للتعارف والتقارب بين الأعضاء القدامى والجدد

السلام عليكم ورحمة الله وبركاته

[ندعوك للتسجيل في المنتدى أو التعريف بنفسك لمعاينة هذا الرابط]

ان اعضاء هذا المنتدى أسره واحده بالفعل ليس كلام وكلهم يعرفون بعض عن قرابه

وفى ظل انتشار صيت هذا المنتدى والتسجيل فيه من الجمجراوى وغير الجمجراوي

فيشعر بالتوهان بهذه العائله الكريمه الكبيره

ربنا يزيد ويبارك

وضعت هذه الصفحه لمن يريد ان يعرف بنفسه من المسجلين الجدد

ومن يريد ان يتعرف على باقى الاعضاء

حيث قام معظم الاعضاء القدامى بالتعريف عن نفسهم على مطويات هذه الصفحه

وذلك للتقارب والود بين كل الاعضاء

و لنطمئن على احوال بعض

هي فكرة حلوة بس لا اظن نجاحها لانه ليس من المعقول ان كل اعضاء المنتدى القدامى هيزوروا الموضوع ويعرفوا نفسهم

بس في اقتراح احسن العضو الجديد لما بتلغبط اوى يسال المدير عن الاعضاء اللي عاوز يعرفهم

وواحدة واحدة كله هيعرف بعضه

وعموما مرحبا بكي في منتدى جمجرة

يا باشا انت على راسى من فوق

فكرة جميلة موووووووووت

وياريت الكل يشارك

للتوضيح أكثر ان من يحب ان يتعرف او يعرف نفسه يدخل هنا

او اذا تحب تتطمن وتسأل على عضو اخر فى المنتدى ادخل هنا

ها ايه رأيكم

شكرا لك يا ميسى بجد والله الف شكر

شوف يا أخ مغامر

لو عرفت واحد صاحبك على المنتدى

اول مايدخل هاتحب ترحب بيه وتعرفه على الباقى

والا يدخل كده علطول أفش

ولو واحد تعبان الباقى يقولوله الف سلامه

يعنى الاعضاء القدامى يدخلو يطمنو ويرحبو بالجدد
والجدد يدخلو يعرفو نفسهم

السلام عليكم ورحمة الله وبركاته شباب جمجرة الكرام
انا منكم وحاسس بمشاكلكم
انتخبوني ربنا يخليكم
وشكرا

هى فكرة حلوة بس اكيد مش هتعجب الاعضاء كلهم
لان فى اعضاء مش عايزين حد يعرفهم

مرحبا بكل الاعضاء الجدد

اخوكم علي حسن عثمان

فكرة ممتازة
وانا أؤيدها بشده
وممكن نضيف ليها شكل تانى
يعنى اى عضو عايز الناس تعرفه يدخل هنا ويعمل CV عن نفسه وكده الاعضاء كلهم هايتعرفوا على بعض
علشان برده يا جماعة لازم نعرف الفوارق السنية اللى بينا لأن اكيد عليها عامل كبير فى اسلوب الحوار
وياريت كمان نعرف كل عضو مجال تخصصه ايه وشغال فين
يعنى من باب الترابط والتواصل
ونفيد بعض فى تخصصاتنا المختلفة
واسف على الاطالة
وشكرا لكعبوله هانم على الفكرة الرائعة دى

ممكن بقى الاخت كعبوله تقدم ال CV بتاعها ولو حتى بدون ذكر الاسماء
يعنى انتى شغاله ايه وعمرك كام سنه
عرفينا على نفسك

اريد من كعبوله هانم ان تقدم نفسها لانها هي اللي اقترحت الفكره وانا اؤيد تامر في ذلك
وكمان عايز أعرف زغزغيني يا فانله كمان

هههههههههه زغزغينى يافانلة اضحك يابقى كنت دايما اسمعها من واحد الله يمسيه بالخير ويرجعه بالسلامة على فكرة انا عاشقة الحب مش جمجراوية بس انا اعرفهم كلهم عن خبرة

