لكل الصيادلة

لكالى كل الصيادلة الغلابة ... ارى في حالكم عجبا عجاباتمرمطنا وولى العز عنا ... سذاجتنا السبب او قل خيابة
تدحدر حالنا يا ابني كثيرا ... واصبح وضع مهنتنا هبابا
و يكفي لبهدلتنا ان لدينا ... نقابة بفقرنا مغرم صبابة
فغض الطرف انك صيدلي ... فلا طبّا بلغت و لا ادابا
ولا تتفشخرن ولو ليوم ... فاني اراك اغلب م الغلابة
تظل لخمس اعوام حمارا ... و تفني فيها مالك و الشبابا
عليك من المنهاج حجم فيل ... وراسك ديه في حجم الذبابة
وياتيك امتحان لست تدري ... اهل هذا سؤال ام اجابة
فتجذب شعر راسك يا صغيري ... و تفقد وقتها يا ابني الصوابا
فلا تقلق اذا اتجننت يوما ... فلا لوم عليك ولا عتابا
و تسحب للمعامل كل يوم ... لحب , انت لا تخشى الغيابا
و كم من معمل احرقت فيه ... يديك و شعر راسك و الثيابا
و تدفع دم قلبك في كتاب ... حرام ان نسميه الكتابا
تودعك الدراسة في نفور ... فتلقاك المصحة في رحابة
يا عيني كم رايتك مكفهرا ... عبوس الوجه مليان اكتئابا
فلا علما في راسك تدخره ... ولا مالا فمن حولك ديابة
ارى السباك افضل منك حالا ... و ما يشتهي يصبح مجابا
ولا يحميك ان تحمل شهادة ... فلن تفتح لك الشهادات بابا
فبياع ببالطو د انت طبعا ... دا حتى البالطو قد فقد المهابة
يقف ف الاجزخانة كل شخص ... يجيد بس القراءة و الكتابة
و دع شهرين بعدها هتلاقيه ... طبيبا مالي مركزه مهابا
فذو الدبلوم يؤخذ اما انت ... فتخرج م الملاعب للاصابة
ولو تحلم بان تاكل كبابا ... فسوف تسف من جوعك ترابا
ولو تحلم بان تاخذ قروضا ... هتتجرجر يا سيدي الى النيابة
فدنيانا اسنت لك سيوفا ... و اعملت الاسنة و الحرابا
فبادر و اشتر "توك توك" بسرعة ... تاهل و اغتني و افتح حسابا
او اذهب فاشتغل كوافير حريمي ... او اعمل يابني رئيس عصابة
دا افضل م الجلوس جوار امك .... بتعزف لحن خيبتك ع الربابة
فبعد تخرجك من اين تاتي ... مصاريفك ؟ فلن يعطيك بابا
و اني ناصح فعساه قولي ... يعيد لعقلك الفاضي الصوابا
فاخوف ما اخاف عليك صار ... خرابا و اضطرابا و اغترابا

تظل لخمس اعوام حمارا ... و تفني فيها مالك و الشبابا
على فكرة اللى كاتب الموضوع واللى ناقله مبيفهموش حاجة ومش يصح اساسا انهم يتكلمو عن اسيادهم كدة
واطلب من صاحب المنتدى المحترم انه يحذف الموضوع الجمجراوىالة ده

على فكرة انت مش من حقك انك تطلب كدة اولا لان الموضوع هزار عبارة عن ضحك مش اكتر وابقى اختار الفاظ كويسة وانت باى حق تكلم كدة ع اساس انك صيدلى متناسش انك يدوبك فى كلية تجارة وطبعا شكر خاص لكل الصيدلة ومنهم الدكتور محمود على

انا لله وانا اليه راجعون
الى كاتب هذا الهزار الشعرى اولا لا اسمح لك ان تغلط فى اى صيدلى وانت اكيد مش صيدلى لان الصيادله وان ساء حالهم نوعا ما وحتى لو كل اللى هب ودب بقى يفتى فى الدوا زى ما انت كاتب ودى حاجه واقعيه مقدرش انكرها بس الصيادله من اكتر الناس المحترمه فى اى مكان فى العالم والصيدله هى المهنه مش عاوز اقول الوحيده بس دى واحده من اهم المهن اللى محدش يقدر يستغنى عنها فى اى مكان فى العالم ومحدش يقدر ينكر فضلها
وعموما انا متقبل زجلك دا بصدر رحب بس محبش ان دا يكون ناتج عن افكار راسخه عند الكاتب او القارىء
تنام الاسد فى الغابات جوعا
ولحم الضان يرمى للكلاب
وذوجهل ينام على حرير
وذو علم ينام على التراب
تقبل مرورى

