا الرابط][/img]
الرجوع الى أعلى الصفحة اذهب الى الأسفل
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الأحد ديسمبر 13, 2009 8:39 pm

الفصل العاشر

(عريس الغفلة)

نلاقي نعيمة قاعدة فوق السطوح بتغسل هدوم وعاملة كده زي نانسي عجرم في اه
ونص بس متحشمة ولابسة البنطلون تحت العباية اكيد......... وحواليها الفراخ
ورضى بيجري وراهم يمسك الفرخة من رقبتها ويكشر فيها ويرميها ويجري ورا
التانية...تبص جنبها تلاقي جارتها ام فاروق قاعدة على السطوح ومعاها اتنين
رجالة زي الي بتتفق معاهم على شغل....ما تاخدش في بالها تكمل غسيل...
تطلع رشيدة ماسكة على خصرها سلة الغسيل وطالعة تتقصع....وفي بقها لبانة
وبصت لقيت رجالة جداد مش شايفاهم قبل كده...

نعيمة: انتي يا بت امشي بسرعة خلينا نخلص في اليوم الحر ده ولا عاجباكي
الشمس بتتشمسي...
رضى: اه يا ماما بتعمل ببلوزاج....

والبنت رشيدة ولا هنا باصة ناحية السطح التاني....

نعيمة تلاحظ على بنتها تقوم قارعة بالصوت: انتي يا بت اطرشيتي ولا ايه...

رشيدة اتفزعت : ايوة يا ماما في ايه يا حبيبتي عاوزة ايه...
نعيمة(زي الي مش مصدقة الي بتسمعو): تعالا يا واد يا رضى نضفلي وداني اصلي
مش سامعة اختك قالت ايه...
رضى: لا يا ماما دي بتكلم الفلخة الي معايا اصلها من يومين قالتلي تعالا
نبدحهم وناكلهم بس انا قلتلها القتل حرام البنيأدمين بس هما الي ندبحهم..

نعيمة: اخرس يا واد انت مين علمك الكلام ده...

رضى: مس محتاج اتعلم انا مدلسة بحالها...ايه ده ايه ده..بصي يا ماما بصي
البنت لشيدة بتبص ناحية الجالة ازاي يا قليلة الادب امسي انجلي انزلي
حضليلي اكل..

نعيمة بصيت ناحية الرجالة لقيت واحد منهم قاعد بيبص على رشيدة
وسارححححححححح

نعيمة: انتي يا بنت خدي الفومين دول وانشريهملي..

رشيدة: انتي تأمري يا ماما..يا حبيبيت قلبي طلباتك اوامر يا ست الكل(وتبتسم
كده)

نعيمة (تشهق): يا لهوي على الكهن..هو النهاردة عيد القومي ولا عيد الام ولا
ايه مش عارفة (وتتلوق في بقها وترجع تبص ناحية الراجل الي باصص لرشيدة
ورضى قاعد بيراقب الي بيحصل واستنى امه تنزل واتخبى ورا عشة الفراخ وفضلت
رشيدة لوحدها بتنشر الغسيل)

الراجل الي على السطع التاني حاول يفتح حديث مع رشيدة....
- صباح الخير على الجميل....
رشيدة ولا رديت زي الي ما سمعتش ومكملة نشر غسيل بس ابتسمت...
- بنصبح على الجميل ...وبنقولو محسوبك جابر عندي محل بقالة قد الدنيا
وكسيب....
- رشيدة(زي الي بتتمنع بس عايزة تتكلم): وانا مالي...شايفني ظابط مرور عاوز
بطاقتك..
- جابر: ما تغلاش عليكي....خديها ...اهي..
- رشيدة: شكراً....عن اذنك...
- جابر: لا لا لا استني انتي زعلتي ولاايه..اعرف اسمك بس...
- رشيدة: رشيدة...
- جابر: وعزة جلال الله...اني انا قلبي انفتحلك يا رشيدة...

رشيدة تتكسف وتروح جري نازلة وسايبة جابر قاعدة بيبص عليها..هي نزلت من هنا
يمسك رضى طوبة ويروح دريب راميها على جابر من غيظو..تجي الطوبة في عين
الراجل...


جابر: اخخخخخخخخخخخخخخخخ...الحقونيييييي.........

رشيدة نزلت زي الي مش مصدقة ان في راجل كلمها واتغزل فيها..تروح رامية
نفسها على السرير وسارحة...نعيمة تلاحظ عليها وتبصلها بلؤم.....
نلاقي رضى نازل وراح ماسك الباب وخابطه جامد برجله وراح ناحية امه ...وحط
يديه على خواصره..ومتزرزر جامددددددددددددددددددددددددددددددد

رضى: انتي ترضي يا ماما شلف العيلة يتلوث....مس عالفة ان شلف البت زي عود
الكبليت ما يولعس غيل مرلتين...

