سجل المدنى بنها

موضوع: سجل المدنى بنها السبت أغسطس 01, 2009 10:20 pm

بسم الله الرحمن الرحيم

النهارده والله نايم الصبح كان حوالى الساعه 6 الصبح
المهم ..... لقيت التليفون بتاعى بيرن الساعه 9 ... وانا حطه على المكتب ومكسل اشوف
وعمال اقول فى عقل بالى مين الرزل اللى بيتصل بيا دلوقتى لو طلته هموته

التليفون عمال يرن .... يرن .... يرن ... المهم ربنا رأف بحالى وقمت جبت التليفون
وبشوف لقيت الواد قريبى اللى لسه مخلص ثانويه عامه وفرحان بيتصل بيا
قلت فى بالى الواد ده اللى مصحيه د لوقتى .... ودار حديث معاه ....

انا ... الو .... ايوه يا زفت
احمد ... ايه يا ريس معلش صحيتك
انا .... نعمين انجز عاوز انام
احمد .... تعالى معايا بنها والنبى
انا ... بنها ايه على الصبح كدا
احمد ... ياعم علشان اروح السجل المدنى اعمل قيد عائلى علشان الكليه الحربيه
ما انت عارف من زمان نفسى اكون ظابط .... ربنا معاك يا صاحبى ... ادعولو ههههه
انا.... يا احمد ما تخليها للساع 12
احمد ....يا عم مفرقتش خليك جدع بئى
انا ... خلاص يا ريس هقوم البس واجيلك ونروح السجل
ويا رتنى ما وفقت ....؟؟!!

لبسنا وظبتنا نفسنا وركبنا العربيه قال ايه ريحين 10 دقايق وجيين هههههههه
اليوم النهارده كان يوم باين من اوله ... وانا فى العربيه ركب جامبى راجل رغاى
من بتوع اللى عملين نفسهم فاهمين فى كل حاجه ... شويه تلاقيه بيتكلم عن الكره ... وشويه
عن الطب ... وشويه عن الثانوى .... وشويه عن اى حاجه ممكن تخطر على بالك ويقلك ايه بئى نسب مئويه
ونصايح ... وهو اساسا ممعوش دبلووووووووووم شكله ... !!!

الحمد لله وصلنا السجل بس شكل انا ما روحتش سجل مدنى .... دا انا ممكن اكون رحت مظاهلاه
حاجه كدا من الحاجات بتاع الانجليز اللى بنشفها فى التليفزيون فى مسلسلات الثوره وخلافه ...!
اكيد الصوره هتتكلم .....
[ندعوك للتسجيل في المنتدى أو التعريف بنفسك لمعاينة هذا الرابط]

المهم سميت الله ونطيت فى بحر البشر ده دخلت دنتى انا وقريبى نتحايل على شويش علشان ندخل نعمل القيد .... المهم دخلت انا وهو ... اكيد انا ما كنتش مركز مع صحبى انا كنت واقف بتفرج ايه اللى بيحصل بالظبط .... وهو يا عينى عمال يجى من هنا لهنا يجيب ورق ...!!
بس انا قلت لازم اشوف ايه اللى بيحصل ده ...!!! دا انا بفرح فى المصايب موت ههههههه وفرصت عمرى حت لحد عندى ههههههههه

المهم وانا بشوف الموقف الكاميرا بتاعتى اكيد كانت سبقانى بس من شده الزحام والمعارك اللى بتحصل كل 5 دقايق بين عساكر الامن والمواطن الغلبان ما خلتنيش اعرف اصور كويس
بس حاولت .....

