& كرسى الاعتراف &

الجبرتي كتب:

حبيب قلبي بن خالي

انت عارف اسئلتي خفيفة


هل من الممكن ان يحقق الانسان احلامه في وطن غريب



بصراحة اقرب مسجد لصلاة الجمعة بينك وبينه قد ايه



طبعا انت لم تري جدك ابراهيم لذلك سؤالي هو الي اي مدي تأثرت بجدك الشيخ بيومي

استاذى العزيز\ تحياتى
والله انا مش خايف غير منك ....بس ربنا معانا والله المستعان

أولاً- من رأى ان الغربة هى مرحلة مؤقته علشان الواحد يرجع يحقق احلامه
لكن طبعاً ممكن جداً الواحد يحقق احلامه فى الغربه مع ان ده شيئ صعب جداً . واحب اوضح لحضرتك نقطه وهى ان احلام الواحد وطموحاته اكيد بتتغير مع كل يوم بيعدى فى عمره ومع اى تغير بيطرأ على حياته , يعنى اى واحد بيخرج من الإطار اللى عايش فيه اكيد بيحصل تغيير فى اسلوب تفكيره وفى نظرته للأمور وبالتالى فى احلامه وطموحاته مع الحفاظ على المعتقدات والثوابت اللى اتربينا عليها

v
V
v
ثانياً - اقرب مسجد ليا بصراحة بينى وبينه 20 دقيقة مشى لكن فيه مصلى قريب حوالى 3 دقايق . وعلى فكره الاثنين فاتحينهم للصلوات الخمسه مش للجمعة بس ههههههه
v
v
v
ثالثاً - رحمهما الله وادخلهما فسيح جناته هما وسائر اموات المسلمين جميعاً
طبعاً انا ماشفتش جدى ابراهيم لكن ربنا يخليلى والدى وعمى عبدالله حكولى عنه وعن اسلوبه وعن مواقف ليه كتير جداُ لدرجة انى كنت محتفظ بصوره ليه فى غرفتى
أما جدى بيومى وعن مدى تأثرى بيه يكفى انى اقول لحضرتك انى ممكن اكتب اكتر من 200 صفحة فى الجزئية دى بس وهو من القلائل اللى بكيت لما توفاهم الله

ميرسى أوى ياحماده وربنا يخليك
بإيجاز شديد
1- الغربه كربه ( على رأى واحد عرفته فى الغربه)
2- السفر فيه اكثر من سبع فوائد
3- الحياه فى الخارج ممكن تكون أحسن من الحياة فى الداخل لكن بالتأكيد مش أفضل منها
4- معاملة الغرب عاديه جداُ ممكن يكون فيه شوية تحفظات لكن ماتنساش انك انت اللى لازم تفرض اسلوبك على الشخص اللى قدامك يعنى انت اللى تجبره انه يحترمك
يعنى اى شخص استرالى او اى شخص فى العالم لما يلاقيك بتحترمه وتحافظ على مشاعره اكيد هو كمان هايحترمك ويحافظ على مشاعرك مهما كان هناك اختلاف بينكوا

ميسى جمجرة كتب:

عدنا

مميزات انت شايفها فى منتدى جمجرة وفى نفس الوقت ايه السلبيات

هل المنتدى اضفلك شىء ام لم يضيف وايه من رايك الخطوات التى يجب ان تتبع للنهوض بالمنتدى ؟


فاصل ونعود

أولاً انا شايف ان وجود المنتدى فى حد ذاته دى ميزة نسبيه وأعنى بكلمة نسبية انها متغيرة
وهذه الميزة تتغير سلباً وإيجاباً وفقاً لمدى اهتمامنا بالمنتدى وتفعيل ايجابياته
ثانياُ - من مميزات المنتدى ان معظم اعضائه على معرفه شخصية ببعض مما يضفى عليه الروح الأسريه
ثالثاُ - من مميزاته انه خلانى اتعرف عليك يابو صلاح وعلى شباب كتير لم يسعدنى الحظ انى اتعرف عليهم قبل كده
رابعاً - انى بقتل فيه اى وقت فراغ عندى بدل الخروج والمناظر اللى لا تسر عدو ولا حبيب
خامساً - وده الأهم انه اكيد هايكون ليه تأثير كبير فى تغيير نمط التفكير واسلوب الحوار السائد حالياً فى البلد




أما من حيث الإضافات فبالتأكيد لازم يكون المنتدى اضاف ليا كتير لأنى بالتأكيد مهما كان عندى وقت او مهما كان معدل استخدامى للإنترنت من المستحيل انى اقدر اقراْ فى كل المجالات واتابع كل الأخباروبما اننا كلنا اهتمامتنا مختلفة فالمواضيع اللى بنطرحها كمان هاتكون مختلفه وبالتالى فإننا كلنا بنضيف لبعض افكار ومعلومات