نعيمة : مالو يوسف وهبة في ايه يا سبع البرومبة...
رضى: دي اخلت دلع البنات...انتي نزلتي من هنا ولشيدة قاعدت تتكلم مع راجل
غليب فوق السطوح...تلضي...
نعمية: يا لهوي اتكلمت معاه...
رضى: اه وسوية كان حيغنيلها اغنية تامل حسني (حيببي وانت بعيد) انما انا
قمت بالواجب واخدت بشلف العلية يا ماما...
نعيمة: يا نهار اسود كمان..عملت ايه ...ايه يا واد انطق...
رضى: لميتو بطوبة جات على عينو عولت ايدو...

نعيمة: ايه ده ايه ده..يا نهار مش فايت اعمل فيكم ايه..ديما جايبيلي
الماصيب ..اجري من وشي السعادي وحسك عينك تجيب سيرة لابوك..

رضى: ماسي بس هاتي جنينه...

نعيمة تطلع من جيب الفلوس جينيه وتديهالو...وتمسكو وترفعو من هدومة..

نعيمة: خد بس يا ويلك مني لو نطقت يا واد..فاهم..مش ناقصة مصايب..

رضى: ماسي يا ام فتحي..اهدي انتي بس..والي اتكسل يتصلح ويتجوزو وخلاص ونستل
عالموضوع...
نعيمة: ماشي يا رشيدة جايالك....

يخرج رضى فرحان بالجنيه ونعيمة تخش على رشيدة..

تجري عليها وتمسكها من ايديها..رشيدة تتخض..

نعيمة: ايه الي بسمعة يا بنت كنتي بتكلمي الراجل الي فوق السطوح..
رشيدة: ابداً ياماما هو الي كلمني انا مرديتش عليه..
نعيمة: وقالك ايه انطقي...
رشدية: قلي قلي..قلي انو بقال واني جميلة وان اسمو جابر...
نعيمة: وبس!
رشيدة: اه والله يا ماما وبس انا سيبتو ونزلت...
نعيمة : هاه ..ماشي..اياكي مرة تانية اشوفك على السطح فاهمة مش عايزين
سيرتك تبقى على كل لسان...
رشيدة: حاضر....


في الشارع بقه نلاقي رضى قاعد ومجمع ولاد الحارة...

رضى: عالفين يا ولاد النهالدة قفشت اختي في السطوح بتكلم واحد..

ولد من الولاد يقولو: يا دين النبي وما جبتش سكينة ليه وعملت وشو شوارع...
رضى: لا انا جبت طوبة وحدفتها بيه جت في عينو القليل الادب...لبيتو اه..انا
لاجل ما احبس الكلام المايع..
ولد تاني: جدع يا رضى جدع..خليك حمس البنات دول ما يجوس الا بالضرب..

رضى: عارف ما انا نزلت ضلبتها ضلب ما اكلوس حلامي في مولد ومليت جسمها
ضلب...امال...قال قاعدة بتتكلملي معاه على السطوح وتضحكلو...فين الجولة فين
الشلف فين السهامة ...هو فين الجنيه يا واد يا محمد..

محمد: جنيه ايه ما اخدتس منك حاجة...

رضى: ايييييييييييييييييييييييييييه...يا تطلع الجنيه يا اطلع عينك يا
حلامي..

وعلى دري دري دري....الولاد يضربو بعض .....ونلاقي رضى خارج من العلقة
ومعاه 5 جنيه والولاد نازلين ضرب في بعض..ويحدفهم بالطوب ويجري...

بعد كام يوم ..نعيمة وهي بتطبخ يخبط الباب وتلاقي نعيمة قدامها ست مش
شايفاها قبل كده....

......................

نعيمة تبصلها من غير ولا كلمة الست تقول: صباح الخير..هو لا موأخذة مش هنا
بيت الست نعيمة..
نعيمة: ايوة انا نعيمة مين حضرتك...
الست: انا ام جابر جايالك في موضوع..
نعيمة(مستغربة): اهلاً بيكي اتفضلي...

تقعد ام جابر وتقول: بصراحة انا ابني كان هنا في المنطقة من يومين اصلو
نجار وكان بيصلح عشة الفراخ لجارتكم ام فاروق...وشاف بنتك رشيدة وعجبته
وبعتني اتكلملو عليها...ده بعد اذنكم...

نعيمة بقيت فرحتها مش سايعاها وضحكتها ملية بقها: ايه ايه بتقولي ايه..
ام جابر: بقول اني عاوزة رشيدة لابني جابر..
نعيمة: يا الف اهلاً وسهلاً ده احنا زارنا النبي...يا نهار ابيض...
ام جابر: اهلا بيكي يا حبيتي... انا ابني بالصلاة على النبي نجار قد الدنيا
عندو بيت قوضتين ومنافعهم وكسيب وعايزين بنتك...

رشيدة تكون في القودة سامعة وفرحتها مش سايعاها تجري تلبس اجمل فستان وتخش
تعمل القهوة وتقدمها لام جابر..

نعيمة: دي بنتي رشيدة..
ام جابر: اسم الله حارسك وصاينك ...ده ابني بقه عندو حق يتجنن عليكي..بقالو
يومين بيقولي روحي يا ماما اخطبيهالي وانا اقول متصربعش على ايه اتاريني
عرفت..
تتكسف رشيدة وتخش قودتها...
نعيمة: والله يا ام جابر انا ما عنديش مانع بس سي نعمان هو الي يحل ويربط
في الامور دي...خلي الرجالة يتكلمو..


باليل نلاقي ابو جابر ونعمان وجابر وعينو قد التفاحة حمرى على موف وقاعد
مكسوف مش عارف يداري عينو ازي.. قاعدين ومعاهم فتحي ورضى بيتشاورو عشان
المهر والشبكة وعينكم ما تشوف الا النور علي بيحصل...

يتبع..............











__________________
الرجوع الى أعلى الصفحة اذهب الى الأسفل
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الثلاثاء ديسمبر 15, 2009 10:10 pm

الفصل الحادى عشر

جوازة ولا جنازة؟


القعدة كانت في الأول هادية خالص....ونعمان بيأهل فيهم زي الي فرحان حيجوز
بنتو والعريس جابر ما بيحطش منطق..وابوه هو الي فارد جناحاته وبيتكلم زي
الي جي يدفع مهر مليون جنينه او ان ابنه دكتور..ورضى مش عاجبه الوضع كله
بيتمنى انو يعورلو عينو التانية للعريس...وفتحي مستني الوقت المناسب عشان
يتكلم...

- نعمان: يا اهلاً وسهلاً بأبو جابر ...
- ابو جابر(بتقل): اهلاً اهلاً....
- نعمان: ازي الشغل...
- ابو جابر: بصراحة احنا جايين هنا عشان نطلب ايد المحروسة بنتكم لجابر
ابني..
- نعمان(لف رجل على رجل): نتشرف يا ابو جابر..حتدفعوا كام؟
- ابو جابر: ايه .. حندفع كام .. وانا جي اقلك حشتري غسالة..بقلك جواز..
- نعمان: عارف عارف..انا قصدي على المهر والشبكة..
- ابو جابر(بعصبية): اه انا قلت كده....ابني بأسم الله ما شاء الله عندو
بيت قودتين وعفشة مية ...اما المهر والشبكة انتو قولو....
- نعمان: قودتين بس..يلا ما يهمش....
- ابو جابر ليه مالهم القودتين هو حد لاقي...ده انتو قاعدين في قودتين
وانتو عيلة بحالها...

نعيمة كانت في المطبخ بتحضر الشرباط وبنتها معاها وقعدت تقلها..

نعيمة: اسمعي يا بنت ..تقدمي الشرباط لابوكي الاول بعدين لابو العريس بعدين
للعريس فاهمة عشان ما يقولوش انك مدلوقة على الجوازة ومتصربعة....
رشيدة: حاضر حاضر يا ماما..انما قوليليل فستاني حلو
نعيمة: حلو يا بنتي..ربنا يعدلهالك يا رب..اعملي نفسك مكسوفة خالص...
رشيدة: بس انا مش مكسوفة انا فرحانة...
نعمية: يا بت ما تغلبينيش اذا كنت عايزة الجوازة دي تتم..اسمعي الي بقلك
عليه...


وفي الوقت ده جت رشيدة ومكسوفة خالص وقدمت الشرباط لابوها ولابو العريس وهو
يبصلها ...
ويقول: ما شاء الله والله يا ابني وعرفت تنقي...

ونعمان يعرّم في القعدة ويتمنظر عليهم...

وقدمت لجابر...وبصلها وقلهها: متشكر اوي....

في الوقت ده رضى كان قاعد مش عاجبه الوضع كله لان العريس ده حياخد منه
رشيدة ...كان معاه حاجة صغيرة كده نشن بيها على رجل رشيدة وراح ضربها بيها
قامت رشيدة اختل توازنها ووقعت الشارباط كله على هدوم العريس....

وهي شافت المنظر ده...جريت على قودتها ما عرفتش تعمل حاجة....

وجت نعيمة وهي بتقول: حصل خير ...دلق الشرباط فال خير...

