رنيت على
نمره وماعرفهاش
ردت بنوته
بدت الحدوته
قولتلها لنحكى لأما بلاش
قالت أتكلم
منك نتعلم
والكلمه الوحشه متقولهاش
قولتلها يا حلوه اسمك ايه
ردت وانا اسمى يفيدك بايه
قولت لنتعرف
قالت نتشرف
وتقولى يا أنت اسمك أيه
غيرت انا اسمى
قولتها انا رامى
ضحكت قدامى
وضحكت كمان مش عارف ليه
سكتت ضحكتها
ويا ريتها تعيدها
شدتنى اليها بنت الايه
قالت اكلم
ليه انت مبلم
قول ليه بترن وعايز ايه
وبصوت مكسوف
وخيال ملهوف
قولتلها انا اسف يا اسمك ايه
قالت انا سلوى
بنوته وحلوه
وانت بتتاسف علشان ايه
قولتها ياقطه
حسيت بالغلطه
ردت بالراحه عليا يا بيه
مين قالك قطه
دانا بيضه وبطه
انت محيرنى معاك كده ليه
مش انت فريد
ابن ام وليد
وتاريخ مواليدى قالتلى عليه
بدئت تكشفنى
اتريها تعرفنى
قولتلها وانتى تطلعى ايه
قالت ماتركز
فىالصوت والضحكه
ليك عندى مفاجئه انما ايه
قولتلها قوليلى
يلا وفاجئينى
وادينا بندردش يحصل ايه
ضحكت ضحكتها
وسكتت لحظتها
وقالت انا اختك دينا يا بيه
موضوع: غلطه جوال (كده بالعاميه) 
