السلبية إلى أين ؟؟؟؟؟

تذكرت مسرحية وجهة نظر لمحمد صبحى

وكان مع مجموعه من معاقين البصر وطبعا دول رمز للشعب اللى مش شايف الحقيقه

وراضى بلقمة عيشه وهو عارف انها حقيره وبيتسرق منها اكتر مابياكل هو منها

وكان واحد من ضمنهم هاننى رمزى دايما يقول مفيش فايده

ههههههههههههه

مقصدتش التجريح والله ولا اى شيء وحش

بس حتى محمد صبحى فى امسرحيه كان اعمى مقالش مفيش فايده

وقف وعرف اللى ليه واللى عليه

طالب بحقه وعلى صوته وصله لاعلى المناصب فى المؤسسه والمقصود بيها مصر طبعا

لحد ما خلى واحده فتحت وطبعا الباقى وراها
المهم عمل انجاز

فاز من حياته انجاز

برااااااااااااافو

يعني المسرحيات حلال
وبنتعلم منها العبرة؟؟؟؟؟؟؟؟؟؟!!!!!!!!!!!!!!!!!

لا مش حلال


بس اتفرجت عليها زمان ايه يعنى

انتو واقفنلى على الواحده ليه انت وهيثم

بس دى قصه سياسيه افتكرتها بالذات وانتو عمالين تقولو مفيش فايده

هههههههههههههه

حاشى لله ان اكون واقفلك على الواحدة

احنا بنتحاور
بس حضرتك في الموضوع المحذوف ثورتي عليا عشان السينما مع اني اعترفت انها حرام بس بدخلها

وانت رضيتي نفس الرد الان ان المسرحيات حرام بس شوفتيها
مين بقى اللي بدا

المقصود ان كلنا بشر وكلنا نخطىء وايضا نتوب والله غفور رحيم

وكل واحد حر المهم لاضرر ولا ضرار

لا طبعا


انا قولت شوفت المسرحيه زمان مش دلوئتى

ثانيا مش معنى اننا نغلط اننا نسمح للغلط يتفاقم وياخد اكبر من حجمه

يعنى انا عند رأييى فى اننا نرفض بناء سينما حتى لو كنا غير كامليين

بس منبنيش سينما فى السعوديه

منرضاش الخراب يدخل لاخوانا المسلمين زى مادخل لينا

ومين قالك بس ان الخراب مش موجود بالمملكة

مفيش غير الحرم المكي وحرم الرسول بالمدينة ال فعلا مفيهومش خراب باقي المملكة ارض عادبة
ذي اي بلد


وهم مش محتاجين سينما عشان يخربو
البركة في الملحق( البحرين)

الموضوع مش اننا واقفين لبعض على الواحدة
لأننا المفروض واقفين مع بعض فى ناحية واحدة
الاخت كعبولة ضربت مثل من مسرحية شافتها زمان وده مش عيب
لأن الشيخ محمد حسين يعقوب سمعتله درس ضرب مثل من فيلم وقال برده انه شافه زمان

بلاااااش كده والنبى
وبعدين المسامح كريم

فى مثال تانى فى المسرحية دى بعد اذنكوا
لما كان مدير المؤسسة بياخد اصوات المكفوفين

هو سأل سؤالين
وفى الاثنين كل المكفوفين رفعوا ايدهم فى سؤال ومحدش رفع ايده فى السؤال التانى

لكن هوه وببراعة منقطعة النظير
قدر يغير النتيجة ويزيف الحقيقة ويقلب الموازين ويزعلهم من بعض
انتوا عارفين ليه
لأن مفيش حد منهم كان شايف اخوه



احنا دلوقتى كده
ممكن تاخد موقف وبعد فترة تحس انك لوحدك يقوم يجيلك احباط
وطبعا مدير الموسسة اللى احنا فيها هو المستفيد
لأننا مش شايفين بعض
ولا سامعين بعض
ولا حتى بنتكلم مع بعض

انتوا عارفين احنا لو اتكلمنا وسمعنا وشوفنا بعض هانقدر نكشف حاجات كتير منها ضعف السُلطة اللى فى المؤسسة
وكمان هانقدر نكشف الراجل ابو كرسى اللى احنا فاكرينه قوى وطويل ومفترى
مع انه فى الحقيقة ضعيف وجبااان ..........لا وكمان قصير جداً