ابو جابر زي الي تقمص ومش عاجبه: اه خير جداً يا ست نعيمة...معلش يابني
عوضك على الله في القميص..ده لسه جايبهم النهاردة..

ست نعيمة تحط ايدها على وشها وتلطم: يا لهوي..ليه بقه..هما 5 دقايق والقميص
يتنضف...

جابر بكسوف: اصلي يا طنط ما اقدرش اقلع القميص...اصلي القميص التحتاني مش
ولا بد..
نعمية: معلش معلش يا جابر احنا عيلة يبني(وضحكت)

وقلع جابر القميص وفضل بالقميص التحتاني الي نصو اساساً مش باينة ملامحة
فوشية على بني على اصفر..ما علينا....

نعمان: نرجع لحكاية الشبكة والمهر..انا عاوزة شبكة متقلش عن الف جنيه
والمهر 50 الف جنيه مؤخر والمقدم البيت اللي بتقول عليه باسمها
والعفش...و10 الاف جنيه نجهز العروسة..
ابو جابر: نعمممممممممممممممممممممم...ليه جايين نخطب بنت الملك فاروق...

نعمان: لقه ما تغلطش يا ابو جابر..دي رشيدة بنتي اتقدملها دكتور ولا عبرناه
...
ابو جابر: لا والنبي ..هو انت فاكر ان بنتك يعني مهندسة ولا وزيرة...روح يا
شيخ..عيلة جمجراوىالة ما تفهمش في الاصول..قوم يا جابر...

رضى(اتحمق واتدخل): ما تصلخش في وش بابا كده يا وحس امسي اطلع بلة جتك
داهية انت والبهلوان الي معاك ناقصو بلنيطة ويبقى عليس..امسو من هنا ما
عندناس علوسة للجواز...

وجت نعيمة ....ورشيدة قاعدة تتفرج ومفروسة من الي بيحصل...
نعيمة: يا بو جابر معلش اهدى شوية احنا حنبقى عيلة..
ابو جابر: سيبوني يا علية جمجراوىالة الحق مش عليه الحق على ابني الي جابني
للجوزة ديى..
فتحي(زي المعلمين): ايه ما حدش مالي عينك ولا ايه..اسكت لاحسن اعملهالك
جنازة..
نعيمة تمسك ابنها من شعره: اسكت يا ولد بوظت الدنيا...معلش يا جماعة طولو
بالكم...
نعمان: مش شايفاه عاملي نفسه ابن الباشا وجي يستطعف علينا ويتجوز
بنتنا..انا اجووزها سيد سيدك..

جابر قاعد زي المسطول ما بيحطش منطق وبيبص على رشيدة وبيغمزلها..ولا كأن
الي بيحصل يعنيه..

ورشيدة تشاورلو على اهلها عشان يهديهم وهو فاكر انها بتشاورلو هو....

رضى بقه وسط العلقة دي كان في المطبخ جايب الزيت والخل وحاجات وعمال بيحطهم
على قميص جابر الي كان جوة....وراح جايب سلاح العاب من الي بيرشو مية.وحط
جواه خل وزيت ..وراح وسط العلقة دي راشش ابو جابر وجابر...وعلى طاخ طيخ
العيلة نزلت ضرب ببعض...

نبص نلاقي ابو جابر وجابر خارجين من بت نعيمة ..وجابر حاطط القميص على
دماغه وابو جابر زي الي خارج من علقة ما كلهاش حد في مولد...وهو بيبرطم على
العيلة والي جابه عندها....


وباظت الجوازة....ورشيدة قعدت تعيط...

تاني يوم بقه جت راحت نعمية عند ام جابر تستسمحها على الى حصل امبارح في
جوزها وابنه.........

ام جابر: بقه كده يا ست نعيمة تبهدلو الراجل...ده احنا جايين شاريين
بنتكم...
نعيمة: والله يا ام جابر الي حصل ما ليش دعوة بيه سوء تفاهم...
ام جابر: بلا سوء تفاهم بلا مش عارف ايه...انتو عيلة مش عاوزين تجوزو
بنتكم..
نعمية: ايه الي بتقولي ده...ده احنا شاريين جابر..وعاوزينو...وانا جيت
اعتذر...
ام جابر: معليش يا ست نعيمة بس ما فيش نصيب..
نعيمة: يعني تحرمي اتنين بيحبو بعض..
ام جابر: بيحبو بعض ده ايه..ده لسه شايفها من يومين..
نعيمة: ومالو بس البنت اتعشمت برضو..ومن الاخر احنا مش عاوزين منكم حاجة
الي تدفعو راضيين بيه...
ام جابر: الحكاية مش في ايدي..ابو جابر حلف ما يحطش ايدو في ايد نعمان
جوزك..
نعيمة: خلاص باليل اجيبو يعتذر عاوزين نبقى عيلة...


