للجرىء فقط

اولا الاسئله الدينيه
1_بتتخيل (بتتخيلى )نفسك فى الجنه اكتر ولاالنار ؟
الله اعلم بس انى اجتهد لكى يرضى عنا الله ونكون فى الجنة
ههههههههههههههه سيدنا عمر بن الخطاب مكنشى عارف هقوم انا الحقير هعرف

2_اما بتزور المقابر اوبتعدى عليها احساسى بيبقه عامل ازاى ؟
طبعا الواحد بيحس بالاخرة واكيد بتقربه اكثر من ربنا

3_حاسس ان ربنا بيقف جنبك فى مواقف صعبه ؟ حاسس انك (ندل _ مش عارف _كويس )
اكيد ربنا بيكرمنى كتير بس حاسس انى ندل

4_انت حاسس ان ربنا راضى عنك ولا لاء ؟
مش عارف برده بس الواحد معملشى حاجة عشان جلاله يرضى عنى

5_بامانه حلمت بالرسول قبل كده طيب لوحلمت بيه قالك ايه ؟
بصراحة ده اصعب سؤال ومقدرشى اجاوب عليه




الاسئله النفسيه
1_بامانه بردوا انت شخصيه نكديه ؟
حاسس انها لااء بس مش انا اللى اجاوب المفروض اللى قاعد معايا هو اللى يحكم عليا

2_بتبكى ادام الناس ولابتستكبر تعمل كده ؟
لا والله ممكن ابكى امام اى حد

3_انت شخصيه ضعيفه ولاقويه ؟
متوسطة

4_طب دلوقتى انت مكتئب ولافرحان ولاعادى؟
تعبااااااااااااااااان

5_بتسمعى كلام اخوكى وبتتفهميه ولااخويا ايه مفيش غير الصحاب...بتسمع كلام اختك وتتفهمه ولاانا اسمع كلام بنت
واختى كمان ايه الهبل ده ؟
مش فاهم السؤال ده

6_معجب بشكلك .......حاسه انك حلوة؟
انا مش حلوة اولا لانى ولد
اما عن شكلى فهل انت تعيب الخالق ام المخلوق



ثالثا اسئله الحب
1_شخصيه محبوبه من الناس ولاالناس بتسترخمك ولاانطوائى؟
مش عارف ..اسالى الناس

2_عمرك حبيت من طرف واحد قبل كده ؟
معتقدش

3_نفسك فى ايه (تحب ولاتتحب )
نفسى ربنا يحبنى

4_مريت بكام قصه فاشله ؟
ولا واحدة عشان انا معنديش قصص اساسا

5_قد ايه بتتنازل عشان الى بتحبه يكون سعيد ؟
لما هحب هقلك ممكن اتنازل اد ايه

6_هل فى كرامه فى الحب ؟
اعتقد لاء

7_الى هتتجوزها نفسك تكون عامله ازاى والعكس للبنات ؟
متدينة/ على قدر من الجمال / اهلها ناس كويسة

8_قول اسمك بذمتك بتحب اسمك
صلاح...مبحبوش كان نفسى يبقى اسمى مهاب او هشام

9_انت من النوع الى بيحب بجد ولابيحب على روحه ؟
لا والله مبحبش غير امى فى الدنيا




رابعااسئله عامله
1_نفسك فى ايه عشان تكون سعيد وراضى ؟
امى تبقى راضية عنى

2_لوشوفتى اخوكى بيعاكس البنات فى الشارع هيكون موقفك ايه ؟
انا مش بنت عشان اجاوب

3_لوعرفت ان اختك مصاحبه ايه هيكون رد فعلك ؟
معنديش اخوات بنات عشان اجاوب

4_لولقيت 7 شبان بيعاكسوا بنت محترمه بطريقه مش محترمه
ههههههههههههه ضحكنى مووووووت السؤال ده ...ليه هما ممكن يعكسوها بطريقة محترمة

هتعمل ايه (خود بالك دول سبع شبان بعضلات طول بعرض )؟؟؟
ههههههههههههههه ليه الاحراج ده اولا يبقى غباء لو تهورت وعملت فيها بروسلى
مش عارف هعمل ايه بس اكيد هعمل تبع الموقف

5_نفسك تعتذر لمين ؟
:( :(
لشخص على اللى هيحصله بسببى

6_بتقول لمين نفسى اشوفك دلوقتى ؟
المغامر

7__بتقول لمين هو فيه ايه انت فاكر نفسك مين ؟
ابوتريكة اصله شايف نفسه اوى

8_بتكرهه الخيانه اد ايه ؟
اد واحد صاحبى

9_اكتر صفه بتحبها واكتر صفه بتركها؟
التواضع / الكبر



خامسا الاسئله الشخصيه
1_ لون عينك (ى)
اسود على عسلى يعنى من الاخر واد قمر

2_اون شعرك
اسود
3(لون بشرتك
قمحى


واخيرا وليس اخرا اخر سؤال يارترى انا كنت تقيله ورخمه ولاعادى

ممتازة