صور الحرامى

موضوع: صور الحرامى الأحد أكتوبر 25, 2009 4:03 pm

صـــــور أكـبر عملية ســـرقة فى تـــاريخ المــسلــمين ...... العـرض لفــترة مــحدودة
مرفق 6 صور للواقعة
صور أكبر عملية سرقة فى تاريخ المسلمين ..... العرض لفترة محدودة

-حكــمت محــكمة التــــاريخ بعـد الأطــلاع على أوراق القضـية .. بـــرفض الدعـــوى المـــقدمة من المســلمين ضـد المــتهمين ... وذلك لأن القـــانون لا يـــحمى المــغــفلين ... وأمرت بأخــلاء سبيل المتهمين لعدم ثبـوت الأدلـــة
-رفعت الجلـــــــسة ... قاضــــى التاريخ

المتهم رقم 1

كــروت شــحـن المــوبايل ( المحمول..الجوال )

-مكالمة رقم 1 مدة المكالمة : 45 دقيقة
هو : أزيك يا حب**** .. عاملة أيه .. ؟
هى : أزيك يا حب*** ..............

-مكالمة رقم 2 مدة المكالمة : 35 دقيقة
هى : أزيك يا غادة ..شفتى أخر حلقة من المسلسل النهاردة
هى : لأ .. احكيهالى كده

-مكالمة رقم 3 مدة المكالمة : 5 دقايق
الأم : أيوا يا أحمد وصلت ولا لسه ....
الابن : يا ماما انا لسة نازل من 5 دقايق ..هوصل ازاى و المشوار هياخد ساعة ....
الام : طيب أقفل يا ابنى انا 10 دقايق و اكلمك تانى اطمن عليك

-الخلاصة :كلام تافه ... ليس له أى قيمة
المأسـاة : أموال المسلمين بتطير فى الهوااا

-يا مسلمين أتقوا الله فى كلامكم ..... كل كلمة محسوبة عليكم
(ما يلفظ من قول إلا لديه رقيب عتيد)

-يا مسلمين اتقوا الله فى أموالكم .... هتتسئلوا بتصرفوها فين

-قال رسول الله صلى الله عليه وسلم ( لا تزول قدما عبد يوم القيامة حتى يسأل عن عمره فيما أفناه وعن علمه ماذا فعل به وعن مـاله من أين اكتسبه وفيما أنــــفقه وعن جسمه فيما أبلاه)

-يا ريت تفتكر مع كل مكالمة او رسالة
ان فيه رسالة عليك للفقراء
ان فيه رسالة عليك للأيتام الأرامل و المطلقات
ان فيه رسالة عليك لأطفال الشوارع ( اللى أنا واجع دماغكم بيها )

-لغــــــة الأرقـــــــــــــام
عدد المشتركين فى أكبر شركة محمول (جوال) فى مصر 22 مليون مشترك ...
يعنى لو كل مشترك أتكلم دقيقة كلام تافه ..... أحسب أنت كمية أموال المسلمين اللى بتطير فى الهوا ..... وبعد كده نشتكى الفقر ..

المتــهم رقم 2
كـــــــرومبــــــــــــو

حلــــــــقة اليــــــــــــــوم

مين اللى سرق فلوس المسلمين ... ؟

1-الأستاذ شيكا بتاع المزيكا
2-الأنسة إنشراح بتاعت الأفراح
3-الواد روش طحن بتاع كروت الشحن

لو توصلت لحل اللغز .. اتصل بى 090012345 من أى مكان فى بلاد المسلمين

مغفل الحلقة الماضية ..... قصدى فائز الحلقة الماضية.............. ..... مبروك

تعـــــليق بســـــيط
هذا مــجرد مثـــال واحــد من قائمة طويلة من مسابقات النصب و التحايل ..... و المأســـــــاة أنها عليها أقبال كبير جداً ... أتقوا الله فى عقولكم و اموالكم يا مسلمين

==================================================
المتـــهم رقم 3
قاعـــــــــات الأفـــــــــــراح

لن أتكلم عن المعاصى فى الأفراح من رقص و غناء و اختلاط .... وخلافه

أنا هتكلم عن أموال المسلـــمين اللى بتطير فى الهواااااااااااااااااا

بأى منطــــق مــن أجل 3 ســـاعـات تـــدفع 7 الاف جنية ( طبعاً ده أقل رقم فى الأفراح )

ويا ريت فى شئ مفيد ...... ده انت كمان بتبدأ حياة جديدة بأستحلال معاصى ....