أما من حيث النهوض بالمنتدى فأنا فى اعتقادى اننا لازم نوفر فى المنتدى أى شئ ممكن يخطر على بال اى حد من الاعضاء
يعنى الفكرة اللى انا قولتلك عليها ماكنش المقصود منها اننا نعمل منتدى للفوتوشوب بس ولكن كان المقصود منها اننا نعمل زى مركز تعليمى على المنتدى
بحيث يتوافر عليه شروحات للبرامج المختلفة ، مكتبه للبرامج، وقواميس لغوية ، ودروس فى لغات البرمجة .......إلخ
وبالتالى فإن أى عضو ممكن يفكر فى برنامج معين او عايز يعمل شئ ومش عارف يستخدم أى برنامج من البرامج اللى تساعده أو ظروف عمله اضطرته لعمل مشروع معين ومحتاج مساعده
لازم يكون كل متوفر فى المركز التعليمى ده وبالتالى يكون المنتدى ترفيهى وتعليمى وثقافى

وأعتذر عن التطويل

الجبرتي كتب:

تامر سؤالي بتاع كل مرة

كل منا يأتي عليه يوما يقول انا لن اعيش في جلباب ابي متي قلت هذه العبارة


هل درستك للتجارة نتيجة لتأثرك بأحد رجال البنوك وهو عمك احمد ام كتب التنسيق


ايه شعورك في اول يوم لك في الجامعة اوعي تقول ناسي

أولا على قد ما أسئلتك صعبه وبتحتاج تفكير كثير إلا إنى سعيد بيها جداً
أولاً انا عمرى ماقولت لن اعيش فى جلباب ابى لأنى انا اصلا ملك ابى (انت ومالك لأبيك ) ثم انى والحمد لله عمرى ما اتصرفت تصرف غير لما يكون والدى عنده علم بيه لأنه عمرى ماقالى لأ بدون مناقشة
لازم نتناقش الأول ويقنعنى وكان دايماً بيقنعنى ويخلينى انا اللى اتنازل عن فكرتى وانا اللى اقول لأ


أما بالنسبة لدراستى للتجارة فهى عن رغبه مستميته منى ودى يمكن الحاجة الوحيدة اللى قدرت اقنع والدى بيها يعنى الموضوع مالوش علاقة بالتنسيق
وكمان عمى احمد مالوش اى دور شخصى فى التأثير عليا وإن كان عند اختيارى كان مثال انا شايف انه يحتذى بيه بدون اى تدخل شخصى منه
وعلشان كده كان لازم اثبت لوالدى مدى صحة اختيارى وده اللى خلانى هنا دلوقتى

أما بالنسبة لأول يوم فى الجامعة فكنت زى أى واحد فى الدنيا مستغرب الجو حبتين
لكن برده افتكر انى فى اول يوم كان اول شئ اعمله الصبح انى دخلت وسألت على رعاية الشباب ومن ساعتها لحد ماخرجت من الكلية وانا ليا انشطه وليا اسرة فى الكلية
وعلى فكرة ده برده كان اقتراح والدى

هيثم نصر كتب:

ازيك ياتامر عامل اية فى الغربة وفى كرس الاعتراف بتاعنا كرسى عرش المنتدى
ياريت تكون بخير وحشنا موت
المهم اسئلتى بسيطة وسريعة
مين اكتر حد وحشك فى مصر؟
ومين اكتر حد خايف تشوف وشة فى مصر؟
لية مبتفكرش فى الارتباط حاليا ولا انت مرتبط ومخبى؟
مين صحبك الانتيم ولا ملكش صاحب؟
حبيت كام مرة واخر مرة امتى؟
لو انت رئيس جمهورية جمجرة العربية المتحدة بتعطيش الجيم
مين هتنفية؟ مين هتعدمة؟
مين هتسجنة؟ مين هتولية المسئولية خلفا عنك؟
هتعمل اية لشباب بلدك ولبلدك؟
انا عارف انك فنان بترسم اخر مرة رسمت امتى وكان اية؟
مش هطول ولينا عودة ان شاء الله

أنا الحمد لله يا هيثوم والله انت اللى واحشنى قوى انت وعماد والشباب كلهم
الكرسى بتاعكو مريح بس مش قوى ، خف انت بس من الاسئلة دى وربنا هايسهلها ان شاء الله

