40 سر من أسرار الشباب هدية للبنات ممنوع دخول الشباب

دي أسرار الشباب

يلا يابنات أسيبكم بقا مع الاسرار

1- الشاب بيبص على البنت الحلوة (لان

الله جميل يحب الجمال) بس مش شرط يحب وحدة قمر 14 المهم تكون حسنة الطلعة

زي ما بيقولو روحها حلوة و جذابة .

2- ممكن الشاب يعجب بيكي للحظة و ينساكي بعديها ولا كأنه شافك قبل كده .

3- لما الشاب يقولك انا مش قادر افهمك هوا يقصد ببساطة ان أنتي مبتفكريش بطريقته .

4- "بتعملي إيه ؟" أو "كلتي ولا لسه ؟" دي أول أسئلة يسألها الشاب لما يكلمك على التليفون او على
الميل بدل ما يقعد ساكت أو يقعد يتأتأ

5- صحيح ممكن الشاب تكون عينه زايغة على البنات اللي رايحة و اللي جاية بس

صدقيني قبل ما يجي ينام بيفكر في البنت اللي بيحبها و يحب يبقى آخر صوت

سمعته ودانه قبل ما ينام صوتها .

6- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويحسسك انك
احقر البنات) .

7- ابتسامة فرح جميلة منك بالدنيا واللي فيها عند الشاب .

8- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

9- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني .

10- الشاب بيبقى نفسه يقول ويقول عن نفسه ...... بس مبيعرفش يقول غير عن

مغامراته اللي تتصدق بالعافية أو عن شجاعته في خناقة في فلم أكشن

11- على فكرة الشاب بيعيط (مهما بان جامد و قوي مهو بني آدم برده) .

12- لما تبقي في بداية علاقة متستعجليش على انك تضايقي الشاب عشان تتخانقوا .....صدقيني هتتخانقوا هتتخانقوا .

13- الشاب ميعرفش يحلم و يتأمل كتيير زيك و معندوش صبر عايز كل اللي يتمناه يتحقق في ثانية .

14- لما توصلي لقلب شاب أنتي كده دخلتي سكة مفيهاش رجعة (دخولقلب الشاب مش زي خروجه) .

15- الشاب لما يكون بيتسلى بواحده لسانه ده بينقط كلام زي العسل يدوخ بيه

اجدع بنت بس تعالي حطيه قدام واحدة بيحبها هيتأتأ ومش هيعرف يقول ولا كلمه .

16-لما تقولى لشاب " لأه "هو بيسمعها حاول تانى مره(معلش أطرش هههههههه) .

17-الشاب بيموت في مامته (يعني كلوا الا هيا) .

18-متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .

19- مستحيل تفهمي الشاب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .

20- الشاب لو قالك بحبك مرة واحدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك

بأنوثتك) .

21-زي ما حصل مع امنا حوا و ابونا آدم * أنتي نقطة ضعف الشاب (استغلي المعلومة دي كويس هههههههههه ).

22-صح انك تجربي الشاب الأول قبل ما تصدقي كلامه * بس متسيبيهوش مستني كتير برة دائرة ثقتك .

23-الشاب غالبا بيبقى صريح قوي لما يجي يتكلم عن نفسه .

24- مفيش شاب ميعرفش يعاجمجراوى و يقول كلام حلو كلهم معاهم دكتوراه منذ

الولادة بس بتختلف من واحد بجح لواحد بيتجمجراوىف من خياله

25- الشاب الشيك النضيف يموت لو هدمه اتوسخت حتى لو كانت الحتة اللي

اتوسخت اد السمسماية ولو حلفتيلو 100 يمين انها مش باينة مش هيصدق (خوديها

من قاصرها وقوليله يروح يغير) .

26- الشاب بيحب البنت المحترمة حتى لو مكانتش أمورة للدرجة .

27-انتيمتك (صديقتك العزيزة يعني) اللي الشاب بيلجألها لو حب يعملك مفاجأة

مثلا أو في مشكلة بينكوا وعايز حد يتوسطله مش بعيد ابدا يحبوا بعض هما

الاتنيين و تخسري الاتنين حبيبك و انتيمتك (وكدة 1000 مبروك خرجتي أنتي من

مولد بلا حمص ايد ورا و ايد قدام ) .

28- الشاب لو شكالك همه و حكالك عن مشاكله * هوا مش عايز منك غير انك

تسمعيه * واوعي تعملي فيها ام العرييف و تنصحيه في نفس ذات اللحظة (في

حموتها ) انما بعديها ممكن .

29- الشاب بيحب البنت اللي عندها حاجة اسمها عقل مش البنت اللي بتلبس (مينى .... ههههه بلاش اقول انتو عارفين )

30- عملياً الشاب بيتفاخر عن كل حاجة تخصه ( ده أساسي يعني ههههههههه ) .

31- الشاب غالباً عمره ميتآمن على سر خدي بالك بقه مبيتبلش فيه فولة وده غصب عنه دى طبيعة عادي يعني .

32- الشاب دماغه مبتهداش على طول بتودي و تجيب مبيبطلش تفكير ابدا .

33-الشاب طولك عندو مش مهم بس صدقيني مفيش عنده أهم من وزنك حااااسبي .

34- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .

35- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على

قلبه ) .

36- الشاب عموماً عندوا انفعال و شغف انه يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .

37- لما الشاب يقولك سبييني في حالي إعرفي إنو بيقولك "بلييز تعالي و

إسمعيني" يعني زنى عليه عشان يحس انك مهتمة بيه و ان اللي يدايقه يدايقك

(بس مش الزن اللي يخنق) .

38- الشاب في الحقيقة غالباً ملوش قرار نهائي ( وخدي بالك من النقطة دي) .

39-لما الشاب يحبك * بيطلع كل الحلو اللي فيه (إجمجراوىكلوسف ليكي أنتي و بس) شفتي بقا حبك بيعمل فيه حاجات حلوة إزاي .

40- لما الشاب يسيب التهريج و يبقى عايز يتكلم بجد * إسمعيه و وريه اد إيه أنتي مهتمة .

[ندعوك للتسجيل في المنتدى أو التعريف بنفسك لمعاينة هذه الصورة]
ماذاأسميكي ياسهرالليالي
هل أسميكي نوراً لتنوري لي حياتي
أم أسميكي ذكرى لتظلي أبديه في خيالي أياًكان أسمكي لاأبالي فإني سميتكي أغلى الأسامي سميتكي حبيبتي

طيب انا دخلت ورينى بقى هتعملو ايه