باليل جه نعمان واستسمح من ابو جابر...وقعددو قعدة رجالة واتفقو على
التفاصيل وان الي يدفعو كويس..وان الفرح بعد اسبوع..وحيكون في الحارة....

وابتدى الكل يحضر لفرح رشيدة وجابر...الا رضى الي مش عاجبه الوضع كله
وبيتمنى يبلغ عن جابر انو من القاعدة عشان يعتقلو ويرتاح.....وكان الخميس
هو فرح رشيدة ونعمية ملخومة خالص..وبتحكي لنسوان الحارة عن بنتها وفرح
بنتها وجهاز بنتها الي جابته من فرنسا يمكن والي زي جهاز قصر الندى وهما يا
دوب كلهم على بعضهم ما يطلعوش شنطة صغيرة كبيرهم فستان عليه القيمة من
الشرابية عشان تستقبل بيه الضيوف وفستان الفرح استلفو من واحدة بالساعة 3
جنيه...

رضى جامع ولاد الحارة في اجتماع طارىء....
رضى: اسمعو يا عيال الفلح ده مس لازم يتم ..
واحد منهم: ليه يا معلم لضلى....بقه كده....حد يطول يفرح بأخته..
رضى: اه انا دي عيلة هجل...مس من قسمتنا خالص..انا حبوظ الجاوزة دي..مين
معاياة..

الكل يرفع ايده..والي مس معايا يروح....الكل يهرب..الي يروح شمال والي يروح
يمين....
رضى: بقه كده ماسي...حتسوفو لضى حيعمل ايه....

يتبع
الرجوع الى أعلى الصفحة اذهب الى الأسفل
صلاح سامى
المدير العام
المدير العام
avatar

ايه رئيك فى موقع جمجرة : فكرة جديدة اظهرت بلدنا على الانترنت
كيف تعرفت على موقع جمجرة : اخر
انا من عائلة : بركات
انا من سكان : منطقة وسط البلد
الرتبة : المدير العام
ذكر
الابراج : الحمل
عدد الرسائل : 4125
تاريخ الميلاد : 22/03/1991
العمر : 27
الموقع : 01116450078
العمل/الترفيه : انسان مهم
المزاج : الحمد لله
نقاط : 4062
تاريخ التسجيل : 13/02/2009

مُساهمةموضوع: رد: عائلة مجنونة(كوميدية جداً جداً   الأربعاء ديسمبر 16, 2009 10:06 am

ههههههههههههههههههههههههههه

وحشتنى القصه دى

يلا هبتدى اقراها اهو

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://gamgara.ahlamountada.com
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الخميس ديسمبر 17, 2009 3:07 pm

الفصل الثانى عشر



جه يوم الفرح وكان في الحارة والناس ملخومة بتحضر الكراسي وبتزين ونعيمة
ورشيدة عند الكوافير وفتحي محضر فرقة موسيقية الله واعلم جبهم منين قال ايه
بيدربهم ومحضر اغنية للعروسة....

رضى بقه كان جايب زي المفقرعات دول الي بيفرقعو لو حد ولعهم... بس حاطهم
تحت الكراسي وحط كمية هايلة من المفرقعات دي تحت كرسي العريس .....وجمع
اكبر كمية ممكنة من القطط وحطهم في صندوق وكمان حشرات .....

المهم ابتدا الفرح ودخلت على الزفة رشيدة والعريس اخر شياكة بس واضح اثر
البونية في عينو وفتحي قدامهم بيرقص ونعيمة وراهم بتزغرط و نعمان واقف على
جنب بيرحب بالمعازيم.....

وقعدت رشيدة مع جابر في الكوشة ونعيمة تسمي عليها وتخمس في وشها....مع انهم
لابسين احمر على اصفر على ازرق انما ما علينا ما هو فرح ولازم يتشيكو ولا
ايه.....

وقف فتحي قدام الفرقة : سلام مربع على الجدعان ..تراتا تاتا ترارارار
تاراراراارارار تتا...
سلام لمعلمين الحارة اجدع اجدع معلمين....والعروسة والعريس وامي الغالية
وابويا الغالي احلى سلام وتحية لكل اهل الحتة ورقصني يا جدع.....

ويسكتهم ..: بس هسسسسسسسسسس

بالمناسبة السعيدة دي بهدي اغنية لحبيبيتي واختي رشيدة في ليلية جوازها
(قال ويسمح دمعتو زي المتأثر اوي)

وتبتدي الفرقة تعزف اغنيه اه ونص لنانسي عجرم وفتحي يغني...

