& كرسى الاعتراف &

[ندعوك للتسجيل في المنتدى أو التعريف بنفسك لمعاينة هذه الصورة]

انا اختار
العضو
المميز
صاحب
او
صاحبه
الصيت
الجامد
ا
ل
ع
ض
و

.
.
.
.
.
.
..
.
.
..
.
.
.
.
.
.
.
.

العضو
هيثم نصر

ربنا يوفقك يا هيثوم

ههههههههههههههههههههههههههههه

تعلالى تعلالى يا هيثم

اول سؤال

ايه رايك فى مركز شباب جمجرة ؟

ايه رايك فى منتدى جمجرة ؟

افضل عضو فى مجلس الادارة فى مركز شباب جمجرة نشاطا ؟

اكله مفضلة ؟

احلى مكان بتحب تروحه ؟

احلى انسان كلمته فى حياتك فى الحقيقة وعلى النت ؟

انسان تتوسم فيه الذكاء ؟

شعورك تجاه قضيه فلسطين ؟

احساسك تجاه كرسى الاعتراف ؟

ولنا تكملة

ايه يا ميسي هو انت مسافر اسبوع ده انت خليت الراجل يطفش
[b]

ازيكم اخوانى

فى الاول اشكركم على اختيارى وخصوصااا العشرى اللى هشكرة على طريقتى بس اما اشوفة
واحب اقولة اشوف فيك يوم واحب اشكررر الجبرتى وميسى اللى نبهونى بكرسى العرش عرش منتدانا قصدى كرسى الاعتراف وانا مستعد لية بس اتمنى الاسئلة تكون خفيفة مش محرجة وياريت اللى يسال ميكترش اسئلتة عشان الاحق عليكم وسلام انا جاااى اهو للاجابة

سؤالى ليك ياهيثم ماذا يمثل لك النادى الاهلى

موضوع: انا جيت السبت أبريل 11, 2009 12:47 pm

اية ياميسى الاسئلة دى كلها هرد عليها امتى كنت قابلتنى وانا اجوبك بينى وبينك على العموم شكلها اسئلة تودى فى!!!!طبعاااا عارف

1)مركز الشباب محتاج كتيررررررر واتمنى مشاركة كل من له موهبة عشان نحيي النشاطات الميتة فى النادى ويساعدونا شوية بس اتمنى الصبر شوية وبعد فترة احكمو علينا
2)جميلة الفكرة بس نحافظ عليها ونطورها كمااان وكمااان اتمنى انة يفيد الناس كلها جوة البلد وبراها
3)مش انا اللى اقول المفروض انت وغيرك هما اللى يقولو لانى انا مش هشوف حد منهم
4)المحشى بانواعة ولو محشى ورق جرايد ههههه/الكشرى/الحواوشى
5) بحب اسافر جوة نفسى والاماكن اللى بحب اروحها المكان اللى فية خضرة وماية
6) لو قصدك جمال الشكل تبقى بنت قابلتها فى محطة القطار رمسيس وركبنا سوا كانت جمالها ملوش حل اما النت لو حلوة بشوفها وحشة مش عارف لية لانى معظمهم اخلاقهم متدنية
7)براعم اللى فى كتاب الشيخ تامر شايف انهم هيكونو ليهم مستقبل وشايف فيهم ذكاء وعمر ابن خالى شايف فية ذكاء خارق بس يارب يستمر على كدة
8) احساس محزن اتمنى يكون ليها حل القضية دى ومع ان حلها مش محتاج تفكير قرب من ربنا+ وحدة تنحل ان شاء الله
9)فكرة حلوة بس يحتاج صراحة مش مثالية فى الاجابة وانا كنت صريح بجد ودى احد عيوبى
بس بجد ياميسى ارهقتنى اية ياعم الاسئلة دى وبلاش الاسئلة اللى تحرج دى وشكرااا ياباشاليك يوم ياااااا
طبعااا فاهمنى

ياسلام على اسئلتك ياروئة شفت ياميسى الاسئلة اتعلم بقى

الاهلى دة كيان مبنى على الحب والوحدة ودة اللى مخلية يحصد كل مسابقة يخش فيها
ويسلام لو دة موجود مع الحكام العرب والبلاد العربية هنرجع القوة الاولى زى ماكنا زمان
انا عاشق للاهلى

موضوع: سلام السبت أبريل 11, 2009 2:26 pm

حمدالله ع السلاكة يا هيثوم

تعالى انا مستجمجراوى من زمان

هسألك سؤال واحد

بس تجاوب بصراحة

إيه رايك فى كل من< أحمد نظيف. أيمن نور. ابوتريكة.جمال عبدالناصر>

÷ههههههههههههههههههههههههه

يا رب تعدي علي خير يا نبيل انت وهيثم

اية الاسئلة اللى تحبس دى اوك يادكتور معاك

بالنسبة لرئيس الوزرة احمد باشا نظيف
اولا)دا قاتل ويوجد دليل وكل جمجرة هتتفق معايا لو قولت السبب لانة غايب عن الكل السبب واتمنى حد يسالنى على السبب عشان اجاوب
ثانيا)دا الراجل اللى بتحبة الحكومة وبيكرهة الشعب
اما ايمن نور دا بقى هو المغامر الحقيقى انا مش بجردك من لقبك يادكتور واتمنى النظر لايجابياتة وترك سلبياتة الكمال لله وحدة دة الراجل اللى خلى الوف الناس تتمرد وتبحث عن التغيير وانا من ضمن الناس دى حاسس انة بريق امل والله اعلم
اما ابوتريكة شخص جميل يستحق كل ماهو فية من محبة وتقدير انسان بسيط مش مغرور صريح لازم احبةلانة مننا بيعانى وعانا زمان من الفقر مصرى بمعنى الكلمة
اما جمال عبدالناصر دة حبيب قلبى وانا مش هقدر اتكلم عنة عشااااان مش هوفية حقة كلام اللى هقولة مش هيكفية ومميزاتة كتيررر يكفى انة انصف الفلاح المصرى يكفى انة ترك الحكم لما حس انة مقصر حاجات كتير متتعدش شكراااا يادكتور

خد عندك يا هيثوم

حبيبي

قوله ايه رايك فى قضية عاطف عبيد مع المستثمرين بتوع سينا
او ايه رد فعلك
على اقالة محمود ابو زيد

رد يا سياسي

اخبارك ايه مع الكرسي مريح ولا ايه
ربنا يقويك عليه يا عم
اما انا بقي هسئلك السؤال اللى انت عاوره

بالنسبة لرئيس الوزرة احمد باشا نظيف
اولا)دا قاتل ويوجد دليل وكل جمجرة هتتفق معايا لو قولت السبب لانة غايب عن الكل السبب واتمنى حد يسالنى على السبب عشان اجاوب

ايه السبب

بسي مش انتي علي كرسي الاعتراف

جاوب يا عم هيثم علي سؤالي

قبل منسي السؤال اللي محضر هولك

انا لو اتحبست هتكون انت السبب ياعشرى

بالنسبة لعمنا عاطف انا مش ملم بالقضية بس هو زية زى اللى بعدة فتحنها على البحرى اما محمود ابوزيد اتشال عشان اتجرئ وقال ان مشروع توشكى فاشل ودة مخالف لراى الحكومةكان لازم يقول اعظم مشروع وعلى فكرة من الناس اللى قعدت كتير فى الوزارة بس شكلة حد كويس او شكلة فاق متاخر الله اعلم

