Medicaid الميديكيد

حتى احنا فى مصر لكل فرض تأمين صحى بالمجان

ولكل طفل بس انت تعمل لنفسك كارنيه التأمين الصحى وهتتعالج بالمجان

لكن لو هتصرف ادويه هتكون بنسبه ضئيله جدا المبلغ المدفوع

تقريبا القاعده متشابهه لكن الفرق فى التنفيذ

عندنا بيحطو فى المستشفيات الحكوميه الدكاتره الحاصلين على البكالوريوس ومحضروش

من الاخر الخبره القليله دكاتره على أدهم

او يحطو دكاتره طلبه منها بردو يتعلمو فى خلق الله

ويسيبو الشعب للممرضين والتمرجيه ينصبو زى مهم عايزين
اهم يلقطو رزقهم
زى مثلا يقلولك القطن خلص المفروض دا مجانى او الحقن او الجبيره

ويخلوك تدفع تمنها ويحطوه فى جيبهم

وكل دا الحكومه عملاه مجانى

بس النصب بيجرى فى دمنا

لكن طبعا فى امريكا اكيد هيكون المستشفيات محترمه والخدمه محترمه
مش لانهم محترمين لا دا لانهم بياخدو حقهم كامل
ومرتباتهم عاليه
فبينفذو القانون ويدولو حقه

ياريت فى مصر القانون يدى الموظفين حقهم علشان يدولو حقه

ايوه طبعا مانا قولت ان الخدمه سيئه جدا

تحت الصفر

بس اعتقد ان التأمين بأجر رمزى لا يذكر بالنسبه للمستشفيات الخاصه

لما قابلو وزير الصحه

وكان حوار على الهوا واتصل بيه دكاتره ومرضى

الاتنين بيشتكو
حسيت ان افضل حل هو زيادة اجر الطبيب

ووضع الطبيب المناسب فى المكان المناسب

ومنع نزول طلبة طب للكشف الا مع الدكتور المشرف او مدرس الماده

ويكون فى لجنة اشراف على كده

لانى والله اعرف اسماء دكاتره كبيره جدا فى مستشفى زى مستشفى الجامعه

بس مبينزلوش المستشفى كتير بيخلو دايما الطلبه بتوعهم هما اللى يشتغلو

يعنى من الاخر
بقول ان فى قوانين فى مصلحة الشعب متنفذتش صح

والسبب ان فى قوانين تانيه زى الرواتب العبيطه بتاعة الدكاتره فى المستشفيات الحكوميه

بيكون تأثيرها سلبى على قوانين مصلحة الشعب

والكلام دا طبعا قولته بحرقه لانى نفسى مستشفياتنا
تكون زى المستشفيات الامريكيه اللى انت ذاكرها فى الموضوع

ولو انهم فى مصرلو حطو لكل فرد ميزانيه 25000 جنيه مش دولار للعلاج المجانى
الشعب هيطالب بيهم كاش وهيقولهم مش عايزين نتعالج ههههههههههههههههه