- ما فيش حاجة تجي كده
- افرحي ياماما كده
- وافرح يا سي نعمانننننننننننننننن
- يا جابر اسمعني
- وكده دلعني
- تاخد عييني كماننننننننننننن
-
يا سيدي قرب بص وبص بص
رشيدة عرسيها نص ونص نص
لكن معلش اه واه ونص
ومافيش حد هنا زعلان

دي حاجة متعبة
دي رشيدة طيبة
فضي علينا البيت يا عيال
جوزيني يا ماما
وانا اجبلك
احسن واحدة في سوق الهال

- ما فيش حاجة تجي كده
- افرحي ياما كده
- وافرح يا سي نعمان
- يا جابر اسمعني
- وكده دلعني
تاخد عييني كمان...

قال ايه نعيمة نزلت الدموع من عينيها واتأثرت اوي اوي....ماهو شعر يبكي
وغناء يبكي....

نلاقي رضى جي ومفروس خالص ولابس بيجاما تقريباً وحاطط برنيطة من بتوع بابا
نويل...


ويقول بصوت عالي لفتحي: امسي انجل من هنا...ايه الأغنية البايخة دي..انا
حهدي العلوسة والعليس اجمل اغنية ...هات المجليفون..

وياخد رضى الميكرفون ..ونعيمة فرحانة بيه...اوي اوي..وتسكت الي جنبها عشان
يسمع ابنها.....

رضى يبص للفرقة الموسقية ويقولهم: قسم وسمعني....يلا اجهزو...حطو مزيكا
المعلم الكبير سعبان عبد الحليم....يلا....قال نانسي بطلم قال.....هنا
الطلب الأصيل...

وتعزف الفرقة موسيقى شعبان عبد الرحيم
المشهورة..وهييييييييييييييييههههههههههههههههه ههههه هه

ويمسك رضى عصايا ويغني:

- جينا الفلح نهني
- نلقص كده ونغني
- لاقينا عليس وحس
- وعروسة قد أمي
وههههههههههههههههههههههههههههههه

- سلام ومليون تحية
- للكبال الي هنا
- بس العليس عليه قضية
- مؤبد عشلين سنة
- وههههههههههههههههههههه

بقه كده يا ام فتحي
تفرطي في رشيدة
وتكسلي فلحي
وتجبيلنا مصيبة

وههههههههههههههههههههه

وتجري نعيمة تطلع المسرح عاوزة تنزل رضى وتاخد منو الميكرفون وهو شابط فيه
وعلى هيييييييييييييييييييييييييييييييههههههههه
ورشيدة تلطم والعريس اتكسف والناس اتلخمت؟؟؟يا حرام علي اللى حصل

رضى يجري وامو لاحقاه عوزة تضربو المهم الفرح مشي عادي.....اما رضى بقه راح
جاب حشرات وحطهم ورا كرسي العريس ...والعريس يهرش ومش عرارف يعد ومكسوف
يقول لرشيدة حاجة....
وراح جاب رضى علبة كبريت ومن كرسي لكرسي بتوع المعازيم ولع المفرقعات وولع
المفرقاعت الي تحت كرسي العريس....

وبوفففففففففففففففففففففففففففففف....طاعععععع ععععع
عععععععععععععععع...بوفففففففففففففففففففففففف ف




الي جري والي كان في اول الفرح بقه في اخرو والي والي والناس تهرب
....وتصرخ من الخضة والعريس يا عيني عليه يا عيني عليه...اعتقد انو زار
القمر ورجع ....اتنسف اكتر من 100 متر لفوق ونزل طخ على الفرقة الموسقية
ودجججججججججججججججججج.....

جيه بقه دور القطط.....بس لعلمكم دي قطط متربية على ايد رضى....اكتر من 50
قطة.....الي تاكل دراع واحد والي تعض في وش المعزيم والي تخرب الزينة...

بعد كل ده اكيد اكيد الفرح قلب جنازة ....ويوقف رضى في النص بعد الكل ما
هرب ورشيدة قاعدة بتلطم ونعيمة قاعدة بتصحي العريس من الغيبوبة...ويوقف رضى
ويقول.....

- الفلح بيانو اتقلب
- وبقى اجمل جنازة
- مش قلتلك ياما بلاس
- دي مصيبة مس جوازة

وهيههههههههههههههههههههههههههههههههههه ......

تروح

امه تمسكه من هدومو والنار بتغلي في وشها من عمايلو نفسها تودي
جونتنامو...وتروح رمياه في العالي يجي عند الجيران يبصلهم

وبيقلهم: انتو ما لوحتوس فلح لشيدة ليه هه....

يتبع..........










