لما الدكتور يقول.......يبقى قصده......!!!

لما الدكتور يقول.......يبقى قصده......!!!

طبعا محدش فينا يقدر ييعيش من غير الدكاترة

مع الاعتذار لجميع الدكاترة..........

لما الدكتور يقول
الموضوع ده ما يستناش لازم نتصرف فيه فورا
يبقى قصده
لازم نلحق نعمل عليك شغل لأن لو استنينا هو هيخف لوحده وتضيع علينا الفرصة!!

لما الدكتور يقول
ايه تاريخك المرضى؟!!
يبقى قصده
عايز لأعرف أسامى الدكاترة اللى كنت بتتعمل معاهم علشان أعرف انت دفيع ولا.....!!!!
لما الدكتور يقول
استعمل الدواء ده وعدى عليا بعد بكرة
يبقى قصده
ده دواء لا بينفع ولا يضر تعالى لى بعد يومين أكون سألت حد بيفهم!!

لما الدكتور يقول
أشوفك بعد عشرة أيام
يبقى قصده
علشان تدفع كشف جديد انت مش قرأت اليافطة وانت داخل مكتوب عليها"الاستشارة فى خلال أسبوع من الكشف"!!
لما الدكتور يقول
فى عندى خبر وحش وخبر كويس:عندك مرض خطير بس لو مضيعناش وقت ممكن نعالجه
يبقى قصده
الخبر الكويس انى أخيرا هشترى عربية مرسيدس والخبر الوحش انك هتدفع تمنها!!

لما الدكتور يقول
احنا هنتابع تطورات الحا له أسبوع كمان قبل ما نقدم على أى اجراء
يبقى قصده
الصبر طيب يمكن البلوة دى تتحول لحاجة نعرف لها علاج!!
لما الدكتور يقول
انت محتاج تعمل شوية تحاليل
يبقى قصده
من الآخر أنا مش عارف انت عندك ايه يمكن الواد بتاع المعمل يعرف ينورنى!!

لما الدكتور يقول
اعمل التحاليل فى المعمل ده أنا بثق في النتائج بتاعتهم
يبقى قصده
بيدفعولى عمولة 40% من تمن التحاليل!!

لما الدكتور يقول
أنا هحولك على أخصائى يشوف حالتك أحسن منى
يبقى قصده
انت صحتك زى الفل بس الراجل ده مزنوق فى قرشين وواجب ننفعه!!

لما الدكتور يقول
أنا هوصفلك دواء جديد ممتاز
يبقى قصده
هجرب فيك الدواء ده أنا محتاج حالات أعمل عليها البحث بتاع الترقية!!

لما الدكتور يقول
صحتك زى الفل
يبقى قصده
حاجة تزعل فعلا يعنى هدفع القسط بتاع الفيللا منين ياربى!!

لما الدكتور يقول
اذا الأعراض دى ما اختفتش خلال اسبوع عدى عليا تانى
يبقى قصده
الحالة بتاعتك مقرفة قوى لحسن الحظ أنا الأسبوع الجاى فى مؤتمر برة!!

لما الدكتور يقول
المضاد الحيوى ده ممتاز جدا مع انه غالى شوية سيبك من البديل الرخيص بتاع زمان بقى غير فعال
يبقى قصده
مندوب المبيعات بتاع الشركة لسة خارج من عندى ومدينى شنطة دعاية جلد تجنن!!

منقول
يارب تنول إعجابكم

فى عندى خبر وحش وخبر كويس:عندك مرض خطير بس لو مضيعناش وقت ممكن نعالجه
يبقى قصده
الخبر الكويس انى أخيرا هشترى عربية مرسيدس والخبر الوحش انك هتدفع تمنها!!

[ندعوك للتسجيل في المنتدى أو التعريف بنفسك لمعاينة هذه الصورة]

مشكور جدا بس كدة الدكاترة هتزعل منك

تسلم ايدك

[ندعوك للتسجيل في المنتدى أو التعريف بنفسك لمعاينة هذه الصورة]

تصدق بالله والله بيحصل
فى دكاترة كتير بتاجر فى مرض الناس
ربنا يستر من اللى جاااااى
ولكل قاعدة شواذ مش بعمم اللى بقولة بس فى
زى مافى محاميين بتاجر فى مشاكل الناس
وكدة يعنى

الحمد لله انا صيدلى
مشكوووووووووووووووووووووووور
وملكش دعوة بالصيادلة خليك شغال على الدكاترة البشرى كدا على طول وانا هابعتلك فيتامين كويس

ميسي
شكرا لمرورك الغالي
[ندعوك للتسجيل في المنتدى أو التعريف بنفسك لمعاينة هذه الصورة]
شمس مصر
والله عندك حق
ربنا يستر علينا
وشكرا لمرورك الغالي
[ندعوك للتسجيل في المنتدى أو التعريف بنفسك لمعاينة هذه الصورة]
أبو نور
إنت تأمر والله
من غير فيتامين ولا حاجة
إحنا بنحب نخدم
ههههههههههههههههههههههه
وشكرا لمرورك الغالي
[ندعوك للتسجيل في المنتدى أو التعريف بنفسك لمعاينة هذه الصورة]

» كل واحد يقول نكتة على عضو من اعضاء المنتدى
» جميع دروس الدكتور طارق سويدان ام بي 3
» يبقى انت اكيد فى مصر
» كل واحد يدخل يقول نكته
» علشان محدش يقول انى بشتغل حد!!!!!!!!!!