تنبية على شباب جمجرة

تنبية على كل شباب جمجرة الراغبى فى حجز ملعب المركز التاكد من حصولهم على وصل ايجار الملعب وهذا للمنفعة العامة وللتاكد من سلامة سريان تعليمات مجلس ادارة المركز بشكل طبيعى فى ظل مخاوف من اهدار حق مركز الشباب من تحصيل مستحقاتة ساعدونا لخدمتكم تاكد من وصلك قبل حجزك للملعب حتى يتثنى لنا متابعة كل مقصر وتقييم ايرادات الملعب ومن الايرادات نستطيع تغطية المصروفات وكل من لة شكوى التقدم بعرضها علينا فى اى وقت

صح الكلام يا هيثم بس يا ريت بقى تقللو ثمن الساعة

:lol: :lol: :lol: :lol: :lol:

دا صعب جدااا عشان احنا من ايراد الملعب بنقدر نغطى مصروفاتنا من الايرادات دى بنقدر نجيب كور بنقدر نصرف على فرقة الكورة والصاروخية نقدر نغطى المسابقات لان دة هو دخل النادى الوحيد دانت المفروض تقول نرفع الايجار جنية ونص كماااان عشانكم وعشانا

:x :x :x :x :x :x

خلاص لو مش هتقللوا ثمن الساعه يبقى تزودا الساعه خلوها ساعه ونص او اعملولهم سندوتشات حلاوة بالقشطه
والسلام عليكم ورحمه الله وبركاته

تقبل مرورى

لية طيب ما كل المناطق اللى جنبنا الساعة بخمس جنية بالليل احنا بس اللى بستة وانت بتتكلم على الكور متبص على مركز شباب كفرالاربعين معندهمش ملعب وعندهم كورة وجايبين احسن اطقم لفرقتهم ياعم صلى على النبى فى قلبك احنا عملين نسمع النادى خدوا قرار للشىء الفلانى ومش عارف اية احنا بنسمع وبس

شكرا يا هيثم

روئة برنس الروقان كتب:: لية طيب ما كل المناطق اللى جنبنا الساعة بخمس جنية بالليل احنا بس اللى بستة وانت بتتكلم على الكور متبص على مركز شباب كفرالاربعين معندهمش ملعب وعندهم كورة وجايبين احسن اطقم لفرقتهم ياعم صلى على النبى فى قلبك احنا عملين نسمع النادى خدوا قرار للشىء الفلانى ومش عارف اية احنا بنسمع وبس

لية ياباشا شوف حواليك كفر على بعشرة جنية وعظم اللى حوالينا شكلك ملعبتش برة
وعلى فكرة كفرالاربعين عدد لعيبتهم قليل جدااا اما حنا كل جمجرة لعيبة وعايزة تلعب فى الفريق الاول اللى لية واللى مالوش طبعااا لازم نرضى الجميع وعلى فكرة انت اكتر واحد بيتكلم واما اطلب منك تقدم شكوى بالعايزة الاقيك رجعت ورة يعنى كلام وبس احمد ربنا غيرك مش لاقى ملعب طب تفيد باية الكور من غير ملعب وعايز اعرف هو انت معندكش كور فى النادى طيب هو ماجاش للعيبة تشرتات واطقم طب اسال عمك لو مش عارف هههههههههههههههه

من حق كل واحد ان يعبرعن رئيه وانا مع الدكتور محمود العيلة مادم غليتو الساعة خلو الساعة ساعة وربع

هههههههههههههههههههه

انا من رأيي يا هيثم إنو الناس كل الخلاف ده على بريزه في الساعه لكل فرد يا جماعه نادي المعاقين في بنها بتلعب على اسفلت الساعه ب 25 جنيه انا مع زياده الساعه الليلية الي 10 جنيهات جنيه مش كتير في ساعة الكوره ولا ايه انتو بس بطلو تعملو كلام فاضي ولعب على صندوق بيبسي وكلام فاضي من هذا القبيل وياريت ساعة النهار تبقى ب 7.30 جنيه بس يا ريت يا هيثم في حالة زيادة سعر الساعه وحتى في عدم زيادة ثمنها يا ريت من المجلس الموقر إصدار كشف ولو على الاقل نصف سنوي يعلق على جريدة الحائط بالمركز يوضح الإيرادات والمصروفات وذلك لزيادة الشفافيه وبالمناسبة ضخ الدماء الجديده من الشباب كل فتره في مجلس الاداره شيء جيد جدا وصحى جدا وبالتوفيق

» صور مركز شباب قرية جمجرة
» الحق خش وشوف شباب جمجرة عاملين اية !!!!!!!
» يعلن مركز شباب جمجرة عن المسابقة ............؟
» الاهلى يكتسح الزمالك بثلاثيه فى مركز شباب جمجرة
» شباب المستقبل ومواهب الجمجراوية المدفونة اوعي شباب الثانوية ظهرووووو