__________________
الرجوع الى أعلى الصفحة اذهب الى الأسفل
اميرة المنتدى
اميرة المنتدى
اميرة المنتدى
avatar

عدد الرسائل : 1768
نقاط : 2732
تاريخ التسجيل : 07/03/2009

مُساهمةموضوع: رد: عائلة مجنونة(كوميدية جداً جداً   الثلاثاء ديسمبر 29, 2009 7:39 pm

الفصل الثالث عشر

جوازة رشيدة بعد عمايل رضى تمت على خير...ورشيدة راحت بيت جوزها وكلو
تمام....وارتاحت نعيمة من هم البنات الي كانت شايلاه ورجعت البيت بعد الفرح
وقعدت في سريرها مرتاحة وهي بتشكر ربنا على انها سترت بنتها ....
بعد شوية قامت زي المفزوعة وقالت: رضى.....انا ما شفتوش بعد ما خلص
الفرح....يا نهار اسود الولد راح فين...

وقامت صحيت نعمان: قوم يا راجل قوم شوف ابنك..رضى مش في البيت...
نعمان يتأفف ويحضن المخدة ويقوب: وانا مالي تلاقيه هنا ولا هنا ..(ويقول في
سره...يا رب ريحني من العيلة المهببة دي)

-ايه يا نهار منيل دي الساعة واحدة بعد نص الليل هنا ولا هنا ايه...مش يمكن
حد خطفوا...-
-نعم ده يخطف بلد قال حد يخطفو ده الي خاطفينو ممكن يجبولنا فلوس ويقلولنا
بس خدوه من الي حيعملو فيهم...
-انا ماليش دعوة عاوزة ابني قوم دور عليه(وتقعد تعيط)

يقوم نعمان وهو بيبرطم في الكلام ويصحي فتحي من النوم عشان يدور على رضى ..
-قوم يا والد اخوك ضايع
-يمسك المخدة ويحطها غلى ودانو: ده والله من حسن حظكم,,,خشو نامو..

-تيجي نعيمة تضربو بالشبشب على افاه: قوم يا موكوس...بتدعي على اخوك..قوم
دور عليه..لحسن اطربقها على دماغك النهاردة.قوم...

يضرب فتحي نفسه ميت قلم على وشه ويقول: يا دي المصايب يا دي المصايب..امه
اقولك على حاجة..الواد ده اتبرعي بيه للانتفاضة يخرج الاسرائيلية في يوم
وينهي الاحتلال اهو تفتخري بيه بدل المصايب الي جايبهالنا....

-تقعد نعيمة وتدمع عينها وتقول: هان عليك اخوك يا فتحي..اهيء اهيء اهيء...-

-معلش يا ماما ربنا يعوضك عليكى معلش..

--تمسكو من هدومو وتقلو: قوم لاحسن اعمل وشك خريطة دول واعمل فيهم حرب
عالمية خامسة...قوم فز...جتك داهية انته والي مخلفك...-

-يبصلها نعمان ويقول: ليه الغلط ده بقه يا نعيمة..اهدي وخلي ليلتك تعدي على
خير...

بعد خناقة وزيطة يخرج نعمان وفتحي يدورو عليه في كل الحارة وما
يلاقوهوش...بعد ساعتين يرجعو من غيرو....هي نعيمة تشوفهم راجعين من غيرو
ترقع بالصوت: رضى...انت فين..يا لهوي يا خرابي الواد راح فين...يا نهار
اسود...

يهرش فتحي دماغه ويقلها: دورنا عليه في كل العصابات وعند الشحاتين وعند
المسجلين خطر مالاقيناهوش..
- وتدور عليه في الأماكن دي ليه بقه...شايف اخوك (الخط)-
-لق بس دي الاماكن المفضلة عندو اعملكم ايه....
- ما ليش دعوة انا عايزة ابني...(وترقع بالصوت)
-مش يمكن يكون عند رشيدة..
تبص نعيمة لفتحي وتقلو: هو حياخدو عند رشيدة يعمل ايه..؟

نعمان: ما هو يمكن يا نعيمة مش عارفة عمايل ابنك..ده مجرم خطر...

-يا سلام بقه ابني..مش ابنك برضو....لما اخد السنة الي فاتت التانية
ابتدائي فرحت بيه وعملتلو مولد وافتخرت بيه دلوقت ابني....ماشي..تعالو
معايا انا رايحة عند رشيدة اشوف اذا كان رضى عندهم....

