[size=18][b]من أجلك أنت) هذا هو الشعار الذى اختاره
الحز ب الوطنى لنفسه فى مؤتمره هذا العام، من أجلك انت يعنى بالبلدى كده
(علشانك انت)، ياه.. الله يرحمك يا عم نجيب يا ريحانى، فهو أول من أطلق
هذا الشعار، وأضاف إليه أيضاً موجهاً إياه إلى ليلى مراد قائلاً (علشانك
انت أنكوى بالنار وألقح جتتى وأدخل جهنم وأنشوى وأصرخ وأقول يا دهوتى).. لذلك
أقترح أن تكون هذه الأغنية هى أغنية المؤتمر هذا العام - مثل الأغانى التى
تصنع خصيصاً للأفلام - كما أقترح أن تكون دويتو بين الشعب والحز ب، مثلما
كانت دويتو بين الريحانى وليلى مراد، على أن نحول الضمير المؤنث فيها إلى
المذكر، بالطبع سيبدأ الشعب الغناء بعد علمه بقرب انعقاد مؤتمر الحز ب، وما
يشاع حوله من أنه تمهيد لأشياء لا يتمناها ولا يرغبها أى مصرى!! والشعب
(متوجساً): عينى بترف وراسى بتلف وعقلى فاضل له دقيقة ويخف!.. الحز ب
(مندهشاً): عينه بترف وراسه بتلف وعقله فاضل له دقيقة ويخف!.. الشعب
(طالباً الكلمة): تسمحولى كلمة واحدة..الحز ب (مرحباً): قول يا نور
العين.. الشعب (متسائلاً ومستفسراً ومستنكراً): بدى أعرف نفسى أعرف (هموت
وأعرف) إحنا رايحين فين؟.. [b] الحز ب (متفائلاً): رايحين عالبلد اللى بتجذب كل
استثمار.. نبيع ونخصخص ونودع فكر (الأحرار).. الشعب (متخوفاً وقارئاً
للمستقبل): والله أنا حاسس.. الحز ب (مستفهماً ومشيراً لقوات الأمن المركزى
بالاستعداد): إيه؟.. الشعب (متردداً وخائفاً): لا مافيش!.. الحز ب
(مطمئناً الشعب): حاسس بايه قول ماتخبيش.. الشعب (مستريباً): حاسس بمصيبة
جايالى..الحز ب(مدعياً الاهتمام وكأنها فارقة معاه): يا لطيف يا لطيف..
الشعب (مؤكداً مخاوفه): مصيبة ماكنتش على بالى.. الحز ب (مكرراً):
يا لطيف يا لطيف.. الحز ب(طالباً): أنا عايز حاجة.. الشعب (مستنكراً): هو
انتو خليتوا حيلتنا حاجة؟! عايز إيه؟.. [/b] الحز ب (مبتهجاً): عايز أبيع، عايز
أخصخص، عايز أعمل صكوك مش عارف ليه.. الشعب (مذعوراً): يا لطيف يا لطيف..
الحز ب(سعيدا) مش عارف بأمارة إيه.. علشانك أنت أنكوى بالنار وألقح جتتى،
وأدخل جهنم وأنشوى وأصرخ وأقول يا دهوتى.. وتنتهى الأغنية وينزل شعار
االحز ب بصوت رخيم ورنان (من أجلك أنت).[b]أحمد عبدالغنى
موضوع عجبنى
منقول
موضوع: علشانك إنت 
