اللى زيى واللى زيك

اللى زيي واللى زيك
عندهم العشق غية
يا صبية فكرينى .. /
إمتى كان الحب عيبة
ولا إمتى كان خطية ؟
ولا يعنى هو حبك
اللى متحرم عليا ؟
أيوا انا على قد حالى
بس عشقى مش شوية
عشقى أكبر من ليالى
شوفنا فيها سنين قسية
أنا مش محتاج أقولك
إنى عاشقك
مهما حاولوا يمنعونا
مش هفارقك
مش هسيبهم يسرقوا
من عينى حلمك
فجر ياما إستنتيه
من جوه رسمك
بين عيونه يبقى شايل
ضحكة صافية
لطلفة حافية .. مريالتها إتقطعت
خطاويها إتفرقت وإتبعترت
دمعتها أه على خدها
بس ضحكتها البريئة هي هي
مهما جه الزمن عليها
لسه وردية وندية
وإنتى حلوة يا صبية
سمرة آه .. لكن بهية
الصورة لما شوفتها لقيتها بهتت
كل الوشوش إتبرئت منها وهربت
قالوا معدش فى قلبها لينا مكان
كل اللى كان بيحبها ... دلوقتى هان
متعلّى صوتك وإندهى
يمكن يحنوا ويرجعوا
والصورة أشوفها زهزهت
بوشوش زمان إتوجعوا
وهيرجعوا .../
يشوفوكى حلوة
م انتى حلوة
وهما لسه بيعشقوكى
حتى لو عشقك خطية
حتى لو عشقك خطية

» انا افضل الاعضاء واللى مش عاجبه يدخل ويناقشنى
» شيكابلا امهر لاعب فى مصر واللى يقول غير كده يبقى ملهوش فى الكورة
» هو مين اللى!!!!!
» اللى يفرح المصري
» اهو دة اللى مش ممكن ابداااااا