زغزغيني يا فانله ده من شباب جمجرة الجديدة بس خلاص

كده انا عرفتهم اشكركم
هههههههههههههههههههههههههههههههههههههههههههههههههههه

السلام عليكم

انتو دبستونى فيها ليه كده

دا ذنبى يا عينى

على العموم انا بشكركم كلكم لتفاعلكم مع الموضوع

واوجه كلامى للمغامر لانه كان مش متحمس للفكره واقوله

انه يظهر نجاح الموضوع

خصوصا دخول ابو جودة وهو عضو جديد ويبدو انه جمجراوى

ويسعدنى انه اول مادخل المنتدى حب يتعرف على الاعضاء عن طريق هذا الموضوع

حبيت اقولكم انها فكره حلوه اوى فكرة السى فى

وانا بشكركم عليها واوكى هقدم نفسى

كعبوله هانم

بنهاويه

25 سنه

خريجة اعلام

اسعى الى ان اكون ملتزمه بكتاب الله

وارفض الصحوبيه بين البنات والشباب (علشان محدش يبعت على الخاص )

ارتحت جدا للمنتدى دا لانى حسيت فيه بجو العائله بجد مش كلام

وسعيده للوجودى بينكم

ارجو ان اكون خفيفه عليكم

هل لكي اصول جمجراوية

وكيف تعرفت علي المنتدي

وهل اضاف لك المنتدي شي

زغزغيني يا فانله لم يعرف نفسه

الـــــCV بتاعى
1- الاسم - تامر محمد جاد
2- السن 27 سنة
3- خريج تجارة
4- تأجيل من الخدمة العسكرية ( الحمد لله )ا
5- اتشرف انى من ابناء جمجرة الجديدة
6- مقيم حالياً فى استراليا
7- المهنة فى مصر ( محاسب بشركة EMCO ، محاسب بالشركة المصرية لتداول الاوراق المالية ،مراجع ومحلل مالى بالهيئة العامة لسوق المال )ا
8- المهنة فى استراليا ( بشتغل اى حاجة لحد ماخلص شهادتى)
9- الهوايات ( الفن الرقمى >فوتوشوب ، كوريل درو ، ثرى دى ماكس ، مايا < ، القراءة فى السياسة والتاريخ و علم النفس
بيتهيألى كده مفيش حاجة تانية
ياريت بقى اتشرف بمعرفة باقى الأعضاء
وأسف على الاطالة

يا هلا ومرحبتين

كعبوله هانم كتب:: السلام عليكم

انتو دبستونى فيها ليه كده

دا ذنبى يا عينى

على العموم انا بشكركم كلكم لتفاعلكم مع الموضوع

واوجه كلامى للمغامر لانه كان مش متحمس للفكره واقوله

انه يظهر نجاح الموضوع

خصوصا دخول ابو جودة وهو عضو جديد ويبدو انه جمجراوى

ويسعدنى انه اول مادخل المنتدى حب يتعرف على الاعضاء عن طريق هذا الموضوع

حبيت اقولكم انها فكره حلوه اوى فكرة السى فى

وانا بشكركم عليها واوكى هقدم نفسى

البركة في الاستاذ علي والاستاذ تامر وابو جودة
بيعندوني مااااااااااااااااااااااشي

وعموما اهلا بيكي في المنتدى واتمنى نجاح كل مواضيعك

والرقي بمستوى منتدانا

ولازم بعد الكلمتين دول اعرف نفسي
انا نبيل سعد
طبيب بيطري مقيم بالسعودية
كفاية كدة

يا هلا وغلا بدار الزين

اهلا بيك واشكرك لتفاعلك معنا

وربنا يرجعك بالسلامه

احم احم انا جيت
انا بقى اسمى احمد عبد الرحمن من جسر السويس ههههههههه ودى مش صورتى
لالالا بهزر
حماده على جمجراوى طبعا يعنى
بكالوريوس تربيه رياضيات
السن مش فاكر بس عايش من زمان تقريبا كده 25 سنه
عندى محل موبايلات تحت بيت الاستاذ على بالظبط هههههههه اى خودمه يا استاذنا بعملك دعايه اهو

السلام عليكم جميعا
وسلام خاص لاستاذنا ا/ علي عثمان
احب اعرف نفسي
محمد جودة
مهندس مدني
حاليا موجو د بالسعودية
ونراكم جميعا علي خير ان شاء الله

» جميع الأعضاء والمشرفين مطلوبين للتحقيق !!!
» كيفية تعامل الإداره مع الأعضاء المشاغبين)بالصور ****ه