رجل (الحمار)

موضوع: رجل (الحمار) الخميس فبراير 19, 2009 10:10 am

يلا بقى استمتعوا مع الحمار :

عجبى عليك يا ابن آدم يا كبير الدار

قومت الدنيا وما قعدت لما قالوا حمار

هوه اسمى شتيمة ولا جمجراوىى ده عار :

خلقنى ربى وخلقك ولا حد له خيار

وانا مهما زاد الحمل فوقى صابر على

المشواااااااااااااااااااااااااااااااااااااااااار

لافى يوم اقول اشمعنى اخويا وآخد منه تار

ولا يوم ابص لرزق غيرى وأطق منه وأغار

ولا ارفع فى يوم عينى على جارتى واصون الجار :

ولا مهر ادفع لحمارتى ولا شبكة ولا شواااار

ولا شقة اجمع فى ثمنها ولا أجهز دااااااااااااااااااار

ولا حرمى حامل تتوحم وتطلب الكافيار :

ولا بنت تخرج عن طوعى وتجيب العار

ولا ابن يدمن ويهلوس ويقع منهاااااااااااااااااااار

عايش فى حالى متهنى وليه الافكار

باكل وبشرب وانهق ومافيش اسرار

وعندى ابن آدم يخدمنى ليل ونهار

ان جعت يشترى برسيمى باغلى الاسعار

وفى مرضى يفضل يعالجنى ويدعى الستار

خادم امين من غير راتب ولا حتى ايجار

والحين عرفت يا بنى آدم مين فينا حمار

[ندعوك للتسجيل في المنتدى أو التعريف بنفسك لمعاينة هذه الصورة]

انا اعترف ان الادب ظلم الحمار

» مين الحمار
» الغبى و الحمار