فجأه واانا واقف بتكلم مع نفسو وبفكر واقول يا ترى الحكومه مبهدله شعبها ليه كدا ... ده كله علشان شويه زيت وفول ورز وكيس سكر وممكن واحد شار العروسه ...؟؟؟ هو المواطن والراجل البسيط اللى على قد حاله ما لوش قيمه كدا ...؟؟؟ طيب يروح فين ... ياكل منين ...؟؟؟
مهو فعلا بيعمل ده كله علشان ياكل ... مش فى حاجه اسمها بطاقه تموين ... وهو يا عينى عليه واقف من بعد صلاه الفجر فى الطابور ولسه ما عملش او عدل بطاقه التموين زى ما الحكومه عاوزه ...؟؟؟؟ طيب ما هى كانت كويسه ... وباكل بيها بأكل العيال ومبسوط الحند لله 24 قيراط ... ومش ببص لحد ...؟؟ لكن تعمل ايه الحكومه متمرمطش شعبها ليه ... ؟؟!!

واثناء الحديث مع نفسى ... دارت معركه بين المواطن الغلبان وبين عساكر الامن ...!!
بجد مهزله لم استطيع الحديث عنها ... ولم اتحدث عنها لا نه لا يحسها سوى من يشاهدها حقيقة
[ندعوك للتسجيل في المنتدى أو التعريف بنفسك لمعاينة هذا الرابط][/url]

قلت برده اتمشى بين الناس دى واشوف ايه التطورات .... ...!
بس يا رتنى ما اتمشيت ... شوفى الصوره دى ....!!!

[ندعوك للتسجيل في المنتدى أو التعريف بنفسك لمعاينة هذا الرابط]
بصوا للراجل ده .... ايه مش عرفينه ....؟؟؟ ده المواطن المصرى البسيط ... اللى احنا بنقول عليه الفلاح ...؟؟
ده اللى بيتعب علشان يربى ولاده ... ده كان جدك فى يوم من الايام ... ومازال جدك ... وافتخر ان جدى كان فى صوره الشخص ده لحد ما خلى ولاده كبار ..... لكن بصوا لده الراجل اللى صاحى من الصبح بدرى علشان يخلص اجرات البطاقه .... ده اللى تعب علشان احنا نعيش ... ده اللى تعب علشان كل المصريين يعيشو .. ولسه بيتعب ... واخره التعب ده يكون قاعد كدا والشمس مش سيباه فى حاله ... ده تكرمينا له ...؟؟؟

طيب سبونا من ده راجل ممكن يتحمل شويه لكن ايه زنب الاطفال ... ايه زنبهم يفضلو ا من الصبح لحد بليل فى دوشه وزحمه ....؟؟؟ وايه زنب الستات ... وغيرهم يقعدوا فى الشارع كدا ... انا مش عارف بجد ايه زنبهم لو انتو تعرفوا اوكى ....؟؟

[ندعوك للتسجيل في المنتدى أو التعريف بنفسك لمعاينة هذا الرابط]
شوفو بئى الموقف ده هههههههههه احسن موقف انا مشجعه فى ده كله
شباب بلدنا اهو برده احسن من قاعدتهم على القهاوى يدورو على حاجه تشغلهم ....؟؟؟
بس برده الموقف صعب ... والموضوع مش سهل ...!!

ولسه ولسه ...يا ما فى الجراب يا حاوى ...!!

برده مش لازم نرمى كل العبئ على الحكومه .... برضه لو الموظفين بيراعوا ربنا فى شغلهم اكيد ما كنتش الزحمه دى هتكون موجود ... وماكنتش المناظر والصور دى اتصورت ....يا ريت نكون افضل من كدا ...؟؟؟ املى فى الحياه

