اضحك مع هذه المواقف- ابتسامه

الموقف الأول
كنت أصلي العصر في مسجد في بلدي .. وكان خناك رجل يصلي دائما في المسجد يظهر عليه الصلاح ويرتدي القميص ويبدو عليه الصلاح ((هذا سيكون حكم من يراه لأول مرة)) لكنه في الحقيقه ذهب عقله وبه جنون . . و إنتهت صلاة العصر وكان هناك في قاعة المسجد سرادق عزاء لرجل توفاه اللهـ . وأتي رجال من خارج بلدتنا يريدون أن يشاطروا أهل الميت الأحزان وأرادوا أن يصلوا العصر ولكن الصلاة إنتهت فوقع بصرهم علي الرجل ((المجنون))
وقالوا يا شيخ تعالى فصلي بنا العصر
الرجل :- ومالوا تعالوا صفوا الصفوف
الرجل :- صلي أول ركعة تمام وتاني ركعة تمام وهو يجلس للتشهد والناس خلفه إستدار لهم فجأه ووجه لهم سؤالا قائلا ((هو كيلوا البصل بكام في ناس بتقول ب 30 قرش وناس بتقول ب 40 قرش)) إنفجرت الناس بالضحك وكل من في المسجد .

الموقف الثاني الموقف الثالث
وهو موقف مضحك مبكي .. قدر اللهـ لي أن أصلي الجمعه في منطقه نائيه جدا علي ترعة السلام من المناطق التي يعبر عنهم بالقول ((بتين ونخله ومربوط فيهم حمار)) المهم الموقف هو يا إخوه بيت مبني بجانبي بيت والرجل من بني المسجد يخطب فيه رغم أنف الناس (فرده يعني زي ما بيقولوا علشان هو صاحبه) وللأسف الرجل يا جماعه لا يعرف أي شئ في العلم الشرعي حتي أنه أمي (يعني من الآخر مش عارف حاجه في البدنجان) المهم لكم أن تتخيلوا كيف هي الخطبه ... واللهـ ما سمعت في حياتي مثلها ولا كنت أتوقع أن يكون هناك من يخطب بهذه الطريقه علي منبر رسول اللهـ أنا أحفظ الكلمات بالضبط .. اللهم وارد أن تخني الذاكره في لفظ يزيد أو نقص

مقطع من الخطبه يقول الخطيب بالضبط وهو يحكي قصة سيدنا موسي
((وسيدنا موسي بقي يا جماعه مرضاش يرضع من أيتها مرضعه ,, يجيبلوا الناس اللي بترضع وسبحان اللهـ
مش راضي يرضع ,, الحج فرعون جابله أمه الواد أول ما شاف أمه قام قايم
منفوض وواقف علي رجله وجري وراح في حضنها وحضنها وقعد ورضع ,,,, يكفي هذا
لن أكمل فواللهـ هناك ما أهو أفظع من هذا))
وصف حالتي أنا كنت مبتسم من الدهشه ومن الاستغراب ومتابع ولا أستطيع أن أقول له شئ ((خايف أتقطع من الآخر أنا راجل غريب))
تخيلوا بيقول الحج فرعون أنا سمعت الكلمة وكتمت أعزكم الله أنفي بإصبعي
السبابة والإبهام حتي لا أنفجر من الضحك وفضلت أكتم الضحك حتي سالت الدموع
علي وجهي وفضلت متابع إلي أن قال كلمة مش هعرف أذكرها صراحه أنا أنفجرت
أقهقه في وسط المسجد .. وتابعني بعض الحضور بالاندهاش ((هو
ده مجنون ولا أيه بيضحك في خطبة الجمعه وكمان شيخ طبعا ده تفكيرهم لأن فيه
ناس معاه ومتابعه جدا والكلام بالنسبة لهم نورمال وطبيعي وعادي )) .. غفر اللهـ لي

الموقف الرابع
حكاه لي أخ ثقه لا عاش من سب البخاري
كان هناك مجموعة من الشباب ذاهبون للصلاه وكان من بينهم أخ غير مهتم بحلق لحيته فكانت يبدوا وكأنه ملتحي لكنه لا يعلمشئ ختالص (أو كما يقال لا يعرف شئ في البدنجان)
فقدموه الناس للصلاة بحكم أنه أكبر لحيه - ابتسامه- الأخو وقف يصلي قرأ
الفاتحه - أظن أنها كانت صلاة مغرب كما حكي لي - وقرأ الاخلاص بعدها ثم في
ثاني ركعه قرأ الفاتحه واجلس يفكر ماذا أقرأ .. فقرأ

تخيل

إمجن

أيون

قرأ

طلع البدر علينا من ثنيات الوداع
كان متخيل إنها قرآن

فترك الناس الصلاة من الضحك

وأستنكر هو عليهم ليه سبتوا الصلاة !!!

بيتهايئلى فى منها مواقف حقيقية وعلى علم انا بيها وشباب كتير عارفين المواقف دى
عضمة
عضمة
عضمة
عضمة
الحدق يفهم

هههههههههههههههههههههه

والله روعة وموضوع موفق يا اميرة

:silent:

شكرا لمروركم جميعا
رغم انى مش فاهمه رد تباشير الصباح ده اي بالظبط

على فكره المواقف دى حقيقيه
مأخوذه من على لسان شيخ

عزيزتي احنا علي النت فيه مسلمين وغرهم منتباهاش بأخطائنا وشكرآ

ده مش تباهى

دى مجرد مواقف طريفه بتحصل وهتحصل كل يوم

وشر البليه مايضحك

يعنى ساعات فى خطب كتير بنسمع مواقف مثل هذه

اشكرك لتوضيح رائيك

فى أحد بلاد الأرياف والقرى حول مدينة المنصورة , كان يوجد جامع كبير للقرية ويؤمهم للصلاة رجل عجوز من الأرياف , المهم
فى صلاة العشاء والمايكروفون بتاع الجامع شغال والصوت جايب لآخر البلد ...

صديق لى يمشى تجاه المسجد ويسمع الإمام يقول الفاتحة :
الحمد لله رب العالمين , الرحمن الرحيم , مالك يوم الدين ............... كح كح كح كح ( الشيخ جاءته كحة قوية جدا )
وعندما خلص الشيخ من الكح فإذا به يتمتم : آآآآآه يانى يامّا , ثم يكمل : إياك نعبد وإياك نستعين ...الخ

هاهاهاهاهاهاهاهاهاهاهاهاها يقول صديقى كدت ارتمى على الأرض من كثرة الضحك وصوت الرجل كان ملعلع فى المايك

ويحدثنا اخر
اذكر فى المسجد بجوارنا حدث مقل هذا الموقف :

الإمام رجل عجوز لا يكاد يبين الحروف وقد بلغ من الكبر عتيا وأخذ الزهايمر
منه كل مأخذ - الله المستعان - وبينما هو فى فى طريقة للقيام للركعة
الثانية اختلط عليه الأمر ....

فقال للمصلين - ومازلنا فى الصلاة - : يا جماعة إحنا فى الركعة الكام !!! هاهاهاهاهاهاهاها

فإذا واحد من المصلين يقول له : الركعة التانية يا شيخ ...

فإذا بالإمام يكبّر للقيام وتكملة الصلاة !!

هاهاهاهاهاهاهاهاهاهاهاهاها

هذا المسجد بصراحة رأينا منه عجبا عجابا

وفى مرة فى صلاة العشاء دخلت "عِرسة" - أظنها "الوزغ" باللغة العربية - المسجد والناس فى صلاتهم ...

واخترقت العِرسة الصفوف وإذا بها تنزل تحت قدم الإمام وهو لا يدى , ويركع الإمام ..........

وياليته لم يركع هاهاهاهاهاهاهاهاهاها

انتفض الإمام وصرخ !!!!!!

بعد كدة جرت العِرسة بين الصفوف , وياله من منظر والناس كلها تنتفض وتصرخ هاهاهاهااهااهاهاهاهاه

وبعد فترة سكت الناس كلهم فى الصلاة , فعلمنا ان العِرسة قد خرجت من المسجد ولله الحمد والمنة

وبعد دقاق بسيطة , سمعنا أصوات صراخ النساء !!!

- فعلمنا وقتها بأن العِرسة دخلت مصلى السيدات - هاهاهاهاهاهاهاهاهاها

- الله المستعان

ههههههههههههههههه
معظم المواقف دى حقيقة
وانا اعرف شخص او اتنين فى جمجرة بيعمل اكتر من كدة تقريبا الشخصيتين قدوة لبعض
والغريب عهزارهم دة بيكون فى الصلاة بشكل مؤسف
يمكن كتير من الشباب عارفينهم
يارب استر

يحكى اخر

عندى قصه كنا معتكفين فى رمضان انا واحد صاحبى فقال انا هنزل الكليه قلتله
بلاش فقال هنزل اشوف ايه الوضع فلما قدم علينا من الكليه قلتله ايه
الاخبار قال لى مش احنا دلوقتى هنا فى العشر الاواخر قلتله ايوه قال لى
ههناك العيد دخل ********ههه
وجزاكم الله خير

دخل لواء في الشرطة المسجد ومعه اثنان من العسكر ليصلوا صلاة الفجر فتأخرت اقامة الصلاة فأمر احدهم باقامة الصلاة
فتقدم هو ليأم الناس فقرأ الفاتحة ثم شرع في سورة الرحمن
فقرأ الرحمن فتوقف ثم قال الرحمن فتوقف ففتح عليه أحد العسكر فقال له: علم
القران يا باشا

دى حكايات ماخوذه من شيوخ
يحكون طرائف حدثت لهم
ويقولون نحن نكتب هذه الطرائف
لكى يعلم الناس ان الضحك مباح
ولن بشروط
لان فى ناس كتير لو شافت شيخ بيضحك ويهزر بيتعجبو
وكانه عمل جريمه

هى الطرائف عجبتنى حبيت اانى
اطلعكم عليها

المهم كنت
راكب تاكسي مع راجل بسيط عامي ربنا يبارك له المهم الراجل كان مشغل اذاعة
القرآن الكريم وأنا أعدت أدعيله في سري والله ودعيتله بصوت عالي مرة واحدة
وقولتله ربنا يباركلك ،انا كنت أعد جنبه ادام وكان تقريبًا معاد قراءة من
القراءات العشر الأخري غير حفص ،وما أعرفهاش بالضبط هي ايه المهم كان سورة
الهمزة فالشيخ قرأ "ويل لكل همزة لمزيييه" إلي أخر السورة علي نفسه
الطريقة المهم صاحبنا بقي العسل ده علق وقال ايه
(شوفت الكفرة ولاد الكلب حتي القرآن حرفوه )
أنا سمعت
دي وسخسخت علي روحي من الضحك والله نفسي كان هيتقطع وهو بقي بصلي باحتقار
كده ،وقال بقي عشان ملتحي (يعني انت عجبك اللي بيعملوه ده يا شيخ )
فانا وأنا بأضحك قولتله (حضرتك دي قراءة مرفوعة بسند عن الرسول صلي الله عليه وسلم )
راح قالي (جاية من عند النبي بـ هيييييه دي ) وكان خلاص والله كاد انه يلقي بي من الشباك ،
قولتله خلاص يا حج معلش ربنا يهدينا ويهديهم ،والراجل فضل مضايق مني طول الطريق ،وحاولت أصالحه ومش عرفت
أنا يمكن غلطت اني ضحكت جامد أوي في الأول بس والله لا ارادي أنا سمعت الكلمة وفطست علي نفسي من الضحك ما قدرتش أمسك نفسي

ويقول اخر
واحد صاحبي (أخ) بيصلي معايا في المسجد حكاها لي
قالي كان في أخين في بداية
الإلتزام بس لسه طبعاً رواسب الجاهلية طافحة عليهم (ربنا يهدينا جميعاً)و
كان بينهم تنافس شديد و غيرة و زعل
المهم واحد فيهم كان بيصلي إمام في المسجد و التاني وراه
و في مرة الأخ الإمام بيقرأ أخر آية في سورة الزمر : (و تري الملائكة حافين من حول العرش)
فأخطأ و قرأها (و تري الملائكة حافين من فوق العرش)
فالأخ التاني المفروض يرد عليه و يصلح له الآية لكن عشان هوه متضايق منه رح رادد عليه و قال (مش من فوق العرش) !!
فأعاد الأخ الإمام الآية و قال (و تري الملائكة حافين من تحت العرش)
راح ردد عليه و قال له (و لا من تحت العرش) !!
و الناس طبعاً هتموت من الضحك

السلام عليكم ورحمة الله وبركاته ..

حكى لى شيخى ، ان احدهم وهو يحفظ طفل القران ففى قوله تعالى ( سنسمه على الخرطوم ) فكان الطفل لا يستطيع ان يقرئها ولكنه يقول سنة سوده على الخرطوم فظل الشيخ يرددها سنسمه على الخرطوم ، والطفل مصمم انها سنة سوده على الخرطوم ...

السلام عليكم
لى أخ محفظ قران كانت عنده بنت صغيرة كانت تقرأ فى سورة يوسف فقالت
أرسله معنا غدا يرضع ويلعب

وعندى واحد صاحبى فى البلد عنده الراجل اللى بيأذن كان بيقول
أهى قامت الصلاة ..............أهى قامت الصلاة

ههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

» خش اضحك وبس
» اضحك كركر
» اضحك من القلب
» اضحك من الفصاحة
» اضحك على اجمد التعليقات