امتحان اللغه العربيه كله من البوم اليسا

من قصيدة (أواخــر الـشـتــا)

للشاعرة / إليسا أبو ماضى

كنا فى أواخر الشتا قبل اللى فات

زى اليومين دول عشنا مع بعض حكايات

أنا كنت لما أحب أتونس معاه

أنا كنت باخد بعضى واروح له من سكات

أجب عن الأسئلة التالية:

1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟

2- فى أى فصل من فصول السنة كتبت هذه القصيدة؟ (مستدلا على ما تقول)

3- علام يدل التعبير (أنا كنت باخد بعضى وأروح له من سكات)؟

4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟

5- اختر الإجابة الصحيحة مما بين القوسين:

- الجمال فى قولها (عشنا - معاه): (تصريع - جناس - حسن التفات)
-
(أروح له من سكات) المقصود ! بها: (دكاكينى - دحاليبى - ذرابيئى)

- مصدر كلمة (أتونس): (تَوَنًّس - تُونِس - تَنَاسَى)

- (زى اليومين) مجاز مرسل علاقته: (علاقه كليه - علاقه مدرسة - علاقه حضانة)

*****
والناس فى عز البرد يجرو ويستخبو

وأنا كنت باجرى وأخبى نفسى قوام فى قلبه

ولحد لما الليل يليل بابقى جنبه

وأفضل فى عز البرد وياه بالساعات

أجب عن الأسئلة التالية:

1- هات من الأبيات مضاد (النهار), وكلمة تؤدى معنى (معاه)

2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.

3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)

4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!

5- أيهما أفضل (ولحد لما الليل) أم (ولغاية لما الليل)؟ ولماذا؟

*****
على سهوة ليه الدنيا بعد ماعشمتنا

وعيشتنا شوية رجعت موتتنا

والدنيا من يوميها ياقلبى عودتنا

لما بتدى حاجات قوام تاخد حاجات

أجب عن الأسئلة التالية:

1- اختر الإجابة الصحيحة مما بين الأقواس:

- (على سهوة) تفيد: (السرعة - العجلة - الموتوسيكل - التوك توك)

- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعه)

- كلمة تؤدى معنى (شوية): (بعضشى - حبه - بجنيه)

- المقصود بـ (يوميها) فى الأبيات: (يوم العاركة - يوم الخناقة - يوم الكرامة)

2- اشرح الأبيات شرحًا مفصلا باختصار.

3- أيهما أفضل (ياقلبى) أم (يانضرى) ام (يا دلعدي)؟ ولماذا؟

4- يتضح فى الأبيات أن (الدنيا ملهاش أمان .. خالص ..وقطيعه محدش بياكلها بالساهل). وضح ذلك مستدلا على ما تقول

5- استخرج من الأبيات مايدل على:

- عشمنى بالمحبة وشعلقنى بالهوا، حايلته حبة حبة زودها واتلوى.
- زألطنى الحب زألوط، نمت فى بنها صحيت فى أسيوط.

*****

وسط الشوارع ناس كتيرة مروحين

والناس ياقلبى هما هما وهو فين

وأنا ماشية باتلفت وباسأل كل يوم

بيعمل إيه دلوقتى وبيحلم بمين

أجب عن الأسئلة التالية:

1- يتضح فى الأبيات الشوق اللهفة وتطلع الشاعرة لرؤية (اسم النبى حارسه الأفندي بتاعها). اشرح

2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.
[ندعوك للتسجيل في المنتدى أو التعريف بنفسك لمعاينة هذه الصورة]
------------------------
يارب تعجبكم
[ندعوك للتسجيل في المنتدى أو التعريف بنفسك لمعاينة هذه الصورة]
وبالتوفيق لكل الطلبه

ايه الجمال ده كله
هههههههههههههههههههههههه
حلوة
الخلاصة ان القصيدة دى كلها
أجمل فى المعنى واشمل فى التعبييييير

( على رأى مدرس كان بيدرسنا زمااااان لغة عبرية.....اسف عربية فى ابتدائى)

ههههههههههههههههههههههههه

يا جامد

جامدة يا ماجيك يا رايق

مع اني بكره اليسا
ههههههههههههههههههههههه

انا فاكر ياتامرررر
كان بيديناا عربى وسعات كل حاجة
هههههههههههههههههههه
الموضوع دة اجمل فى المعنى واشمل فى التعبير
والله كنا بناخد عليها درجة فى الامتحانات كان بيقولنا لما تتزنق قول
اجمل فى المعنى واشمل فى التعبير
تامر بلاش فضايح
هههههههههههههه

- استخرج من الأبيات مايدل على:

- عشمنى بالمحبة وشعلقنى بالهوا، حايلته حبة حبة زودها واتلوى.
- زألطنى الحب زألوط، نمت فى بنها صحيت فى أسيوط.

الابيات جمع بيت ام منزل ههههههههههههههههه

الجبرتي كتب:: - استخرج من الأبيات مايدل على:

- عشمنى بالمحبة وشعلقنى بالهوا، حايلته حبة حبة زودها واتلوى.
- زألطنى الحب زألوط، نمت فى بنها صحيت فى أسيوط.

الابيات جمع بيت ام منزل ههههههههههههههههه

هههههههههههههههههههه
البيت تعني منزل
أما الأبيات تعني شارع
ههههههههههههههههههههههه
:study: :scratch: :study: :lol: :lol:

» ؛؛؛؛ الحق امتحان اللغه العربيه للثانويه العامه سنة 2060 ؛؛؛؛؛؛
» اليسا تنفى القبض عليها وتحتفل بتجديد تعاقدها مع روتانا
» اللغه والمرأه
» ورقة امتحان
» السندباد في امتحان الفيزياء