اللى مش هيرد ويقول كلمه شكر حتى هو حر بئى ههههههههههههههه

ايه الشغل الجامد ده يا ميسي

بس خد بالك بعد كده
احسن التليفون يتصادر منك

بجد الصورة دى مؤثرة جدا
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

بس ياريت تشيل الصورة
اللى فيها النساء
مالهاش لزمة

اكيد اللى موجودين فى الصورة دول
ام لولدمثلك
او اخت
او زوجه

يعنى انت مترضهاش
صح ولا ايه

والله انا لم اقصد اى شىء انا قصدى المعاناه

وعلى العموم انا شلتها حاضر بس والله الصورة مكنشى فيها حاجة

ايه يا ابني العسل ده انت بجد رائع وثوري في الموضوع ده والله

وفعلا انت لمست جرح جامد عند الشعب

ودي فعلا مهزلة والمنظر ده انا بشوفه من حوالي 4 سنين او ثلاثة مش فاكر

تخيل كل يوم كدة ده اكبر دليل ان مصر 80 مليون مواطن منهم 60 مليون غلبان

اللهم ارفع مقتك وغضبك عنا
اللهم نجي هذة الامة من هذا الحسني مبارك واعوانه

شكرا لمجهود وطرحك المميز للموضوع
بس إنت شكلك فعلا بتحب المصايب هههههههه
جميل إن الإنسان ينتقد إللي بيحصل حوالية
علشان نتطور من نفسنا ديما
وأنا مع الأخت أميرة
إنك تشيل الصور إللي فيها حريم

________________

موضوع مميز طبعا

بس التغطيه مش شامله

كان المفروض تاخد رأى الناس اللى واقفين

:P

بغيظك طبعا علشان عارفه ان ميولك صحفيه

شوف انا بئا بجد الموضوع دا شدنى كتير اوى

نفسى اعرف ليه السبت بيكون بالزحمه دى فى السجل المدنى

واحيانا تلاقى ايام مفيش عليه ولا واحد

وتدخل تلاقى الموظفين بينشو زى مابيقولو

يعنى انا منصحش حد ينزل يخلص ورقه يوم السبت بالذات ويشوف يوم يكون السجل فاضى فيه

وبعدين لو سالت الناس هاتلاقى نصهم عايز يقدم

والنص التانى قدم ومستنى يستلم

طيب يا جماعه الاستلام بعد الساعه واحده

بيكونو طبعا جايين من اماكن بعيده ومش هيقدرو يروحو ويرجعو تانى

فبيخيمو قدام السجل

طيب الغلط فين

هما الموظفين ليه مبيقولش ان مفيش استلام الصبح

بيكون بعد الظهر

يمكن مكسلين

ندخل جوا بئا

هتدخل تلاقى طابور تانى

بس المره دى فى كراسى والجو جميل

وتلاقى الموظفين بيعملو مية حاجه

ومفيش ولا واحد واقف على الشباك

طيب مافى بطاله يا خونا

ماتزودوا عدد الافراد على كل شباك

واحد يستقبل الورق وواحد يعمل المتعطل عندهم

ناس احتياطى

لكن ايه الملل دا

ويا سلام بئا على الغباء

السجل كله واخد كهربامن مكان واحد

لو الكهربا قطعت

اتفرج على الخنائ والشتايم

واجهزة السجل كلها قديمه وخربانه

طيب ماتجيبو كمبيوترات جديده

والا فلوس الضرايب دى بتروح فين

ومحدش يقوللى بيرصفو الشوارع لانها بئت موضه قديمه

المفروض تكون لخدمة المواطن
المشكله دى ليها حلووووووووول كتييييييييييييييره

لكن محتاجه انسان عنده ضمير يفكر ويحل

ولو مش موجود

يبئا محتاج ثوره

وعلى فكره نفس الموقف ووواوجع للقلب

لو روحت المعاشات

نفسى تروح اول الشهر

وتشوفهم وهما بيقبضو
وظروفهم الصحيه

وكل واحد هايقولك قصه مأساويه عن خروجه للقبض

بس المره دى

ابئا هاتلنا الصور من مكان عالى علشان تظهر الزحمه او اكبر عدد ناس

هما الناس اللى غاوية تعب الحكومة قدمة خدمة مراكز النيل تل فى كل منطقة موجود وعلى سبيل المثال موجود فى جمجرة واحد وفى اسنيت واحد هما عملين دة علشان يفكوا الاذدحام اللى علي السجل وانا لو هطلع اي حاجة مش هروح السجل لان الموظفين بردين وشكراااااااااااااا على الموضوع ياميسى