اما انتى ياحبيبة

اخبارى مع الكرسى مش ملاحق عليكم وشكلى هتحبس على ايديكم
اما ازاى بقى الباشا قتل
هقولكم
فاكرين يوم ماكان رايح المنصورة مش فاكر لية من فترة قريبة
طبعاااا عملو تامين للطريق
بتوع الدخلية
وبتوع الطرق شالو المطبات الصنعية وخصوصاا عند جمجرة بلدنا عشان يبقى مستريح وهو ماشى المفروض المطبات دى معمولة عشان تهدى من سرعة العربيات وخصوصاا قدام مدخل البلد المهم
شيخ الغفر بتاع النقطة بتاعتنا كلنا عارفينة عمك عبدالنافع كان فى اليوم دة بيسلم عهدتة عشان طالع معاش وكان رايح بنها يسلم البندقية تقريبا عربية خبطتة قدام البلد لية عشان المطب اتشال اللى بيهدى سرعة العربيات قدام البلد واكيد هو الله يرحمة كان عامل حسابة ان المطب موجود هو فى الاول والاخر قدر ونصيب بس انا رايي رئيس الوزرة كان لية سبب فى كدة واللى يضايق ان المطب اتعمل بعدها حسبى الله ونعم الوكيل

ايه يا جماعة انتم فكرين مصطفي كامل علي الكرسي

وحدة وحدة عليه انتم لا تعلمون احنا اقنعناه ازاي
ازيك يا هيثم
السؤال الاول ما الفرق بين الخال والعم

بعد اول قلم الكلام بيجي لوحده

اية ياجبرتى دة اية الاسئلة دى انت بتحرجنى ماشى مضطر ارد بدبلوماسية شديدة مفيش فرق الاتنين دورهم واحد ليا بس حقيقى انا وبالبلدى كدة بحب لحمى اوى قريب ولا بعيد من نحية امى ولا ابويا بس انا عارف انت قاصد السؤال دة

هل مجلس ادارة مركز الشباب الان افضل ام القديم مع وجود ما يثبت

طبعااااااااا الجديد مش عشاااان انا فية عشااان هو كدة

والافضلية هتيجى مع الايام بس الصبر
الدليل
المجلس القديم لم يوفر كور للنادى احنا وفرناها
فى المجلس القديم كان النادى حكر لناس معينة دلوقت النادى لكل الناس زماااان كان الحجز صعب دلوقت الحجز سهل
وانتظرو المزيد نحن نسعى للتغير والتطوير بس الصبر

انتم بتقولو ا الكور المشكلة مش فى الكور وفى موظفين مش عارف اقول بيتنكوا والا اقول اية مش عارف وانا وانت وكل الناس عارفين ان فى مجهود من بعض الاعضاء بس من غير فائدة

انا عارف قصدك اية
اللى بيتنك دة مش احسن منك لو عاملك بقلة ادب اشتكية وانا هقف معاك قدم شكوى بجد دا لو عندك الجرائة صدقنى هساعدك
عايز اقولك حاجة كلنا عارفين بعض واصل بعض يبقى لية التناكة وقلة الادب بس بجد انا خايف لكون بنفخ فى اربة مخرومة
تبقى مصيبة بجد

امتى الزمالك هياخد الدورى ؟

امتى هيثم نصر هيرشح نفسه فى انتخابات مجلس الشعب ؟

:lol: :lol: :lol: :lol: :lol:

لما الاهلى مايخدش الدورى ودة صعب وعشان الزمالك دة كيان متفكك مليان مشاكل مفهوش حب المصالح الشخصية مخيمة على الكل غير الاهلى طبعااااااااااااااااا وحال الزمالك زى حال الدول العربى تفكك ومشاكل بلا حدود
ا اما ارشح نفسى فى الانتخابات دة بقى يوم ماالناس تحبنى ودة يوم ماربنا يطول عمرى دة مايكون اغتنيت دة يوم مالناس اللى بتكرهنى تقل ودة كلة مش بعيد عن ربنا والله اعلم

يبقى مش هاترشح نفسك خالص

البلد عاملة ايه دلوقتي؟
ده سؤالي
احكي لي بالتفصيل الممل

» الاعتراف بالخطأ