اما الاخ صاصا فميصحش ترد على اى حد بالطريقه دى متبقاش متسرع فانفعالاتك كدا لان اكيد اللى كاتب الموضوع بيمزح بس بردو ليه مننا الاحترام والتقدير على هذه المزحه وانا غير موافق على حذف الموضوع لازم تقبل الراي والراي الاخر بس زى ما قولت الكلام ميبقاش نابع عن فكره راسخه عند الكاتب او القارىء وياعم كلنا اخوات وكلنا حالنا متدهور
هههههههههههههههههههههههههههههههههههه
بس مش متدهور علشان اخوات
هههههههههههههههههههههههههههههههههههههه
تقبل مرورى

ياجدعان الردود متبقاش كده نهدى شويه الموضوع كله هزار وبعدين اللى كاتبه مش صيدلى واللى بيردوا مش صيادله والحماس واخدهم اوى
سورى يادكتور محمود لو كنت صيدلى هههههههههههههه بقولك اخبار المفتاح ايه

بص انت لو ملقيتش المفتاح فى المكان اللى انت عارفه فانت عارف هاتدخل ازاى
الله يرحم العنبه
ههههههههههههههههههههههههههه

هههههههههههه بس ياكبير انا مش بتكلم عن المفتاح ده بتكلم على اللى كنت وخده من ناس فتحت بيه
وخليته معاك هههههههههههه فاكره يادكتور

ياسيدى ماختلفناش ما انت طمعت فيه وقعد عندك يجى 5 سنين
هههههههههههههههههههههههه
وربنا يستر على اللى بعدك

لا ياعم بس صاحب الموضوع كان بيزور صاصا فشاف الرد وحب يرد على صاصا فدخل على جهاز صاصا من غير مايغير الدخول باسمه هو فطبعا الرد طلع بردو باسم صاصا

والله يا هاستاذ هيثم عندك حق
بس هو صاصا ده مضايق ليه
هو دكتور واحنا مش عارفين
وبعدين الجزارين زي الفل
ولا ايه يا معلم فرج هيهيهيهيهيهيهيهيهيهيهي

انا بعتذر للجميع على سوء التفاهم اللى حصل انا عاشقة الحب اللى كاتبة الموضوع وانا بردة اللى رديت على صاصا بس زى ماقال الدكتور نسيت اغير الدخول وعموما محدش يزعل لانى مكتشفتش دة الا لما وصلت الردود

والله يا هاستاذ هيثم عندك حق
بس هو صاصا ده مضايق ليه
هو دكتور واحنا مش عارفين
وبعدين الجزارين زي الفل
ولا ايه يا معلم فرج هيهيهيهيهيهيهيهيهيهيهي
اكتب يا استاذ صح الاول وبعدين ابقى ادخل على النت
وبعدين انا عاوز افهم حاجة كل اللى على المنتدى بيعلق على ردودى انا بس ليه
وبعدين انا دكتور غصب عن الطخين وقولتها قبل كدة ومش هقولها تانى

عاشقة الحب كتب:

وبعدين انا دكتور غصب عن الطخين وقولتها قبل كدة ومش هقولها تانى

معلش ياجدعان ان نسيت ادخل ورديت من ايميل عاشقة الحب
يعنى الكلام اللى متكوب فوق ده انا اللى كاتبه
وتقبلو مرورى

عاشقة الحب كتب:

معلش ياجدعان ان نسيت ادخل ورديت من ايميل عاشقة الحب
يعنى الكلام اللى متكوب فوق ده انا اللى كاتبه
وتقبلو مرورى

فى ايه ياجدعان وانت ياعم اللمبى اهدى شويه واسلوبك يبقى افضل من كده

الى اللمبى
لالالالالالالالالالالالالالالالالالالالالا

الكلام ده مش هينفع خالص

عفوا ثم عفوا ثم عفوا

انا يهمنى جدا جدا مصداقية المنتدى ولو كانت ستاتى على اعز الناس اليا

لن تسمح ادارة المنتدى من اليوم

بقيادة الجبرتى وهيثم نصر وميسى جمجرة

باى نوع من انواع هذه الكوميديا المستفزة

اعتقد انا الموضوع بدا ياخذ اطارا اكثر من حده

وسيتم وقف عضوية اى عضو يستهزا بمصداقية المنتدى

حتى والله لو كان ميسى جمجرة