السلبية إلى أين ؟؟؟؟؟

السلبية إلى أين

لا يوجد معنى لسطوة مقولات مثل "خليك فى حالك" او " امشى جنب الحيط" او "و انا مالى" او " كبر دماغك" او " امشى سنة و لا تعدى قناة" و غيرها من التعبيرات التى تحمل او تدور حول نفس المضمون سوى انها ترسخ لمعنى و مفهوم خطير جدا فى حياة المصريين...و هو مفهوم السلبية
السلبية تحيط بنا فى كل مظاهر حياتنا ..احيانا تكون مختفية خلف ستار الاحداث و لا نرى الا اثارها المدمرة و احيانا تطل فى وجوهونا بمنتهى الوضوح و القبح معلنة عن وجودها كأمر واقع لا نستطيع فعل اى شىء حياله
السلبية حولنا فى مظاهر كثيرة فى الشارع نجدها يوميا و نضحك على انفسنا بعدم مواجهتها بحجة البعد عن المشاكل و عدم التدخل فى ما لا يعنينا و نتهم من يحاول تصحيح ابسط الاخطاء او مواجهة مرتكبيها بالسفه او انه بينفخ فى قربة مقطوعة
السلبية حولنا فى العمل و لا نفعل شيئأ حيالها بحجة اننا عايزين ناكل عيش... نهرب من مواجهة التقصير و لا يهمنا العمل نفسه بقدر ما يهمنا المرتب اخر الشهر....نعشق الهروب من تحمل المسئولية و نسميها تصدير و تدبيس
السلبية حولنا فى العلاقات الانسانية مع الاخرين و نهرب من مواجهتها بحجة ان كل واحد مشغول بنفسه و ان اكل العيش و السعى على الرزق مخلينا ندور فى الساقية بدون تفكير فى الاخرين او الانتباه للاشياء الصغيرة التى تؤثر فى علاقتنا معهم
السلبية حولنا فى المجتمع و فى امراضه المستعصية على الحل بسبب تراخينا عن اصلاح ما يفسد بحجة ان مافيش فايدة و ان مش احنا اللى مسئولين عن تصليح الكون حولنا
السلبية حولنا فى الحياة السياسية - اذا كان هناك حياة سياسة من اساسه – بعزوفنا عن المشاركة الايجابية او محاولة تغيير الواقع السياسى المخزى او مقاومة الاستبداد و تبدو الحياة السياسية من اقوى الجوانب التى تظهر فيها السلبية بأقصى صورها حين يصبح لا قيمة لصوت او رأى للشعب فيمن يحكمه و حين تصبح الديمقراطية و حرية التعبير باهظة الثمن و حين يصبح التزوير او شراء الاصوات هما الاختيارات المطروحة امام صندوق الانتخابات
و رغم كون السلبية السياسية هى البادية على السطح و هى اول ما يتبادر الى الاذهان عند طرح كلمة السلبية الا ان السلبية فى الجوانب الاخرى من المجتمع هى لا تقل خطورة و فتكا

و ليست السلبية السياسية الا فرع من فروع شجرة خبيثة لها جذورها الممتدة فى وعى الانسان المصرى و مفاهيمه
فهل اصلها الخوف؟
الخوف من السلطة بكل انواعها (سياسية – دينية – اقتصادية – اجتماعية) و الناتج عن القمع و الاستبداد الذى عاناه هذا الشعب على مر العصور...

الخوف من المستقبل و ما قد ياتى به..الخوف من تغيير الاوضاع تجنبا لتطورها للأسوء و تفضيل بقاء الوضع على ماهو عليه خوفا من المغامرة بالتغيير..الخوف من اخذ المبادرة و زمام الامور و الانتظار دائما للقائد او البطل الشجاع الذى سيتقدم الصفوف و يتبعه الاخرون حتى و ان دام هذا الانتظار لعقود
ام ان اصلها الانانية؟
تفضيل الذات و ارتفاع مفهوم الانا و تعظيم قيمة المصالح الشخصية على حساب المجموعة و سيطرة مفهوم "انا و من بعدى الطوفان" على تفكير الاغلبية و الناتج عن ضعف الانتماء للوطن و المجتمع و الشعور المستمر بالظلم الاجتماعى و اهدار الحقوق
السلبية حقيقة واقعة لا يمكن انكارها... و كلنا نتحمل مسؤلية ما آل اليه حال المجتمع حيث لا يمكن انكار اننا كلنا سلبيين بدرجة ما
فما الحل؟
كيف السبيل الى مواجهة السلبية و القضاء عليها؟
ماهى اصول السلبية فى نفس المواطن المصرى و متى اعتبرها قاعدة مسلم بها؟
هل و اجهت فى حياتك مثال او موقف واحد تمثلت فيه السلبية و اثارها المدمرة؟
كيف نشخص السلبية و نتعرف على اسبابها الحقيقية التى تساعدنا معرفتها على مقاومة السلبية و القضاء عليها؟
ماهو البعد الاعمق فى ظاهرة السلبية؟ هل هو بعد دينى , سياسى , اقتصادى..ام اجتماعى
هل بداية التغيير تاتى من مكافحة السلبية بشكل عام و منها نخلص للقضاء على اقسى انواع السلبية و هى السلبية السياسية؟
ام ان العكس هو الصحيح و قدرة الناس على التغيير السياسى و الخروج من حصار الاستبداد و القدرة على تقرير المصير هو الذى سيقضى على السلبية فى جوانب المجتمع الاخرى؟
فى انتظار اراؤكم و مشاركتكم الفعالة فى حوار مفتوح عن السلبية

بجد موضوع ممتاز يا تيمور

انا من وجهة نظري ان نبتة السلبية يزرعها الاب في ابنه من البداية حين يفكر بدلا من ابنه ويزرع بعقله الخوف منه
والتسلط العنيف من كثير من الاباء على وجهات نظر ابنائهم
ينتج عنه ابن سلبي يتطور ليكون طالب سلبي في مدرسته وجامعته لينتهى به الحال الى مواطن سلبي
يهاب كل شيء

فنداء الى كل اب وكل ام احترموا فكر ابناءكم ولتكن المعاملة بينكم مبنية على الاحترام والتفكير السوي ليست اهمالا لراي ابنائكم
والتسلط على عقولهم
وكل ابن وابنة اعلم واعلمي ان الانسان يحي مرة واحدة ويموت مرة واحدة وان العمر والرزق بيد الله

فلا تخف من سواه

متشكر يا بلبل على الرد
وانا معاك بس ازاى والاب والام هما اصلاُ سلبيين فى حياتهم وفى شغلهم
ومش بعيد كمان يكون الاب كان سلبى فى اختيار زوجته ههههههههه

انا اتفق تمام الاتفاق مع المغامر

ان الاسرة بالفعل هى التى تساعد على القضاء او نبات السلبية

فالاسرة التى تتيح لابنائها كل سبل الراحة دون مشقة او تفكير منه

فهذا يساعد على تنمية السلبية عند الاطفال

وبالنقيض

الاسرة التى تترك لاطفالها مجالا للتفكير والابداع

مع عدم توفير كل وسائل الراحة الا بعد جهد وتعب

هذا يقلل من سلبية الطفل

وشكرا ليك بجد على الموضوع المتميز ده

ههههههههههههههههههههههههههه
حلوة يا تيمور كنت متاكد انك هتقول ان الاب والام اساسا سلبيين
بس دي ذى حكاية البيضة ولا الفرخة ملهاش اخر

هنعمل ايه

شوفلها حل ههههههههههههه

واشكرك ياميسي على اتفاقك التام معايا انت حبيبي

سلام عليكم

فى رأييى ان فى ناس اصلا مش عايزه تتحرك من مكانها وبدل مايقولو

كبر دماغك او انا مالييش فى السياسه
يقولو واحنا هنعمل ايه يعنى هو احنا لو عملنا حاجه هنغير شيئ فى السياسه
وفى الاصل انهم رافضيين التغير اصلا وكلامهم المحبط بيأثر على الباقى

مثلا زى مسحى لموضوع اشتاق ل لرجال
سبحان الله الموضوع هو نفسه

لما ناديت وقولت استغاثه قولو لا خليكو رجاله زى الصحابه ارفضو بناء سينما فى السعوديه

كل اللى شارك نسى موضوع السينما وركزو فى كلمة اشتاق لرجل

والردود كانت يعنى مفيش رجاله

واللى تقول الرجاله ماتو فى الحرب

واللى يقول يعنى لو اكلمنا هيعملو حساب لينا

غير انها قلبت بخناءه فى النهايه

وللاسف انى مسحت الموضوع وكان موقف سلبى منى طبعا
ودا بسبب سلبية الاخرين وعد اتخاذهم القرار السليم

وطبعا مع احترامى لعضوين اللى قالو كلمة الحق

لكن عموما الاحباط بيكون سبب فى اتخاذ موقف سلبى

واحيانا الخوف بالنسبه للأمور السياسيه والدينيه

يعنى مثلا فى مشايخ مبيقولوش كلمة حق وبيكونو سلبيين خوف من انهم يترحلو

او من امن الدوله طبعا

ونفس الحال فى السياسه

الطمع بالنسبه لذوات المناصب العاليه

والانانيه طبعا مثل ما قولت ان الواحد ينجح ويتفوق ويقول انا مالى تخرب بئا هو انا اللى هغير الكون