-وهو معقولة يا ماما الساعة 3 الصبح عاوزانا ندق باب رشيدة في ليلة
دخلتها...(وغمزها بعينو) معلش يعني خلي عندنا نظر
-ما تاوجعش دماغي يا واد انا عاوزة ابني لو كان عندي الوزير حصحيه ...جت
على رشيدة...قطعت سيرتها هي السبب الواد زعل عشان اختو بعدت عنو يا
عيني..اه يا حبيبي يا رضى يا حنين يا ابو قلب رهيف...عنو ما حد اتجوز...:
توصل نعيمة لبيت رشيدة تقرب من الباب وتحط ودنها لاحسن تسمع حركة..تسمع صوت
صريخ وتلفزيون وكده..تتشجع وتخبط على الباب...
تفتحلها رشيدة وهي لسه بفستان الفرح....ومتبهدلا على الأخر ......تبصلها
نعيمة وتلطم وشها..

-ايه ده يا بنت انتي لسه بهدوم الفرح وانا الي فاكراكي نايمة..جتك وكسة

تبصلها رشيدة وتقلها وهي مفروسة: انام منين يا حسرة وانا ربنا بلاني بأخ
اسمو رضى..الحقيني يا ماماااااااااااااااااااااا
-ليه هو رضى عندك...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-اه يا ستي عندي وحيجنني والله ..الحقيني يا ماماااااااااااااااااااااااااا

تدخل نعيمة تلاقي رضى قاعد ولافف رجل على رجل وبيتفرج على توم و جيري....
تجري وتحضنه: يا حبيبي يا ابني خضتني عليك يا روح قلبي...
بعدين تمسكو من هدمو وتضربو قلم على وشو وتقلو: انت ايه الي جابك هنا يا
واد....
-جيت ازول اختي بلاس ازولها يعني وبصلاحة لبنا بيتها عجبني اجمل من بيتنا
المعفن انا حعيس هنا...
تجري رشيدة وتمسكو بردو من هدومو وتقولو: ايديني المفتاح يا وله لاحسن
اطربقها على دماغك..
-ليه يا بنت هو عمل ايه...
-ده حابس جوزي في الحمام يا ماما بقالو ساعتين ومخبي المفتاح وجوزي يا عيني
بقالو من ساعة ما جينا محبوس
-تبص لرضى وتقلو: صحيح الكلام ده يا وله....
-اه صحيح...انتي لو تعلفي الي عاملو حتبدحيه يا ماما ...عالفة اهو جالنا
اللزق بدل الخالوف في العيد الكبيل
-ليه هو عمل ايه يا موكوس...
-قال ايه يا ماما...لقيتو داخل السقة..وجي عايز يدخل هو وهي قودة
لوحدهم...وهما ما كانوس واخدين بالهم اني هنا اسلاًً اسلي سبقتهم...هههههه

-هات المفتاح يا واد لاحسن اتبرع بيك للأمم المتحدة يودوك افريقيا تعيش مع
الاسد..
-يوقف رضى ويسقف ويقول: الله الله..الأسد بموت في ملك الغابة..هيه رايح عند
الأسد هيه...ما هو بدل ما تعجمجراوىو نفسيكم وتودني افليقيا..اهو بخسمة جنيه
تودوني جنينة الحيونات اسوفو سخسياً..هاتي 5 جنيه...

-تقرب منو رشيدة وتقولو بحنان: حبيبي انت يا رضى هات المفتاح واديلك 5
جنيه...
-بفكر وبقولها: اديني عسلة واديليك مفتاحين
...-ليه هو انت معاك مفتاحين..
-اه اسلي قفلت المطبخ كمان,,,,
-يا نهار اسود يا نهار اسود..-
خلاص اديك 15 جنيه وهات المفتاحين...:

ياخد رضى ال 15 جنيه ويجري على البلاكونة وهو معلق المفتاحين في حديدة على
البلكونة ما حدش ياخد بالو منها ويديهم لرشيدة: اتفضلي خديهم...

تجري وتفتح الباب لجوزها الي تلاقي يا حبة عيني مسروع على الأخر...

تمسك نعيمة رضى من ايدو: امشي يا واد خلينا نروح البيت ..جتك داهية في
عمايلك ححبسك في قودة الفيران..

-يا سلام فيلان..والله انا عندي نقص في كمية الفيلان الي عندي...محتاج
سوية...
-تضربه على دماغه: امشي امشي....

وهو خارج من الباب يقول لرشيدة: باي باي يا لشيدة الف الف الف مبلوك..بس لو
عايزة مفتاح قودة النوم ..مس اقل من 20 جنينيه وحصليني على البيت...(ويجري
بسرعة)
تبص رشيدة تلاقي قودة االنوم مقفولة: يا لهويييييييييييييييييييييييييييي

يتبع
الرجوع الى أعلى الصفحة اذهب الى الأسفل
 
عائلة مجنونة(كوميدية جداً جداً
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الاول لخدمة اهالى قرية جمجره :: المنتديات العامة :: المنتديات الادبية :: منتدى القصص-
انتقل الى: