وهم اسمه المعارضة

وهم اسمه " المعارضة
" !!!!
استهل هذا الموضوع بمثل شعبى يقول " نحن ندق الماء فى الهون " فهل يعقل هذا ؟ هذا بالفعل ما ينطبق على الكلمة البراقة الخداعة " المعارضة " كيف ان تولد وتترعرع هذه الكلمة فى ظل حكم استبدادى ومجتمع محروم من الحرية لا يعى معنى الكلمة وثقافته هى القمع والكبت لحرية الفكر .
"فالمعارضة " كلمة خادعة بكل المقاييس لا سيما فى عصرنا هذا وليس لها وجود وكل من يحمل هذا الشعار الان "المعارضة" انما من باب التربح والترزق او بمعنى عامى ودارج "بيبزنس او بيعمل سبوبة " للاسف هذا هو واقع المعارضة الان فنحن نعيش فى مناخ فاسد وهذا الفساد هل هو يقتصر على النظام فحسب ام هو فساد المواطن نفسه ؟ هل اعتدنا الخنوع والسلبية ؟ تساؤلات عديدة تدور فى فلك هذا الواقع المؤلم اتمنى ان يوجد لها اجابة .
بعد اطلاع بعض العلماء على الشخصية المصرية وجد ان هناك ثلاث انواع من حيث القابلية للفساد :
1- شخصية قابلة للفساد .
2- شخصية تتعايش مع الفساد.
3- شخصية متسامحة مع الفساد .
نستدل من هذا التحليل ان الفساد لا يقتصر على النظام والاشخاص البارزة سياسيا واقتصاديا فحسب بل تمتد يده الى ممتهنى المعارضة حاليا ليرتزقوا منها فهؤلاء اشخاص قابلة للفساد اما نحن كمواطنين فأننا متعايشين ومتسامحين لهذا المناخ الفاسد ولا نملك سوى الخنوع والسلبية لتلك المرض اللعين .
والسؤال الذى يطرح نفسه الان هل سيأتى يوم نعى معنى الراى والراى الاخر وهل سيكون هناك مناخ ديمقراطى يستوعب كلمة المعارضة ويصبح لها محل من الاعراب فى ظل نظام ديمقراطى بمعنى الكلمة ؟ عليناان نواجه انفسنا ونسلم بان اليوم لا مجال لوجود معارضة حقيقية فكل ماهو موجود على الساحة الان انما هو ما يطلق عليه بــ "طق حنك " .

عن احدى المدونات المصرية

مساء الورد يا جماعة
منورين المحكمة
انتوا خايفين ولا ايه

t_gad كتب:: مساء الورد يا جماعة
منورين المحكمة
انتوا خايفين ولا ايه

ازاي بس يا بطل بس مكناش شايفين الموضوع

فعلا مفيش معارضة اليومين دول
حيث ان كبار رؤس المعارضة في مصر هم اصدقاء الريس
اين المعارضة اذا

تعرف انا ساعات بحس انها مترتبة بالبلدي مطبوخة وبياكلوها للشعب بالف هنا
حتى كلام المعارضة في المسرحيات والافلام بتاعة مثلا عادل امام بحس انها بتصريح من المعلم ابو علاء عشان يظهر ان البلد فيها ديمقراطية
والدليل على كدة ان مفيش حاجة بتتغير

كله بيشجب ويستنكر والنتيجة هي هي راكب على نفسنا
شكلك هتحبسنا يا تامر يهنعيش العمر كله متغربين
هههههههههههههههههههههههههههه

ما احنا اتفقنا
وانت اللى قولتلى اقول وما اخفش علشان مش هاروح لوحدى
ولا انت رجعت فى كلامك يا بلبل

الغريبة بجد ان الناس فى المنتدى مش بتحب المواضيع دى
مش عارف ليه
دايماً عايزين نكته يقولوا عليها حلوه
او فزورة يقولوا للى يحلها برافو
او ايه قرانية يقولوا للى كتبها بارك الله فيك

لكن لما نيجى نتكلم عن احوال بلدنا ماتلاقيش حد بيرد
او الرد المعهووووود
( مشكووووووووووووور)
مفيش ايجابية فى الردود ومفيش حد بيخلى زيارته للموضوع هى فى نفس الوقت إضافه للموضوع

أسف
شوية أفكار كده
كاننت مزنوقة فى دماغى

ههههههههههههههههه
انا بختلف
فية معارضة ولكن مش منظمة ولا تحت تنظيم
بمعنى ان كل واحد من جواة بيعارض الاوضاع اللى مش عجبااااة ونفسة يغيرها
يعنى انا مثلا بعترض على النظااااااااام يبقى انا معارض
الكل معارض بداخلة ويتمنى التغيير للاحسن مدام الاسوء مستمر ومفيش جديد انت ممكن تقول مفيش احزاب
لان معظمهم على حسبى وداد غنى يابويااااااااا

بس نفسى اعمل حزب واسمية حجمجراوى المطحونيين
وتكون انت امين الحجمجراوى ياتاتوووو
ههههههههههه
طبعاااا انا رئيسة