للأسف السلبيين كتير أوى

واصحاب المواقف موجودين بس مستخبيين منتظرين حد يجى يطلعهم من الجحر

شكراً يا كعبولة على الرد
وشاكر جداً على التحليل الرائع ده للموضوع وردك الموضوعى والواقعى
بس لو فكرنا ناخد خطوة تخلى الناس تتحرك او تحس ان فعلاً فى ناس اصحاب مواقف يبقى افضل!!
انا فى مرة فكرت فى فكرة قالولى عليها اصحابى انها عبيطة وهاتودينى فى داهية
فكرت ان الناس اللى بتكتب كلام على النت
ممكن احنا ناخد الكلام ده ونطبعه ونوزعه على الناس اللى مش مهتمه بالانترنت ( زى المنشورات زمااااان) هههههههههه
فقالولى بلاااااااااااش احسن تتخطف

هههههههههههههه
لا اكتب يا تيمور ومش هتتخطف لوحدك هنكون سوا على الاقل نونس بعض

بس في السياسة بس
فاهمني

قديمه

جربتها وكانت الورقه ببتاخد باليمين و يحتفظو بيها فى وسط حاجات او يرموها

واللى يقراها هيجامل بكلمتين ويقول ربنا يقويكم

ههههههههههه

شوف حاجه تانيه

ههههههههههههههههههههههه
معايا يعنى يابلبل
فى حد تانى جاى معانا
احنا هانطلع رحلة للقناطر ........بس مش اللى انتوا عارفينها ههههههه
رايحين رايحييييين

قولتولى سجن النسا فين ؟

شوفتى بقى يا كعبوله
كده انتى من الناس اللى بتسبب السلبية هههههههه
عموما انا ماقدرش اوزع الحاجات دى علشان انا مش فى مصر البركة فيكوا بقى هههههههههه
وماتقلقوش لو حصلكوا حاجه انا برده معاكوا هاقعد ادعيلكوا واشجب واستنكر هههههههههه
سلبى بقى هاعمل ايه

في القناطر
قريب

هههههههههههههههههههههه

طب والله يا جماعه انا نفسى ناخد موقف بجد

ونعمل حاجه نافعه نعمل تغيير

وحتى لو كنت مغترب ايه يعنى هاتقدر تلاقى مصريين فى البلد اللى انت فيها
بس حكاية الورقه دى مبتجيبش نتيجه الشعب كله عارف الصح والغلط والجرايد مليانه ومفيش اكتر من حكاوى القهوه

شوفولنا فكره تانيه

من عجز عن اصلاح نفسة كيف يكون مصلحااااا لغيرةة؟
شكللك هتبقى منفى ياتاتو طول عمرك عايزينك
اللهم اكفينا شر السلبية والسلبيين
ههههههههههههه

من عجز عن اصلاح نفسة كيف يكون مصلحااااا لغيرةة ؟؟

ايه المقصود بالكلام دا؟؟

مش بقولك واخدة منى موقف مش عارف لية وبتهاجمينى لمجرد الهجوم وعلى العموم هجاوبك يمكن اساءت الظن لان الظن اثم كبير
بصى يااختاةة انا بقصد ان كل واحد يبدأ بنفسة ويطورهاا بمعنى يحارب سلوكياتة المتدنية من عادات موروثة ومكتسبة ان يحاول كل فرد يتبع تعاليم الاسلام لجعلة انسان سوى يجبر الكل على احترامة يعنى لوكل واحد قرب من ربنا تفتكرى هتلاقى حد عندة سلبية عندة حزن عندة كبائر طبعااا لاء اين الدين منا الان اوعى تفتكرى انا سلبى ابداااا ارجو ان تكون المعلومة وضحت لكى

كلام سليم

ومش و اخده موقف من حد انا بس حبيت افهم

بس احنا بنتكلم على اساس احنا اريدى بنصلح من نفسنا

ايه المشكله اما تصلح الاتنين مع بعض

طول عمرنا هنفضل نتعلم هنصلح امتى بئا لما نموت ؟

بالظبط كدة
سعد قال مفيش فايدة

هيثم نصر كتب:: بالظبط كدة
سعد قال مفيش فايدة

ههههههههه
وبعد 90 سنة المغامر بيقول مفيش فايدة

صبااااااح السلبية يا رجاله

مساء الفل ياريس

بس بذمتك مش دي الحقيقة

الحقيقة المرة بجد

علشان كده الريس قال

احنا عايشين ايام سوده واللى جايه اسود

مش عشان الفلوس لا علشان سلبيتنا لاننا مش عارفين ناخد موقف وهو متأكد

اننا مش هناخد موقف

لسلبية الشعب

ما شاء الله

انا وهيثم عشان بنقول الحقيقة بقينا الشعب السلبي كله

طيب فين باقي 80 مليون

اسالوهم في فايدة ولا مفيش