فكرة او مشروع

موشروع طعمه لذيذ

ايه رايكم فى مشروع

يعمل على توظيف الشباب لتوصيل العيش الى المنازل

واجور الشباب من نسبه من المال يدفعها السكان لا تتعدى 5 جنيهات شهريا

مقابل توصيل العيش الى بيوتهم يوميا وفى مواعيد محددة


[ندعوك للتسجيل في المنتدى أو التعريف بنفسك لمعاينة هذه الصورة]

فكره حلوه بتاعت توصيل العيش دى فعلا مره حلوه

انا عندى فكرة بس طويلة شوية
معلش استحملونى
المشروع عبارة عن مشروع (القرية المنتجة) والمشروع دراسة الجدوى بتاعته جاهزة
اولاً- كل اللى هايشارك فى المشروع هايكون جمجراوىبان ان شاء الله فى الدنيا والأخرة
- انا عن نفسى كنت عايز اعمله لوحدى بس لو فى حد عايز يشارك انا موافق
أهداف المشروع
1- القضاء على البطالة فى القرية
2- مساعدة الفقراء ومحدودى الدخل
3- الإرتقاء بمتوسط دخل الفرد
4- وبالتأكيد من اهداف المشروع تحقيق مكاسب مادية ايضاً


بصوا الموضوع هايطول قوى انا مش هاقدر اشرحه كله هنا
دراسة الجدوى بتاعته لوحدها 120 صفحة انا هاقول نبذة مختصرة وخلاص



المشروع عبارة عن شركة مساهمة
النشاط
1- الإنتاج الحيوانى
2- الملابس و المفروشات

راس المال المبدئى للمشروع 150 الف جنيه مصرى


فكرة المشروع
بالبلدى كده احنا هانجيب خط انتاج ملابس متكامل بجميع مراحله
ونقسم خط الانتاج الكبير ده الى خطوط انتاجية صغيرة ( على فكرة مساحة كل مرحلة انتاجية لا تتعدى 2م *3م) وعدد مراحل الانتاج فى الخط الواحد 9 مراحل ويمكن تقليصها لـ 6 مراحل فقط لو جبنا خامات نصف مصنعة

اولاً - المفروض اننا هانوزع المراحل الانتاجية الصغيرة على الاسر اللى هاتختار انها تشارك فى المشروع كل اسرة فى بيتها
وكده نبقى وفرنا تكلفة انشاء المبانى
ثانيا - نظام الأجور هايبقى حسب كمية الانتاج ( يعنى كل ما تنتج اكتر كل ماتقبض اكتر ) اعتقد كده يبقى عدل مش هاتلاقى حد بينام وهو شغال
ثالثاً - طبعا الاسرة اللى هتاخد خط انتاج لازم تقدم ضمانات انها هاتحافظ على الخط الانتاجى اللى عندها وطبعا تكلفة الصيانه علينا
رابعاً - احنا لازم نعمل دورات تدريبية فى البداية لكل المشتغلين بالمشروع ( من كل اسرة فرد واحد )فقط
خامساً - احنا مش مسئولين مين فى الاسرة اللى هايشتغل على الاخط الانتاجى ( يعنى كده ممكن الأم فى فترة الصبح بعد شغل البيت تنتج كمية , ولما الاب يرجع من شغله ينتج كمية كمان , وممكن مشاركة الابناء كمان) يعنى بالبلدى الاسرة كلها تقدر تشارك فى زيادة دخلها والأبناء يتعلموا تحمل المسئولية والبافى على الأب والأم بقى
سادسا - طبعا هانحتاج شباب من البلد علشان نسوق المنتج بتاعنا ( ودول علشان نديهم حافز هايبقى ليهم مرتب ثابت بالإضافه لنسبة من المبيعات )ا
سابعاً - فى اكيد مستوى لجودة المنتج ( يعنى اى قطعة مش مطابقة للمواصفات سواء للسوق المحلى او للتصدير الاسرة اللى انتجتها هايتخصم منها تمك التكلفة بس )ا



انا بصراحة مش قادر اكمل كفاية كدة ....... واعتقد ان الفكرة وصلتكوا
واسف على التطويل

قبل أي مشروع في كام واحد كده لازم يا إما يخرج من البلد يا الناس الكبيره تشوف معاهم حل لأن الناس دي اصلا مش بتحب الخير لنفسها فإزاي هتحب الخير للناس التانيه الناس الي انا اقصدها معظمنا عارفهم ناس بتصحى على شكوى وتنام على شكوى ناس متفرغه للشكاوي والمشكله انو كلها كيديه يعني حاجه تنرفز يا ريت لو في حد يقدر يشوف حل للناس دي لأن الناس دي واقفه بالمرصاد لأي مشروع وإسألو كل واحد عندو مشرع وهو يقولوكو عن كم الشكاوي الي بتتقدم شكرا :drunken: