روش طحن

السلام عليكم ورحمة الله وبركاته


ندعوكم لتأتو معنا الى رحله

رحلة عبر الأزمان

فنعود بالزمن100 سنه

ترى ماذا كانت الفاظهم

ماذا كانت مفرداتهم وحواراتهم العامه

تذكرت يوما كنت أشاهد فيلم ابيض واسود قديم جداااااااااا

ووجدت الأب الكهل يحدث زوجته فى نبرة استعجاب مستنكرا الفاظ ابنه

فما هذه الالفاظ الذى يستخدمها تلك الابن

وماهذه الموضه موضة شباب اليومين دول وكانو يتعجبو

ويقولو شباب اليومين دول بيحبو وبيخرجو يقابلو بعض ( يادى الكسوف ودا بردو اسمه كلام )

الله يرحمك يابا مشوفتش عريسى غير بعد سنه من الجواز ...............

........ودا طبعا بيكون تعليق اهل الجيل اللى من 100 سنه

فعلمت ان لكل جيل روشنته واسلوبه فى تغيير شء مما تعلمه من الاباء والاجداد

لكن هل هذه الروشنه والتجديد لكى يأقلم الحياه على طريقته الخاصه التى تمكنه من ان يعيش سعيد ويتطور


فى حياته المهنيه والعلميه

ام هذه الروشنه فقط للتغير ليقولو عنه روش طحن

تعالو بنا ننتقل عبر الزمن الى 2009

كنا زمان الواحد بيقول على نفسه روش وبيذاكر

بيلبس روش و فى نفس الوقت محترم

بيصاحب روشيين ويكونو صحبة خير



لكن دلوئتى بنلاقى طلاب الثانوى يقولو انا روش مفيش بنت فى الشارع ممشتش معاها

انا روش مفيش نوع سجاير مجربتوش

انا روش مبلبسش غير ماركة عالميه وتكون اغلى حاجه

انا روش بحلئ كل شهر ب500 جنيه عند الحلاق اللى بيحلئ لعمرو دياب

انا روش والروشنه بئا الطحن انك تكبر لاهلك

اللى يقولهولك من اليمين تخرجه من الشمال امال ربنا ادانا ودنين ليه ؟ استغفر الله العظيم

ياعم انت قديم اوى انت من ايام الابيض واسود حاطط فى ودانك سماعات وماسك وكمن

اخىىىىىىىىى دا انت بيئه طحن

فين الام بى ثرىmb3 ويقولها وتلاقيه مبيفهمش حاجه فى الانجليزى اصلا

تعرفو ان من الروشنه دلوئتى انهم بينئو العربيه اللى بيركبوها يعنى لو لئو سواق عجوز مشغل الشرق الاوسط

ميركبوش يستنو واحد روش مشغل عمرو دياب

المهم انا لوقعدت اقول تعليقات على الروشين مش هنخلص

اللى عايزه اقوله

ليه فهمو الروشنه غلط
ليه التغيير يكون بس عباره عن تقليد أعمى ممكن يكون غير مناسب للروش المودرن

ليه مش كل واحد يغير بما يتلائم مع اسلوبه فى الحياه

ليه مش كل و احد يعيش تبع قواعد اسلاميه اولا ثم تبع القواعد اللى يضعها لنفسه

فى التعامل مع الحياه



ابئا روش ماشى قلد ماشى بس قلد الصح

قلد اللى يناسبك

قلد اللى بيسعى للنجاح

متكونش مرايه صماء بتعكس اللى بتقلده بغباءه وجهله وشكله وكل حاجه

ليك شخصيه اثبت نفسك فى اى اطار يناسبك حتى لو كان الاطار دا
من صفيح

المهم لما تثبت نفسك ووجودك انت اللى هاتزين الاطار

الموضوع كبير يا جماعه وانا بعتذر عن الاطاله

عندى كلام كتيرعايزه اقوله فى الموضوع بس كفايه كده علشان ميحصلش ملل