1- طبعا بعد والدى ووالدتى اكتر شخص واحشنى فى مصر هى الانسة بنت اختى
2- الحمد لله مفيش حد خايف اشوف وشه
3- لا الحمد لله انا مش مرتبط ولا حاجة اما بالنسبه للموضوع ده فهو شر ولا بد منه وكل شئ بأوان لسه بدرى ومش بفكر فيه علشان فيه حاجات تانيه بفكر فيها
4- انا الحمد لله اصحابى كتير اما الأنتيم فأعتقد انك ممكن تفتكره هو عبدالرحمن العربى كان معانا فى الثانوية العامه
5- على فكره سؤالك رخم بس هاجاوبك انا حبيت مرتين اتنين اما اخر مرة كانت من حوالى 3 سنين
6- انا لو رئيس الجمهورية ( فى جمجرة يعنى ) هطبق حدود الله
أما عن الاستخلاف فأمركم شورى بينكم وكما قال الفاروق عمر بن الخطاب ( لن احملها حياً وميتاً )ا
7- لو عايز تعرف انا عايز اعمل ايه للبلد وشبابها خش على اللينك ده علشان ماطولش عليك [ندعوك للتسجيل في المنتدى أو التعريف بنفسك لمعاينة هذا الرابط]
8- ياعم هيثم انا لا فنان ولا بدنجان انا راجل غلبان
لكن اخر مرة رسمت فيها كنت فى رابعة كلية ورسمت لوحة اسمها مصر التى كانت فى خاطرى والحمد لله خدت مركز اول على مستوى الجامعة و80 جنيه من رعاية الشباب هههههههه
بس ملحقتش مهرجان الجامعات المصرية علشان كنت اتخرجت
واخيرا انا منتظرك تعود بخير بعد الفاصل

الجبرتي كتب:

تامر هناك ايام مرت عشنها بحلوها ومرها اذكر يوم حلو ويوم مر

من الأيام المرة التى اتذكرها يوم وفاة جدى بيومى
اما اليوم الحلو هو اليوم اللى اتصلوا بيا يبلغونى انى اتقبلت فى وظيفة مراجع ومحلل مالى فى احدى الشركات الكبيرة فى قطاع تداول الأوراق المالية

ميسى جمجرة كتب:

عدنا

سؤال اشتقيته من سؤال الجبرتى

ايه بقى اصعب واحلى يومين مريت بيهم بس مش فى حياتك كلها

فى استراليا بس


فاصل ونعود

اولا الايام هنا كلها مرار بس هحاول افتكرلك حاجة
اليوم الحلو :
يوم ما نجحت فى الاختبار المبدئى لجامعة نيو ساوث ويلز علشان يوافقوا على انى اعمل معادلة للدبلومة اللى انا كنت عاملها فى مصر
وفرحت علشان الامتحان ده صعب جداً وقليل جداً اللى بينجح فيه

اليوم المر :
هو بصراحة يابو صلاح الايام هنا كلها متاعب مش بتلحق تفرح ساعتين على بعض بس برده هاقولك يوم منها
كنت مسافر من سيدنى لولاية تانية علشان كان جايلى شغل هناك الطريق بياخد بالطيارة حوالى ساعتين انا بقى ماكنش معايا تمن تذكرة الطيارة فقررت اروح بالعربية والطريق بالعربية بياخد حوالى 14 ساعة متواصل بدون توقف
المهم خرجت من سيدنى حوالى الساعة 10 الصبح وطبعا كنت بقف كتير علشان العربية اللى معايا ربع عمر وحوالى الساعة 8 بالليل وقفت اريح العربية فى حتة كده شبه الغابات اللى بنشوفها فى الافلام الاجنبى
جيت ادور العربية علشان امشى حلفت ماهى شغالة
الخلاصة اتصلت بالبوليس وقعدت فى العربية لحد ماوصلولى الساعة 4 الفجر
وربنا وحده اللى يعلم الكام ساعة دول عدوا عليا ازاى بس الحمد لله ربنا ستر

هيثم نصر كتب:

هيييييييييية
انا جيت
ازيك ياكنج عامل اية يارب يكون الاعضاء مظبطينك

المهم سؤالى خفيف طبعاااا كالعادة
لو انت رئيس جمهورية نفسك اية الصفة الوحشة اللى فيك هتعدمها؟
واية اول قرار هتاخدة لما تقعد من نفسك؟ اخر مرة قعدت فيها مع نفسك كانت امتى؟
اية مواصفات بنت الحلال؟
اية المشروب اللى بتشربة فى الصورة؟
ولنا عودة

الحمد لله يا هيثم متظبط على الاخر بس الحمد لله ان مش العضاء كلهم فاضيين مفيش غيرك انت والجبرتى وميسى والدكتور بس ان شاء الله نردهلكوا فى الافراح
لو انا رئيس جمهورية نفسى هاعدم صفة واحدة وهى انى بفكر كتير
انا اوقات بفكر وانا نايم واقوم من النوم عندى صداع
2- والله حاليا جارى دراسة قرار بالنزول فى اجازة لمصر . اما اخر مرة قعدت فيها مع نفسى كان من ساعتين
3- مواصفات بنت الحلال انها تكون بنت حلال واهم صفة طبعاً التدين والاخلاق بعد كده بقى ندور على الأب علشان لازم يكون حماك راجل بيعرف فى الاصول ومتدين ويتقى الله وبعدين يجى دور اخوتها اللى هايبقوا اخوال عيالك لازم طبعا يكونوا رجالة مش عيال من اللى بتسقط البنطلون الجينز...........بص يا هيثم الموضوع معقد وغاية فى الصعوبة وشرحه يطول بس فى النهاية احب اذكرك بقول الله سبحانه وتعالى (الطيبون للطيبات)
4- المشروب اللى بشربه زى الفانتا كده وبلاش ظن انا بكح من المية الساقعة

الجبرتي كتب:

كيف تعرفت علي منتدي جمجرة

كيف نستطيع الارتقاء بهذا المنتدي

من هو الشخص اللي من سنك وتنتظر له مستقبل مشرق

من هو الشخص اللي من سنك وقلت حرام اللي بيحصله ده


من هو الشخص اللي من سنك وقلت ده محظوظ

استاذى
1- اتعرفت على المتندى من البحث على جوجل
2- من حيث الارتقاء فاعتقد انى جاوبت ميسى عن السؤال ده قبل كده
3- الدكتور \\ رزق محمد عبدالرحمن ربنا يوفقه ويارب اشوفه استاذ دكتور ورئيس قسم الجراحة وهو فى محل الاخ لأننا لينا تاريخ طويل قوى مع بعض اعتقد ان حضرتك عارفه وياريت تبلغه سلامى لأنى مش معايا رقم موبايله
4- بصراحة مفيش حد كلهم يستاهلوا اللى بيحصلهم ( وما ربك بظلام للعبيد ) ولا ايه استاذنا
5- انا لا أؤمن بالحظ انما هى ارزاق

المغامر كتب:

حبيبي تيمور اخبارك ايه يا استاذ تامر

صورتك منورة

سؤال اخوي هههههه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟انت حسيت بالظلم في مصر اكتر ولا في استراليا

وياترى لو خيرت ان تبقى طوال عمرك في الغربة في معيشة رفاهية ورخاء او تعود لمصر كما غادرتها وكان شيئا لم يكن
فماذا تختاررررررررررررر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تسلم يا دكتور على المجاملة الرقيقة دى بس الصورة مش منورة قوى .........امال لو شفت الاصل هاتعمل ايه ههههههههه
بصراحة انا حسيت بالظلم فى استراليا اكتر لأسباب كتيرة شرحها يطول لما نتقابل ان شاء الله خليك فاكر السؤال وانا ابقى اجاوبك ........وربنا يجمعنا على خير ان شاء الله

بالنسبة للجزء التانى من السؤال
طبعا هختار ارجع مصر وكأن شيئاً لم يكن لأنى والحمد لله كنت فى مصر كويس جداً ومبسوط بشغلى وحياتى ودراستى وكل حاجة
اما هنا ربنا وحده اللى يعلم ........ بس فى النهاية بنقول الحمد لله قدر الله وماشاء فعل وكلها سنتين واخلص وارجع مصر تانى

تامر الايام تمر بك وانت الان عمال تشرط ده اه وده لاء


متي تحس ان قطار الجواز فات الفتاة


ومتي تحس ان علي الشاب ان يجري ليلحق بالعربة الاخيرة للجواز

الجبرتي كتب:

تامر الايام تمر بك وانت الان عمال تشرط ده اه وده لاء


متي تحس ان قطار الجواز فات الفتاة


ومتي تحس ان علي الشاب ان يجري ليلحق بالعربة الاخيرة للجواز

اولا يا استاذى احب اعرف انت مين اللى قالك على موضوع ده اه وده لأ
شكلك قابلت حد من عندنا
المهم اجاوب حضرتك برده
1- يا استاذى العزيز كل شئ قسمة ونصيب وهناك مقولة بتقول ( لكل ساقطة فى الأرض لاقطة ) وطبعاً كل فوله وليها كيال ....هههههههههههه
يعنى اى بنت فى الدنيا اكيد هيجيلها اللى يرضى بيها فى اى وقت وفى اى سن وتحت اى ظروف
اما بالنسبة ليا انا شخصيا فاعتقد ان موضوع القطر ده بيتوقف على العريس يعنى مفيش واحد هياخد واحده اكبر منه فى السن
يعن اللى عمرها قد عمرى يبقى فاتها القطر بتاعى وربنا يكرمها وتلحق قطر واحد اكبر منى فى السن
بيتهيألى كده وصلت الفكرة
2- اعتقد فى سن 30