وطبعاً لازم بعد شهرين تشتكى من المشاكل .. لانك نسيت قول المولى عز و جل

ومن اعرض عن ذكرى فإن له معيشة ضنكا

-لــــــغة الأرقــــــــــام
قاعات الأفراح محجوزة طوال أيام السنة (ما عدا رمضان ) ... وحتى تقوم بحجز موعد فرحك لابد ان تقوم بهذا قبل الفرح بـ 3 شهور ...

وأقل فرح تكلفته 5 ألاف جنيه X فى 200 يوم (على أقل تقدير ) = مليون جنيه فى السنة لقاعة واحدة فقط

ولكم تقدير عدد قاعات الأفراح و الليالى الملاح

==================================================
المتهم رقم 4
السينــــــــما و الحــــــــــــفلات

هذةه الصورة لجمهور أحد دور السينما ..أثناء مغادرة الفيلم
-لا تعـــــــــــليق
وياريت تشاهد موضوع ( كنت مسلـــماً ثم أصبحت مغفلاً .... ) و أنت هتعرف المأساة

-لغـــــــة الأرقــــــــــام
ثمن تذكرة السينما 15 جنيه ..... واحسب أنت خزاين المسلمين بيتسرق منها كام فى معاصى

==================================================

المتهم رقم 5
أعــــــــــــلانات العــــلاج بالأعــــــــشاب

بشــــــرى لأعـــضاء المــنتدى الكرام

أليـــكم هذه التركيبة لعلاج ( الضغط – السكر –السرطان – الفشل الكلوى – وعلاج العقم و كمان تحديد لون عين الجنين و وظيفته )

أتـــــصل على رقم 11111111111 يصلك نصــــابنا قصدى منــــدوبنا على الفور ... أحجز عبوتك قبل نفاذ الكمية

تعليــــــــــــــــق
طبعاً المبدأ الذى تتبعه هذه الأعلانات .. هو أن المريض يتعلق بسهولة جداً بأى بارقة أمل ... و لن يتخاذل فى تجربة أى شئ جديد ....

(وطبعاً هما مش عايزينك تشتريه كذا مرة لانك هتعرف انه مفيش فايدة منه .. هما عايزين كل واحد يشتريه مرة واحدة بس ... وشوف انت بقى العدد و الأموال المسروقة )

أغــــرب حاجـــــــة أنهم بيدخلوا الـــدين و يستشهدوا بالأحاديث النبوية الشريفة فى تروجيهم للنصب .. حسبى الله و نعم الوكيل

لغـــــــــة الطــــــــــــــب
أمراض السكر و الضغط .. من الأمراض المزمنة .. التى يجب أن يتم متابعتها طوال العمر ....

يعنى لو واحد من العباقرة دول أكتشف علاج نهائى زى ما هو بيقول .... والله سيتم منحه جائزة نوبل

==================================================
المتهم رقم 6
الســــــــــجائــــــــــر

الشئ الوحيد الذى أجمعت العقول على ضرره .... وأجمعت القلوب على حبه

لغــــــة الأرقــــــــــام
88 بليون ... مبيعات السجائر فى الوطن العربى .... يعنى كل ده أموال مسلمين ..عارفين بتروح فين ... بنــــــــحرقها

لغــــــــــــة الـــــــــطب

25 مرضــــــا للمدخن
الدخان يؤدي إلي الإصابة بما يزيد علي 25 مرضا إما مزمنا أو قاتلا . التدخين يصيب الأنسان بسرطانات الفم والبلعوم والحنجره والمريء والكلي والبنكرياس .

كما يؤدى إلي الأصابه بهذه الأمراض المزمنه : السكته الدماغيه والشريان التاجي والأورطي وتصلب الشرايين والتمدد الرئوي المزمن .
وهذه الأمراض لا تصيب المدخن وحده لكنها تصيب المدخن السلبي

لغــــــــــة الـــــــــــــــدين

قال تعالى ( ولا تلقوا بأيديكم إلي التهـــلكة وأحسنوا إن الله يحب المحسنين )

قال تعالى ( ولا تقتـــلوا أنفسكم )

عن النبي صلي الله عليه وسلم : " لا ضرر ولا ضرارا "

عن النبي صلي الله علية وسلم : " يحل لهم الطيبات ويحرم عليهم الخبائث "

-ملحوظة هـــــامة :
هناك الكثير من المتهمين مازالوا هاربين ..... وبأذن الله سألقى القبض عليهم فى مواضيع أخرى

حسبى الله و نعم الوكيل[list][*]

موضوع: رد: صور الحرامى الأحد أكتوبر 25, 2009 4:51 pm

[ندعوك للتسجيل في المنتدى أو التعريف بنفسك لمعاينة هذه الصورة]